Chapit 43
Jezikri parèt devan Nefit yo
Anpil Nefit te reyini bò tanp Bountiful la. Yo te emèveye devan gwo chanjman yo nan peyi a.
Moun yo t ap pale konsènan Jezikri ak siy lanmò l yo.
Pandan yo t ap pale, yo te tande yon vwa piti ki te soti nan syèl la. Li te mete yon chalè nan kè yo.
Odepa yo pa t konprann vwa a, men, lè l te pale twazyèm fwa a, yo te konprann ni.
Vwa a sete vwa Pè Selès la. Li te prezante Jezikri epi l te di moun yo pou yo te koute li.
Jezikri te desann soti nan syèl la epi l te kanpe nan mitan moun yo. Yo te pè pale paske yo pa t konprann sa k t ap pase a. Yo te panse ke Jezi sete yon zanj.
Li te di yo ke l sete Jezikri, moun pwofèt yo te di ki t ap vini an.
Jezi te di moun yo vini epi touche mak yo sou kote li ak nan men l ak pye li, kote yo te klouwe l sou kwa a.
Jezi te vle moun yo konnen ke l sete Bondye yo a epi li te mouri pou peche yo.
Youn pa youn moun yo te touche mak nan kote, men, ak pye Jezi yo. Moun yo te konnen l sete Sovè a.
Apresa moun yo te bay Jezi louwanj epi yo te tonbe nan pye li epi yo te adore li.
Jezi te aple Nefi ak 11 lòt mesye vin jwenn ni. Li te ba yo pouvwa prètriz la epi l te anseye yo fason kòrèk pou batize a.
Li te di Nefit yo pou yo te kwè nan li, repanti, epi kenbe kòmandman yo. Si yo pa t fè sa, yo pa ta p ka antre nan wayòm ni an.
Li te anseye Nefit yo kijan pou yo te priye Pè Selès la. Li te anseye yo konsènan jèn tou epi l te di yo t ap jwenn padon si youn te padone lòt.
Apre l te fin anseye moun yo anpil bagay, Jezi te di yo pou yo t al lakay yo epi reflechi epi priye sou sa l te di yo.
Nefit yo te kòmanse kriye. Yo pa t vle Jezi ale kite yo.
Jezi te renmen Nefit yo. Li te di yo pou yo te mennen moun ki te malad oswa aflije yo ba li pou l te ka geri yo.
Jezi te geri moun sa yo. Tout moun te bese tèt yo epi yo te adore li.