Chapit 11

Enòs

Jakòb bay Enòs plak yo

Enòs sete pitit gason Jakòb. Li te kenbe plak yo epi li te ekri sou yo apre papa l te fin mouri.

Jakòb 7:27

Enòs al lachas

Yon jou Enòs t ale lachas nan forè a. Li te reflechi sou ansèyman papa l yo epi l te vle jwenn padon pou peche li.

Enòs 1:3–4

Enòs k ap priye

Enòs te mete ajenou epi l te priye Bondye. Li te priye tout jounen an epi li te kontinye priye lè lannuit te rive.

Enòs 1:5

Enòs k ap priye

Bondye te di Enòs ke akoz lafwa li nan Jezikri, peche l yo te padone.

Enòs 1:5, 8.

Enòs k ap priye

Apresa Enòs te mande Senyè a pou l te beni Nefit yo. Li te priye pou yo, epi Senyè a te di l ke l t ap beni yo si yo te obeyi kòmandman l yo.

Enòs 1:9–10

Lamanit

Enòs te vle Senyè a beni Lamanit yo. Li te priye avèk anpil lafwa, epi Senyè a te pwomèt pou l te fè sa Enòs te mande a.

Enòs 1:11–12

Lamanit ka p batay ak Nefit

Malgre Lamanit yo te konbat Nefit yo epi te eseye detwi anal yo, Enòs te priye pou yo te ka vin yon pèp jis.

Enòs 1:13–14

Enòs k ap priye

Enòs te priye pou anal ki te nan men l yo te ka rete entak. Senyè a te pwomèt li ke yon jou li t ap bay Lamanit yo ansèyman ki te ekri nan anal sa yo.

Enòs 1:16

Enòs ap preche Nefit yo

Enòs te preche Nefit yo. Li te vle yo kwè nan Bondye epi kenbe kòmandman yo.

Enòs 1:10, 19

Lamanit ap travay

Nefit yo te eseye anseye Lamanit yo levanjil la, men yo pa t vle tande. Lamanit yo te rayi Nefit yo.

Enòs 1:20

Enòs ap ekri

Enòs te pase lavi li ap anseye moun yo konsènan Jezi ak levanjil la. Li te sèvi Bondye epi l te renmen l tout lavi li.

Enòs 1:26–27