Chapit 28

Zoramit yo ak Rameyanpton

Zoramit yo adore idòl

Zoramit yo te kwè nan Legliz Bondye a yon lè men yo te vin mechan epi yo t ap adore idòl.

Alma 31:1, 8–9

Alma ak lòt misyonè

Nefit yo te vle anpeche Zoramit yo al rejwenn Lamanit yo, konsa Alma te ale avèk kèk lòt misyonè pou l te preche Zoramit yo pawòl Bondye a.

Alma 31:4, 11

misyonè ak Zoramit

Misyonè sa yo te etone epi yo te fache pou fason Zoramit yo t ap adore nan legliz yo, ki te rele sinagòg.

Alma 31:12

moun kanpe sou tribin

Nan mitan legliz la, Zoramit yo te bati yon plas pou yo te kanpe ki te rele Rameyanmton. Te gen espas pou yon sèl moun te kanpe anlè li.

Alma 31:13, 21

gason ak men yo anlè

Zoramit te kanpe la atoudewòl, ak men yo nan direksyon syèl la epi ap resite menm priyè a byen fò.

Alma 31:14, 20

gason ak men yo anlè

Nan priyè sa a, Zoramit yo te di Bondye pa gen yon kò; li se yon espri sèlman. Yo te di ke pa t ap gen okenn Kris tou.

Alma 31:15–16

gason k ap priye sou tribin

Zoramit yo te panse ke Bondye te chwazi yomenm sèlman pou te jwenn sali nan wayòm selès la. Yo te ba l remèsiman poutèt yo sete pèp prefere li.

Alma 31:17–18

Zoramit ap mache

Apre chak Zoramit te fin priye, yo te al lakay yo epi yo pa t priye ni pale konsènan Bondye ankò pou tout yon semèn.

Alma 31:12, 23

Zoramit avèk byen yo

Zoramit rich yo te renmen lò ak ajan, epi yo te vante tèt yo pou trezò terès yo. Alma te tris lè l te wè kijan yo te mechan.

Alma 31:24–25

Alma ap priye

Alma te priye pou limenm ak misyonè yo te gen fòs, rekonfò, ak siksè nan travay yo a.

Alma 31:26, 32–33

misyonè ap priye

Apre l te fin mande èd pou l te mennen Zoramit yo retounen nan laverite, Alma ak lòt misyonè yo te ranpli avèk Sentespri a.

Alma 31:34–36

misyonè ap pran manje

Apresa misyonè yo te ale nan direksyon separe pou yo te preche. Bondye te beni yo avèk manje ak rad epi l te fòtifye yo nan travay yo a.

Alma 31:37–38

misyonè ap anseye moun pòv

Zoramit ki te pòv yo pa t gen dwa antre nan legliz yo. Moun sa yo te kòmanse koute misyonè yo.

Alma 32:2–3

Alma k ap preche

Anpil te mande Alma kisa yo te dwe fè. Alma te di yo ke yo pa t bezwen andedan yon legliz pou yo te priye oswa adore Bondye.

Alma 32:5, 10–11

Amilèk k ap anseye moun

Li te di yo pou yo te gen lafwa nan Bondye. Apresa Amilèk te anseye yo konsènan Jezikri epi konsènan plan Bondye pou pitit li yo.

Alma 32:17–21; 34:8–9

kwayan yo k ap kite vil la

Misyonè yo te ale, epi moun yo te fòse Zoramit ki te kwè yo kite vil la. Kwayan yo t al viv nan peyi Jèchon avèk pèp Amon an.

Alma 35:1–2, 6

moun k ap gade lòt ka p deplase

Malgre Zoramit mechan yo te menase pèp Amon an, pèp Amon an te ede Zoramit jis yo epi yo te ba yo manje, rad ak tè.

Alma 35:8–9