Chapit 3

Leyi kite Jerizalèm

Rèv Leyi sou vwayaj la

Senyè a te kontan avèk Leyi epi yon jouswa li te pale avèk li nan yon rèv. Li te di Leyi pou l te pran fanmi l epi kite Jerizalèm. Leyi te obeyi Senyè a.

1 Nefi 2:1–3

fanmi an nan dezè a

Fanmi Leyi te rasanble manje ak tant yo. Yo te kite kay yo ak lò ak lajan yo epi yo te pati al nan dezè a.

1 Nefi 2:4

Leyi, Sarya, ak kat pitit gason

Leyi ak madanm ni, Sarya, te gen kat pitit gason. Non yo sete Laman, Lemyèl, Sam, ak Nefi.

1 Nefi 2:5

tant yo ak fanmi an

Apre yo te vwayaje pandan twa jou, fanmi Leyi te tabli kan yo nan yon vale toupre yon rivyè.

1 Nefi 2:6

Leyi ak lotèl

Leyi te bati yon lotèl avè wòch epi l te prezante ofrann bay Bondye. Li te remèsye Bondye paske l te sove fanmi li anba destriksyon.

1 Nefi 2:7

Leyi, Laman, ak Lemyèl

Leyi te rele rivyè a Laman epi vale a Lemyèl. Leyi te vle pitit gason l yo te vin tankou rivyè a ak vale a, pou yo te kontinyèlman al jwenn Bondye epi inebranlab nan kenbe kòmandman yo.

1 Nefi 2:8–10, 14

Laman ak Lemyèl

Laman ak Lemyèl te panse papa yo te fou paske l te abandone Jerizalèm ak richès yo te posede yo. Yo pa t kwè ke Jerizalèm ta pral detwi.

1 Nefi 2:11, 13

Nefi ap priye

Nefi te vle konprann bagay Leyi te wè yo. Li te priye pou l te ka konnen si papa l te fè yon bon bagay lè l te kite Jerizalèm nan.

1 Nefi 2:16

Nefi ap priye

Jezikri te vizite Nefi epi l te di l ke pawòl Leyi yo sete verite. Nefi te kwè epi l pa t rebele jan Laman ak Lemyèl te fè a.

1 Nefi 2:16

Nefi ap pale ak Sam

Nefi te di frè l yo sa Jezi te di li. Sam te kwè Nefi, men Laman ak Lemyèl pa t vle kwè.

1 Nefi 2:17–18

Nefi ap pale ak frè l yo

Senyè a te pwomèt Nefi ke l t ap beni akoz lafwa li. Li t ap vin yon dirijan sou tèt frè l yo.

1 Nefi 2:19–22