1 දැන් එය මෙසේ සිදු විය, එනම් මොසායාගේ පුත්‍රයන් මේ සියලු දේවල් කළ පසු, ඔවුන් කුඩා සංඛ්‍යාවක් ඔවුන් සමඟ රැගෙන ඔවුන්ගේ පියා වන, රජු වෙත ආපසු හැරි ගියෝය, තවද එනම් ඔවුන් තෝරාගත්තාවූ අය සමඟ, නීෆායි දේශය වෙතට ගොස් එනම් ඔවුන් ඇසූ දේ දේශනා කිරීමටද, තවද එනම් ඔවුන්ගේ සහෝදරයන් වන ලේමන්වරුන් වෙත, දෙවියන්වහන්සේගේ වචනය බෙදාදීම පිණිස ඔවුන් ඔහුගෙන් කැමැත්ත ඉල්ලුවෝය.

2 එනම් සමහරවිට ඔවුන් ස්වාමීන් වූ ඔවුන්ගේ දෙවියන්වහන්සේ පිළිබඳ දැනගැනීමට ඔවුන්ව ගෙන එනු ලබන පිණිස, තවද ඔවුන්ගේ පියවරුන්ගේ අයුතුකම් ඔවුන්ට ඒත්තුගැන්වීම හැකිවීමටය; තවද එනම් සමහරවිට ඔවුන් නීෆායිවරුන් කෙරෙහි ඇත්තාවූ ඔවුන්ගේ වෛරය සුව කිරීමට, එනම් එසේම ඔවුන්ව ස්වාමීන් වූ ඔවුන්ගේ දෙවියන්වහන්සේ තුළ ප්‍රීති වන පිණිස ගෙන ඒමටය, එනම් ඔවුන් එකිනෙකා සමඟ මිත්‍රශීලී වීමටය, තවද එනම් එහි ස්වාමීන් වූ ඔවුන්ගේ දෙවියන්වහන්සේ ඔවුන්ට ලබා දුන්නාවූ සියලු දේශයන්හි තවත් මතභේද ඇති නොවන පිණිසය.

3 දැන් එනම් ගැලවීම සියලු මැවීමකටම ප්‍රකාශ කිරීම ඔවුන්ගේ ආශාව විය, මක්නිසාද කිසිම මනුෂ්‍ය ප්‍රාණයක් විනාශ වීම ඔවුන් හට දරාගත නොහැකි විය; එසේය, එනම් ඕනෑම ප්‍රාණයක් නිමක් නැති වද වේදනා විඳිය යුතුය යැයි යන සිතුවිලි පවා ඔවුන්ව කම්පනයට සහ වෙව්ලීමට සැලැස්වූවෝය.

4 මක්නිසාද ඔවුන් ඉතාමත්ම නීච පව්කාරයන් වූ බැවින්, තවද මෙසේ ස්වාමීන්වහන්සේගේ ආත්මය ඔවුන් මත ක්‍රියා කළ සේක. තවද ස්වාමීන්වහන්සේ ඔවුන් ගලවා ගැනීම සඳහා උන්වහන්සේගේ අපිරිමිත කරුණාව යෝග්‍ය බව දුටු සේක; එසේවූවත්, ඔවුන්ගේ අයුතුකම් නිසා ඔවුන්ගේ ප්‍රාණයෙන් බොහෝසේ සංවේගයන් වින්ඳේය, එනම් ඔවුන්ව සදහටම නෙරපා හරිනු ලබන්නේයැයි බියෙන් බොහෝ දුක් වින්දෝය.

5 තවද එය මෙසේ සිදු විය, එනම් ඔවුන් නීෆායිගේ දේශයට යෑම පිණිස බොහෝ දවසක් ඔවුන්ගේ පියාගෙන් අයැද සිටියෝය.

6 තවද මොසායා රජු ගොස් ස්වාමීන්වහන්සේගෙන් ඔහුගේ පුත්‍රයන් වචනය දේශනා කරන පිණිස ලේමන්වරුන් අතරට යාමට ඉඩදිය යුතු දැයි කියා විමසා සිටියේය.

7 තවද ස්වාමීන්වහන්සේ මොසායාට මෙසේ කී සේක; ඔවුන් හට යන්නට ඉඩ හරින්න, මක්නිසාද බොහෝ දෙනෙකු ඔවුන්ගේ වචන විශ්වාස කරන්නෝය, තවද ඔවුන් සදාකාලික ජීවිතය ලබන්නෝය; තවද මම නුඹගේ පුත්‍රයන්ව ලේමන්වරුන්ගේ දෑතින් ගලවා ගන්නෙමි.

8 තවද එය මෙසේ සිදු විය, එනම් ඔවුන්ට ගොස් ඔවුන්ගේ ඉල්ලීමට අනුකූලව ක්‍රියා කරන ලෙස මොසායා අවසර දුන්නේය.

9 තවද ඔවුන් ලේමන්වරුන් අතරේ වචනය දේශනා කරන පිණිස ඔවුන්ගේ ගමන වනාන්තරය වෙතට ගියෝය; තවද මම ඔවුන්ගේ ගමන් පිළිබඳව මින්පසු වාර්තාවක් ලබා දෙන්නෙමි.

10 දැන් මොසායා රජුට රාජ්‍යය පැවරීමට කිසිවෙකු නොවීය, මක්නිසාද ඔහුගේ පුත්‍රයන්ගෙන් කිසිවෙකුවත් රාජධානිය පිළිනොගත්තෝය.

11 එසේහෙයින් පිත්තල තහඩු මත කැටයම් කර තිබූ වාර්තාවන්ද, තවද එසේම නීෆායිගේ තහඩුද ඔහු ගත්තේය, තවද දෙවියන්වහන්සේගේ අණ පනත් වලට අනුව ඔහු විසින් ආරක්ෂා කර තබා ගත්තාවූ සියල්ලද, ලිම්හායි ජනතාව විසින් සොයා ගනු ලැබූ රන් තහඩුවල තිබූ වාර්තාවන් ලියා පරිවර්තනය කිරීමට සැලැස්වීමෙන් පසු, ලිම්හායිගේ අතින් ඔහුට භාර දෙනු ලැබු ඒවා විය;

12 තවද ඔහු මෙය කළේ ඔහුගේ ජනතාවගේ මහත් සාංකාව නිසාය; මක්නිසාද විනාශ වූ එම ජනතාව පිළිබඳ දැන ගැනීමට ඔවුන් බෙහෙවින් ආශා වූවෝය.

13 තවද දැන් ඔහු ඒවා පරිවර්තනය කරනුයේ දුන්නක පට්ටම් දෙකකට තදකොට තිබූ ගල් දෙකක උපකාරයෙනි.

14 දැන් මේ දේවල් ආරම්භයේ සිට සකස් කර තිබුණු අතර, භාෂාවන් පරිවර්ථනය කිරීමේ අරමුණ සඳහා, තවද පරම්පරාවෙන් පරම්පරාවට පැවරුනු ලැබුවේය;

15 තවද එනම් ඔහු දේශය අයිති කර ගත යුතු සෑම මැවීමකටම ඔහුගේ ජනතාවගේ අයුතුකම් සහ පිළිකුල්කම් ඔහු සොයා ගන්නා පිණිස, ඒවා ස්වාමීන්වහන්සේගේ හස්තය මඟින් ආරක්ෂා කර රඳවා ඇත්තේය.

16 තවද මෙම දේවල් තිබෙන්නාවූ ඕනෑම කෙනෙකු, පුරාණ කාලයේ ක්‍රමයට අනුව දිවැසිවරයා යනුවෙන් හඳුන්වන්නේය.

17 දැන් මොසායා මෙම වාර්තා පරිවර්තනය කර අවසන් කළ පසු, බලව එය විනාශ කරනු ලැබූ ජනතාව පිළිබඳව විස්තරයක් ලබා දුන්නේය, එම කාලය වුයේ එනම් ස්වාමීන්වහන්සේ ජනතාවගේ භාෂාවන් ව්‍යාකූල කර, තවද ඔවුන් මුළු පොළොව පුරා විසිරී සිටි, එනම් ඔවුන් විනාශ වූ කාලයේ සිට මහත් කුළුණ ගොඩනැඟීමේ කාලය දක්වා, එසේය, තවද එම කාලයේ පටන් ආදම්ගේ මැවීමේ කාලය දක්වාය.

18 දැන් මෙම වාර්තාව මොසායාගේ ජනතාවට බෙහෙවින් දුක්වීමට සැලැස්විය, එසේය, ඔවුන් ශෝකයෙන් පිරී ගියෝය; එසේනමුත්, එය ඔවුන්ට මහත් දැනීමක් ලබා දුන් අතර, ඔවුන් එහි ප්‍රීතිමත් වූවෝය.

19 තවද මෙම වාර්තාව මෙතැන් පටන් ලියා ඇත්තේය; මක්නිසාද බලව, එනම් මෙම වාර්තාවේ ලියා තිබෙන්නාවුු දේවල් සියලු මනුෂ්‍යයන් දැනගැනීමට අවශ්‍ය වන්නේය.

20 තවද දැන්, මම නුඹලාට කීවාක් මෙන්, එනම් මොසායා රජු මේ දේවල් කළ පසු, ඔහු පිත්තල තහඩු ගෙන, තවද ඔහු විසින් තබා තිබුනාවූ සියලු දේවල්, තවද ඇල්මාගේ පුත්‍රයා වන, ඇල්මා හට ඒවා ලබා දුන්නේය; එසේය, සියලුම වාර්තාද එසේම සියලුම පරිවර්තකයන්ද, තවද ඒවා ඔහු වෙත ප්‍රදානය කළේය, තවද එනම් ඔහු ඒවා තබාගැනීමට සහ ආරක්ෂා කරන ලෙසත්, තවද එසේම ජනතාවගේ වාර්තාවක් තබා ගැනීමටත්, එමෙන්ම ලීහායි ජෙරුසලමෙන් පිට වූ කාලය සිට ඔවුන් සතුව තිබූ ආකාරයටම ඒවා එක් පරම්පරාවකින් අනෙක් පරම්පරාවකට පවරා දීමට අණ කළේය.