Chapit 39
Nefi resevwa gwo pouvwa
Senyè a te pale avèk Nefi epi l te louwe l paske l te obeyisans epi l te travay si di pou l te anseye levanjil la.
Nefi te resevwa pouvwa pou l te fè nenpòt bagay. Senyè a te konnen li t ap itilize pouvwa sa a avèk jistis.
Senyè a te di Nefi pou l te avèti Nefit yo ke si yo pa t repanti, yo t ap detwi. Nefi te ale imedyatman pou l te avèti pèp la.
Nefit yo pa t kwè Nefi. Yo te eseye jete l nan prizon, men pouvwa Bondye te pwoteje li.
Nefi te deklare pawòl Bondye a bay tout Nefit yo.
Men, pèp la te vin pi mechan toujou epi youn te kòmanse batay ak lòt.
Nefi te priye pou yon grangou te rive, nan lespwa ke yon rate manje t ap fè Nefit yo vin pi enb epi ede yo repanti.
Grangou a te rive. Pat gen okenn lapli, konsa tè a te seche epi plantasyon yo pat kapab grandi. Pèp la te sispann batay.
Nefit yo te grangou epi anpil nan yo te mouri. Sak te siviv yo te kòmanse sonje Senyè a ak sa Nefi te anseye yo.
Moun yo te repanti pou peche yo epi apresa yo te sipliye jij yo pou yo te mande Nefi kanpe grangou a. Jij yo te ale kote Nefi.
Lè Nefi te wè ke pèp la te vin pi enb epi yo te repanti, li te mande Senyè a pou l te sispann grangou a.
Senyè a te reponn priyè Nefi, epi lapli te kòmanse tonbe Anvan lontan semans yo t ap grandi ankò. Pèp la te glorifye Bondye epi yo te vin konnen ke Nefi sete yon gwo pwofèt.
Pifò nan Nefit yo te rantre nan Legliz la. Yo te vin rich, epi vil yo te devlope. Te gen lapè nan peyi a.
Apresa kèk Nefit ki te rantre nan gwoup Lamanit yo te atake Nefit yo.
Nefit yo te eseye defèt lenmi yo, ki te vin tounen vòlè Gadyanton yo, men yo pa t ka fè paske yomenm you te retounen vin mechan ankò.
Lè Nefit yo te jis, Senyè a te beni yo. Lè yo te ògeye epi yo te bliye Senyè a, li te ba yo pwoblèm pou l te ede yo sonje li.