Elder James J. Hamula
No te Hitu Ahuru
Mai te mea e mea na roto vau nei i te faataa-raa-hia no teie nei piiraa, e mea na roto ïa i to‘u iteraa papû o ta‘u i farii i te 18raa o to‘u matahiti a faaineine ai au no ta‘u misioni », o te parau ïa a Elder James Joseph Hamula. « Ua roa‘a ia‘u te hoê iteraa rau faufaa roa i reira to‘u fariiraa i te hoê iteraa puai no te mo‘araa o te Fatu e o Ta’na Ekalesia ».
Fanauhia i te 20 no novema 1957, i Long Beach i Kalifonia i te Mau Hau Amui no Marite ia Joseph e ia Joyce Hamula, te haamana‘o nei Elder Hamula i te tai‘oraa i te hoê ohipa i tupu i roto i te Orama Matamua. Ua tai‘o oia e mea nahea to Iosepha Semita hinaaroraa i te ite i te parau mau, e ua mana‘o oia i te haere atoa e ani i te Fatu na roto i te pure. « No reira, ua tuturi au i te hiti o to‘u ro‘i i roto i te pure mau o te aau. Ei pahonoraa, ua farii au i te hoê iteraa papû ma te hape ore o ta‘u i ore na i ite i roto i to‘u oraraa. Ua ti‘a mai au i ni‘a ma te ite e e parau mau te Ekalesia ».
I muri mai i to’na taviniraa i roto i te Misioni no Munich i te fenua Heremani, ua faahanahanahia o Elder Hamula i te hoê parau tu‘ite i roto i te ihi politita e te philosophia i te Fare Haapiiraa Tuatoru no Brigham Young. Ua roaa’ toa ta’na parau ‘ai‘ihi tuatoru i roto i te ohipa ‘ihi politita philosophia e i te ohipa no te ture i te Fare Haapiiraa atoa no Brigham Young. I te taime o to’na piiraa i roto i te pŭpŭ matamua no te Hitu Ahuru, te rave ra oia i te ohipa ei avota i Mesa, Arizona i te Mau Hau Amui no Marite.
Ua farerei Elder Hamula i ta’na vahine Joyce Anderson i Arizona. Ua faaipoipohia raua i roto i te hiero no Mesa i Arizona i te 27 no eperera, 1984, e na metua raua no na tamarii e ono. Ta raua na tamarii hopea e na maehaa tamaroa, ua fanauhia ïa a tavini ai Elder Hamula ei peresideni misioni no Washington D.C. apatoa.
Ua tavini atoa Elder Hamula ei episekopo, ei peresideni tĭtĭ e ei Hitu Ahuru Area. « Ua haamaitaihia te taato‘araa o to‘u mau iteraa rau i roto i te Ekalesia i te taime a faaineine ai au ei taure‘are‘a 18 matahiti no ta‘u misioni », o ta’na ïa i parau. « O te niu te reira o te mau mea’toa ».