1 Akkasumas kun erga ta’ee booddee guyyaa lamaa fi halkan lama booda reeffa isaa fuudhanii, gara iddoo awwaalchaa isa du’aa isaanii itti awwaaluuf qopheeffatan sana keessa isa ciibsuuf jedhanii turan.

2 Amma mootittiinis beekamtii Amoon waan dhageesseef, kanaafuu isheen ergaa ergitee gara ishee akka inni dhufuuf in barbaadde.

3 Akkasumas kun erga ta’ee booddee, Amoon akka abboomame in godhe, akkasumas gara mootittiitti dhaqe, akkasumas inni isheedhaaf maal gochuu akka qabu ishee in gaafate.

4 Akkasumas isheen akkas isaan jette: Ati raajii Waaqayyo qulqulluu akka ati taate hojjettoonni abbaa manaa kootii akka natti himaniiru, akkasumas ati maqaa isaatiin hojiiwwan jajjaboo baay’ee hojjechuuf humna akka qabdu natti beeksisaniiru.

5 Kanaafuu, sababni isaa kana yoo ta’eef, ani akka ati ol galtee abbaa mana koo ilaaltu nan barbaada, sababni isaas inni guyyaa lamaa fi halkan lamaaf siree isaa irra ciisee jira; akkasumas warri kaan inni hin duune jedhu, garuu warri kaan immoo inni du’eera, akkasumas ajaa’eera jedhu, akkasumas inni iddoo awwaalchaa keessa kaa’amuu qaba; garuu akka kootti, inni anatti hin ajoofne.

6 Mootichi Laamooniin humna Waaqayyoo jala akka jiru waan beekuuf kuni amma fedhii Amooniin ture; inni haguuggiin gurraachi amanuu diduu sammuu isaa irraa kaafamaa akka jiru waan beekuuf, akkasumas ifni inni sammuu isaa ibsu, ifa isa ulfina Waaqayyoo kan ta’e, innis ifa dinqisiisaa gaarummaa isaa kan ture, eeyyee, ifni kun lubbuu isaatti gammachuu akkasii galchee ture, duumessi dukkanaas achii kaafameera, ifni jireenya bara baraa lubbuu isaa keessatti ifee ture, eeyyee, kun qaama uumama isaas akka mo’e in beeke, akkasumas inni gara Waaqayyos in fudhatame—

7 Kanaafuu, waanti mootittiin isa irraa barbaadde fedhii isaa qofa ture. Kanaafuu, inni akka mootittiin barbaadetti mooticha ilaaluuf gara isaa in gale; akkasumas inni mooticha in arge, akkasumas akka inni hin duunes in bare.

8 Akkasumas, innis mootittiidhaan akkas in jedhe: Inni hin duune, garuu inni Waaqayyoon in rafe, akkasumas borumtaas deebi’ee in ka’a; kanaafuu isa hin awwaalinaa.

9 Akkasumas, Amoon akkas isheedhaan in jedhe: Ati kana in amantaaree? Akkasumas, isheen akkas isaan in jette: Ani dubbii keetii fi dubbii hojjettoota keenyaa malee dhuga ba’uumsa tokko illee hin arganne; haa ta’u malee ani akkuma ati dubbattetti akka ta’uuf jiru nan amana.

10 Akkasumas, Amoon akkas isheedhaan jedhe: Sababa amantii kee isa guddaa kanaaf ati kan eebbifamteedha; ani siin nan jedha, dubartii nana, saba Nefii hundumaa gidduutti amantii guddaan akkasii hin turre.

11 Akkasumas kun erga ta’ee booddee, yeroo sana irraa jalqabdee, hammaa yeroo borumtaa isaa Amoon akka inni ka’u itti dubbateetti, isheen siree abbaa manaa isheetti in eegde.

12 Akkasumas kun erga ta’ee booddee, akkuma dubbiiwwan Amoonitti innis in ka’e; Akkasumas akkuma inni ka’een, harka isaa gara dubartiittii sanaattii in diriirse, akkasumas akkas in jedhe: Maqaan Waaqayyoo kan eebbifame haa ta’u, akkasumas atis kan eebbifamteedha.

13 Akkuma ati lubbuun jirtu kana, kunoo, ani Furee koo argeera; akkasumas inni in dhufa, akkasumas dubartii irraas in dhalata, akkasumas inni ilmaan namaa warra maqaa isaatti amanan hundumaas in fayyisa. Amma yeroo inni dubbiiwwan kana dubbatetti garaan isaa isaa gammachuudhaan of wallaaluun lafa irratti in kufe, akkasumas inni gammachuudhaan deebi’ee in guutame, akkasumas mootittiinis Hafuurichaatiin dhuunfatamtee of wallaaluun in kufte.

14 Amma akkaataa kadhannaa isaatiitti Hafuurri Gooftichaa obboloota isaa warra Laamaan kangadda warra Nefiitiif baay’eedhaaf yookiin saba Waaqayyoo hundumaa gidduutti warra sababa jal’inaa fi aadaa isaaniitiif sababa ta’anii turan irratti akka dhangala’e Amoon in arge, innis jilba isaatiin gadi kufuun, akkasumas kadhannaafi galataan waan Waaqayyoo obboloota isaatiif godheef lubbuu isaa Waaqayyoof dhangalaasuu in jalqabe, akkasumas inni gammachuu guddaadhaan in liqimfame; akkasumas akkasittiin sadan isaanii hundinuu lafatti in kufan.

15 Amma, hojjettoonni mootichaa kufuu isaanii yommuu arganitti, sodaan Waaqayyoos immoo waan isaanitti dhufeef, isaanis immoo gara Waaqayyooon kadhachuu in jalqaban, sababni isaa isaan warra mooticha dura dhaabbatanii waa’ee humna guddaa Amoon dhugaa kan ba’an isaan waan turaniifiidha.

16 Akkasumas kun erga ta’ee booddee, dubartoota warra Laamaaniin keessaa, kan maqaan ishee Abish jedhamtu sababa mul’ata dinqisiisaa abbaan ishee argeen isheen gara Gooftaatti waggaa dheeraa dura jijjiiramte irraa kan hafe, hundumti isaanii lafatti kufuudhaan isaan maqaa Gooftichaa humna isaaniin in waaman—

17 Akkasitti, isheen gara Gooftaatti in jijjiramte, akkasumas gonkumaas akka hin beeksifamne in goote, kanaafuu isheen hojjettoonni Laamoonii lafatti kufuu isaanii, akkasumas immoo giiftiin ishee, mootittiin, akkasumas mootichi, akkasumas Amoonis lafa irra diriiree ciisuu isaa yommuu argitetti, isheen humna Waaqayyoo ta’uu isaa in beekte; akkasumas kana akka carraatti tilmaamuudhaan, waan isaan gidduutti ta’e namootatti beeksisuudhaan, taatee kana ilaaluun humna Waaqayyootti akka isaan amananiif sababa ta’a jettee in tilmaamte, kanaafuu isheen manaa gara manaatti fiiguudhaan namootatti in beeksiifte.

18 Akkasumas, isaan gara mana mootichaatti walitti qabamuu in jalqaban. Akkasumas, tuutni baay’eenis in dhufan, akkasumas mootichi, akkasumas mootittiin akkasumas hojjettoonni isaanii lafa irra diriiranii, akkasumas hundumti isaanii akka waan du’aniitti achi ciisani in argan; akkasumas isaan Amooniin, akkasumas kunoo, akka inni nama Nefii tures in hubatan.

19 Akkasumas amma, sabni walii isaanii gidduutti gungumuu in jalqaban; muraasni isaanii, yookiin mootichaa fi mana isaa irratti waanti ta’e, sababa inni warri Nefii biyyicha keessatti akka hafan heyyameef badiin guddaan isaanitti in dhufe jedhan.

20 Garuu warri kaan akkas jedhanii, isa in ceephan: Mootichi kun hojjettoota isaa warra hoolota isaanii bishaan Seebusitti bittinneessanii turan waan inni ajjeeseef, waan hamaa kana mana isaa irratti fideera.

21 Akkasumas, isaanis immoo namoota warra bishaan Seebuusiin bira dhaabbatanii karra hoolota mootichaa warra faffacasanii turan sanaan in ceephaman, sababni isaas Amoon yommuu hoolota mootichaa eegaa turetti, obboloota isaanii baay’ee bishaan Seebusiin biratti waan ajjeesee tureef isatti aaranii turan.

22 Amma isaan keessaa tokko, inni obboleessi isaa billaa Amooniin ajjeefamee ture, Amoonitti waan baay’ee aareef, Amooniin ajjeesuuf billaa isaa luqqifatee isa irra buusuuf gara isaa in deeme; akkasumas isa rukutuudhaaf yeroo inni billicha ol fudhatetti, kunoo, inni kufee in du’e.

23 Amma sababii Gooftaan abbaa isaa Mozaayyaadhaan akkas jedhee tureef, nuyi Amoon akka ajjeefamuu hin dandeenye in argina: Ani isa nan oolcha, akkasumas kun akka amantii keetiitti isaaf in ta’a—kanaafuu, Mozaayyaan Gooftaatti isa in kenne.

24 Akkasumas kun erga ta’ee booddee, namichi inni Amooniin ajjeesuuf billaa baafatee ture kufee du’uu isaa ummanni yeroo argetti, sodaan hunduma isaanii irratti in dhufe, akkasumas isaan isa yookiin warra kufan keessaa tokko tuquuf harka isaanii diriirsuuf ija hin jabaanne; akkasumas isaan sababni humna guddaa kanaa maal ta’uu akka danda’u, yookiin waantotni kun hundinuus maal jechuus akka ta’e gidduu isaanitti deebi’anii dinqisiifachuu in jalqaban.

25 Akkasumas kun erga ta’ee booddee, isaan gidduudhaa baay’een Amoon Hafuura isa Guddaa ture in jedhan, akkasumas warri kaanis inni Hafuura Guddaadhaan ergamee ture in jedhan.

26 Garuu warri kaan hunduma isaanii in ceepha’an, inni bulguu isa warra Nefii irraa isaan dhiphisuuf ergameedhas in jedhan.

27 Akkasumas, namoonni tokko tokko immoo Amoon sababii jal’ina isaaniitiif isaan dhiphisuuf Hafuura Guddaadhaan ergame in jedhan; akkasumas Hafuura Guddaa kan harka isaanii keessaa isaan baase akka yeroo hundumaa warra Nefii akka tiksu dubbatanii turan; akkasumas isaan kun isa obboloota isaanii warra Laamaaniin baay’ee ajjeese Hafuura Guddaa kana akka ta’es dubbatanii turan.

28 Akkasumas, akkasittiin walitti bu’iinsi isaan gidduutti garmalee ifa ta’uu in jalqabe. Akkasumas, yommuu isaan akkasittiin wal-lolaa turanitti, hojjettuu ishee dubartiin akka tuutni baay’een walitti qabaman goote sun in dhufte, akkasumas isheen yeroo walitti bu’iinsa tuuta baay’ee sana gidduu jiru argitetti hamma imimmaan buuftutti illee garmalee in gaddite.

29 Akkasumas kun erga ta’ee booddee, isheenis deemuudhaan mootittii, tarii lafa irraa ishee ol kaasuuf jettee harkaan in qabatte; akkasumas battaluma isheen harka ishee tuqxetti isheenis ol kaatee miilla isheetiin in dhaabatte, akkasumas sagalee guddaadhaan akkas jettee in iyyite: Yaa eebbifamaa Yesuus, si’oolii isa sodaachisaa irraa na oolchite! Yaa Waaqayyo eebbifamaa, saba kanaaf araara godhi!

30 Akkasumas, yeroo isheen akkas jettetti, harka ishee walitti in rukutte, gammachuudhaanis in guutamte, dubbiiwwan baay’ee hubatamuu hin dandeenyes in dubbatte; akkasumas isheen kana yeroo xumurtetti, isheen mooticha, Laamooniin, harka isheetiin in qabde, akkasumas kunoo inni ka’ee miilla isaatiin in dhaabbate.

31 Akkasumas, inniwal-dhabdee saba isaa gidduu jiru yeroo in arge, gara fulduraaatti in deeme, akkasumas isaaniin ceepha’uus in eegale, akkasumas dubbiiwwan afaan Amoon irraa dhaga’ee tures isaan barsiisuu in jalqabe; akkasumas namoonni isa dhaga’an hundumtuu dubbiiwwan isaatti amananii turan, akkasumas gara Gooftaattis jijjiiramanii turan.

32 Garuu isaan keessaa baay’een dubbiiwwan isaa kan dhaga’uu hin barbaanne jiru turan; kanaafuu isaan karaa ofii isaanii in deeman.

33 Akkasumas kun erga ta’ee booddee, Amoon yeroo ol ka’etti inni immoo isaaniin in tajaajile, akkasumas immoo hojjettoonii Laamoon hundumtuu akkasuma in godhan; akkasumas hundumti isaanii akkasuma waanta wal fakkaataa in labsan—garaan isaanii waan jijjiirameef isaanis kana booda hojii hamaa hojjechuuf fedhii hin qabaanne.

34 Akkasumas kunoo, baay’een isaaniis ergamoota akka arganii fi isaanii wajjiniinis akka haasa’anii turan sabichatti in labsan, akkasumas akkasittiin waa’ee Waaqayyoo fi waa’ee qajeelummaa isaa isaanitti in himan.

35 Akkasumas kun erga ta’ee booddee, namoonni dubbii isaanitti amanan baay’ee turan, akkasumas warri amanan hundumti isaanii in cuuphaman, akkasumas saba qajeeloos in ta’an, akkasumas isaan waldaas isaan gidduutti in hundeessan.

36 Akkasumas, akkasittiin hojiin Gooftichaa warra Laamaanii gidduutti in jalqabe; akkasittiinis Gooftaan Hafuura isaa isaan irratti in dhangalaasuu in jalqabe; akkasumas saba yaada garaa geeddaratanii fi maqaa isaatti amanan hundumaaf irreen isaa akka dirriire nuyi in argine.