Chapit 34

Elaman ak 2000 Jèn Gèrye yo

gad sou miray yo

Pèp Amon an te pwomèt Bondye ke yo pa t ap janm batay ankò. Yo te viv toupre Nefit yo, epi Nefit yo te pwoteje yo.

Alma 53:10–12

mesye k ap pale avèk Elaman

Lè lenmi pèp Amon yo te atake Nefit yo, pèp Amon an te vle kraze pwomès yo a pou yo te ka al ede Nefit yo batay.

Alma 53:13

Elaman ap pale ak gwoup

Elaman ak lòt dirijan Nefit yo pa t vle pou pèp Amon an kraze pwomès yo te fè Bondye a.

Alma 53:14–15

pitit gason pèp Amon an

Jèn pitit gason moun pèp Amon yo pa t fè pwomès la. Yo te vle ede lame Nefit la batay pou libète.

Alma 53:16–17

2000 gèrye yo

Demil jèn mesye sa yo te chwazi pou yo te defann peyi yo. Yo te mande Elaman pou l te vin dirijan yo.

Alma 53:18–19

twa gèrye yo

Jèn gason sa yo te vanyan, yo te brav, ak fèm. Yo te onèt epi yo te diy pou konfyans tou, epi yo te kenbe kòmandman Bondye yo.

Alma 53:20–21

Elaman avèk gèrye yo

Elaman te mennen 2000 jèn gèrye l yo nan batay. Li te rele yo pitit gason li, epi yo te rele l papa.

Alma 53:22; 56:46

Elaman ap dirije gèrye yo

Malgre piti gason Elaman yo pa t janm te konn batay, yo pa t pè. Manman yo te anseye yo pou gen lafwa nan Bondye epi konnen ke li t ap ede yo.

Alma 56:47

gèrye yo ap batay

Elaman ak lame li a te mennen plizyè batay kont Lamanit yo. Jèn gason sa yo te obeyi tout lòd Elaman yo.

Alma 57:19–21

gèrye yo apre batay la

Yo te batay kourajezman epi yo te ede pouse do lènmi yo lwen. Apre batay la Elaman te reyalize ke tout pitit li yo te blese men yo youn pa t mouri.

Alma 57:22, 25

Elaman ak gèrye

Sete yon mirak. Elaman te kontan anpil. Li te konnen ke jèn gason sa yote pwoteje akòz gwo lafwa yo nan Bondye.

Alma 57:26–27