Chapit 24

Amon rankontre papa Wa Lamoni

Lamoni ap pale avèk Amon

Wa Lamoni te vle mennen Amon rankontre papa li. Senyè a te avèti Amon pou l pa t ale paske papa Lamoni ta pral eseye touye li.

Alma 20:1–2

Amon ak Lamoni

Senyè a te di Amon pou l tal nan peyi Middoni a olyesa, kote frè li, Aawon, te nan prizon. Wa Lamoni te ale avèk Amon.

Alma 20:2–4

Amon ak Lamoni avèk papa Lamoni

Pandan yo t aprale a, yo te rankontre papa Wa Lamoni, ki sete wa sou tout peyi a. Li te mande Lamoni kote l ta prale avèk yon Nefit mantè.

Alma 20:8, 10

Lamoni, Amon, ak papa Lamoni

Wa Lamoni te pale papa l de Amon ak frè l la ki te nan prizon. Ankòlè, papa Lamoni te bay Lamoni lòd pou l te touye Amon epi pou l pa t ale Middoni.

Alma 20:11–14

Papa Lamoni eseye touye Lamoni

Lamoni te refize touye Amon epi l te di ke limenm ak Amon ta pral libere Aawon. Papa Lamoni te vin pi fache toujou epi l te rale epe l pou l te touye Lamoni.

Alma 20:15–16

Amon blese papa Lamoni

Amon te entèvni pou pwoteje Lamoni. Papa Lamoni te eseye touye Amon apresa, men Amon te defann tèt li, epi l te blese papa Lamoni nan bra.

Alma 20:17, 20

Amon ak papa Lamoni

Lè papa Lamoni te wè ke Amon te ka touye li, li te ofri Amon mwatye nan wayòm ni an si l te epanye lavi li.

Alma 20:21, 23

Amon ap pale ak papa Lamoni

Amon te di l ke l te bezwen pou Aawon ak konpayon li yo libere soti nan prizon epi l te vle pou Wa Lamoni konsève wayòm ni.

Alma 20:22, 24

Amon k ap trete blesi wa a

Papa Lamoni te reyalize ke Amon pa t vle fè l ditò. Li te etone wè kijan Amon te renmen pitit gason l lan. Li te envite Amon pou anseye l levanjil la.

Alma 20:26–27

Wa Lamoni ap pale ak wa Middoni

Amon ak Wa Lamoni te ale Middoni. Lamoni te pale avèk wa nan kote sa a, epi yo te libere Aawon ak konpayon l yo soti nan prizon.

Alma 20:28

Aawon ak konpayon l yo libere

Amon te tris pou wè kijan yo pa t byen trete yo. Yo te soufri anpil men yo te pasyan.

Alma 20:29