Chapit 9
Yon nouvo fwaye nan tè pwomiz la
Yo te prepare tè a epi yo te plante semans yo te pote yo.
Pandan yo t ap mache vizite nouvo tè yo a, yo te dekouvri plizyè kalite zannimo. Yo te jwenn lò, ajan, ak kuiv.
Bondye te di Nefi pou l te fè plak metal pou l te ka ekri sou yo. Nefi te ekri konsènan fanmi li ak vwayaj yo te fè yo. Li te ekri pawòl Bondye yo tou.
Leyi te vin granmoun. Anvan l te mouri, li te pale ak pitit gason l yo epi l te di yo pou yo te obeyi kòmandman Bondye yo. Li te beni pititpitit li yo tou.
Apre lanmò Leyi, Laman ak Lemyèl te vin fache kont Nefi epi yo te vle touye li. Yo pa t vle pou Nefi, ki te ti frè yo, vin dirije yo.
Senyè a te di Nefi pou l l te mennen moun ki te jis yo nan dezè a. Yo te vwayaje pandan plizyè jou epi finalman yo te rive nan yon peyi yo te rele Nefi.
Moun ki te suiv Nefi yo te obeyi Bondye. Yo te travay anpil epi yo te beni. Nefi te anseye pèp li a pou yo te fè konstriksyon avèk bwa ak metal. Yo te konstwi yon bèl tanp.
Moun ki te suiv Laman ak Lemyèl yo te rele Lamanit.
Lamanit yo pa t obeyi Bondye epi li te retire yo nan prezans li. Lespri Senyè a pa t kapab rete avèk yo pazavan yo te repanti.
Lamanit yo te plen mechanste epi yo te souvan al batay avèk Nefit yo.