Chapit 34
Elaman ak 2000 Jèn Gèrye yo
Lè lenmi pèp Amon yo te atake Nefit yo, pèp Amon an te vle kraze pwomès yo a pou yo te ka al ede Nefit yo batay.
Elaman ak lòt dirijan Nefit yo pa t vle pou pèp Amon an kraze pwomès yo te fè Bondye a.
Jèn pitit gason moun pèp Amon yo pa t fè pwomès la. Yo te vle ede lame Nefit la batay pou libète.
Demil jèn mesye sa yo te chwazi pou yo te defann peyi yo. Yo te mande Elaman pou l te vin dirijan yo.
Jèn gason sa yo te vanyan, yo te brav, ak fèm. Yo te onèt epi yo te diy pou konfyans tou, epi yo te kenbe kòmandman Bondye yo.
Elaman te mennen 2000 jèn gèrye l yo nan batay. Li te rele yo pitit gason li, epi yo te rele l papa.
Malgre piti gason Elaman yo pa t janm te konn batay, yo pa t pè. Manman yo te anseye yo pou gen lafwa nan Bondye epi konnen ke li t ap ede yo.
Elaman ak lame li a te mennen plizyè batay kont Lamanit yo. Jèn gason sa yo te obeyi tout lòd Elaman yo.
Yo te batay kourajezman epi yo te ede pouse do lènmi yo lwen. Apre batay la Elaman te reyalize ke tout pitit li yo te blese men yo youn pa t mouri.
Sete yon mirak. Elaman te kontan anpil. Li te konnen ke jèn gason sa yote pwoteje akòz gwo lafwa yo nan Bondye.