Chapit 33
Patizan-wa yo kont moun lib yo
Lè Paoran te refize, moun yo te vin fache epi yo te vle ranplase Paoran kòm jij anchèf. Yo te vle gen yon wa, nan plas jij yo.
Anba tit ’moun-wa yo’, yo te espere ke youn nan yo t ap vin wa epi l t ap gen pouvwa sou pèp la.
Yo te rele Nefit ki te vle kenbe Paoran kòm jij anchèf yo ’moun-lib yo’. Yo te vle lib pou yo te viv ak adore jan yo te chwazi.
Pèp la te vote ant ’moun-lib yo’ ak ’moun--wa yo’. Pifò nan yo te vote pou moun-lib yo.
Pandan tan sa a, Amalikya t ap rasanble yon gwo lame Lamanit pou l te vin atake Nefit yo.
Lè moun-wa yo te tande Lamanit yo t ap rive, yo te kontan epi yo te refize ede defann peyi yo.
Kapitèn Mowoni te fache kont moun-wa yo paske yo pa t vle batay. Li te travay di pou l te konsève libète Nefit yo.
Li te mande gouvènè a pouvwa pou l te oubyen fòse moun-wa yo batay oubyen touye yo.
Lè gouvènè a, Paworan, te bay Mowoni pouvwa sa a, Mowoni te kondui lame li a kont moun-wa yo.
Anpil nan moun-wa yo te mouri; yo te mete kèk nan prizon. Rès yo te dakò pou yo te ede defann peyi yo kont Lamanit yo.