Chapit 30

Alma bay pitit gason l yo konsèy

Alma k ap pale ak pitit gason l yo

Alma pa t kontan akoz jan Nefit yo te vin mechan. Li te pale avèk chak nan pitit gason l yo konsènan viv nan ladwati.

Alma 35:15–16

zanj avèk Alma ak pitit gason Mozya yo

Alma te di Elaman, pi gran pitit gason l lan, pou l te gen konfyans nan Bondye. Li te pale l konsènan zanj la Bondye te voye pou l te di Alma pou l te sispann detwi Legliz la.

Alma 36:3, 6

Alma ap soufri nan kabann

Pandan twa jou Alma te soufri akoz kilpabilite li. Apresa, li te sonje ansèyman papa l yo konsènan Jezi, epi l te konnen peche l yo te ka padone.

Alma 36:16–17

Alma

Alma te priye pou l te jwenn padon, epi lajwa te ranplase doulè nan nanm ni an. Li te jwenn padon paske l te gen lafwa nan Jezikri epi l te repanti.

Alma 36:18–20

Alma ap anseye

Apati moman sa a, Alma te anseye lòt moun levanjil la pou yo te ka santi menm lajwa l te santi a. Bondye te beni Alma akoz konfyans li nan Bondye.

Alma 36:24, 27

Alma k ap bay Elaman rejis yo

Alma te bay Elaman anal sakre yo epi l te di l pou l te kontinye ekri istwa pèp yo a.

Alma 37:1–2

Alma k ap pale ak Elaman

Alma te di l ke si l te kenbe kòmandman yo, Bondye t ap beni li epi ede l t ap pwoteje anal yo.

Alma 37:13, 16

Alma ak Elaman

Alma te di Elaman tou pou l te priye chak maten ak chak swa epi pou l te pale avèk Bondye konsènan tout sa l t ap fè pou Bondye te ka ede l ak gide li.

Alma 37:36–37

Chiblon

Alma te kontan avèk pitit gason li, Chiblon, ki te yon misyonè brav kay Zoramit yo. Chiblon te rete fidèl menm lè yo te voye wòch sou li.

Alma 38:3–4

Alma ak Chiblon

Alma te raple Chiblon ke sèl fason pou yon moun sove se atravè Jezikri. Apresa, Alma te ankouraje pitit gason l lan pou l te kontinye anseye lavanjil la.

Alma 38:9–10

Koryanton

Pitit gason Alma a, Koryanton, pa t kenbe kòmandman yo. Li pa t yon misyonè fidèl pandan l t ap anseye Zoramit yo.

Alma 39:2–3

Alma

Akoz desa Koryanton te fè, Zoramit yo pa t kwè nan ansèyman Alma yo.

Alma 39:11

Alma ak Koryanton

Alma te di Koryanton ke moun pa ka kache peche yo devan Bondye epi ke Koryanton te bezwen repanti.

Alma 39:8–9

Alma

Alma te anseye pitit gason l lan ke tout moun ap resisite men se sèlman jis yo ki pral viv avèk Bondye.

Alma 40:9–10, 25–26

Alma ak Koryanton

Alma te di, lavi sa a se moman pou moun yo repanti epi sèvi Bondye.

Alma 42:4

Alma bay Koryanton ekriti yo

Alma te raple Koryanton ke l te aple pou l te yon misyonè epi l te di l pou l te retounen kote Zoramit yo epi anseye pèp la pou l repanti.

Alma 42:31

Alma ak pitit gason li k ap anseye

Alma ak pitit gason l yo te kontinye anseye levanjil la. Yo te anseye avèk pouvwa prètriz la.

Alma 43:1–2