Chapit 4

Plak Eren yo

Leyi ap pale ak Nefi

Leyi te di Nefi ke Senyè a te vle pou limenm ak frè l yo retounen Jerizalèm. Yo te dwe al chèche plak eren yo nan men yon mesye ki te rele Laban.

1 Nefi 3:2–4

plak eren yo

Plak eren yo sete rejis enpòtan. Yo te pale de zansèt Leyi yo epi yo te gen pawòl Bondye te revele atravè pwofèt yo.

1 Nefi 3:3, 20

Laman ak Lemyèl

Laman ak Lemyèl pa t vle retounen al chèche plak eren yo. Yo te di sa t ap twò difisil pou fèt. Yo pa t gen lafwa nan Senyè a.

1 Nefi 3:5

Leyi ap pale ak Nefi

Nefi te vle obeyi Senyè a. Li te konnen Senyè a t ap ede limenm ak frè l yo pou jwenn plak eren yo nan men Laban.

1 Nefi 3:7

Laman, Lemyèl, Sam, ak Nefi

Laman, Lemyèl, Sam, ak Nefi te vwayaje tounen Jerizalèm pou yo t al chèche plak eren yo.

1 Nefi 3:9

Laman ap pale ak Laban

Laman te ale kote Laban epi l te mande l pou plak yo.

1Nefi 3:11–12

Laman k ap kouri

Laban te fache epi l pa t vle bay Laman plak eren yo. Laban te vle touye Laman, men Laman te chape.

1Nefi 3:13–14

Laman ap pale ak frè l yo

Laman te di frè l yo sa k te pase a. Li te pè epi l te vle lage sa epi retounen kote papa yo nan dezè a.

1 Nefi 3:14

Nefi ap pale ak frè l yo

Nefi te di yo pa t ap ka retounen san plak eren yo. Li te mande frè l yo pou yo te gen plis lafwa nan Senyè a epi yo t ap kapab jwenn plak eren yo.

1 Nefi 3:15–16

rasanble lò

Nefi ak frè l yo te retounen nan ansyen kay yo a nan Jerizalèm epi yo te rasanble lò ak ajan yo te genyen yo pou yo te bay kòm echanj pou plak yo.

1 Nefi 3:22

montre Laban lò

Yo te montre Laban richès yo epi yo te ofri pou l te twoke yo kont plak yo. Lè Laban te wè lò ak ajan yo, li te vle yo pou limenm epi l te mete yo deyò.

1 Nefi 3:24–25

Laban k ap lonje dwèt

Laban te di mesye l yo pou yo te touye pitit gason Leyi yo. Nefi ak frè l yo te kouri epi yo t al kache nan yon touwòch. Laban te kenbe lò ak ajan yo.

1 Nefi 3:25–27

Laman ak Lemyèl k ap bat Nefi ak Sam

Laman ak Lemyèl te fache kont Nefi. Yo te bat Nefi ak Sam avèk yon baton.

1 Nefi 3:28

zanj ki parèt

Yon zanj te parèt epi l te di Laman ak Lemyèl pou yo sispann. Li te di yo Senyè a t ap ede yo jwenn plak yo. Li te di yo tou ke Nefi t ap vin yon dirijan sou tèt frè l yo.

1 Nefi 3:29

Nefi k ap pale ak frè l yo

Nefi te di frè l yo pou yo te gen lafwa nan Senyè a epi pou yo pa t pè Laban ak mesye l yo. Li te ankouraje frè l yo pou yo te retounen Jerizalèm.

1Nefi 4:1–4

Nefi ak frè l yo kache

Jouswa sa a, frè Nefi yo te kache andeyò vil la pandan Nefi te glise antre. Li te pran direksyon lakay Laban.

1 Nefi 4:5

Laban sou

Lè Nefi te preske rive lakay Laban, li te wè yon mesye sou ki te kouche atè a. Sete Laban.

1 Nefi 4:6–8

Nefi k ap pran epe Laban an

Nefi te wè epe Laban an epi l te ranmase li. Sentespri a te di Nefi pou l touye Laban, men Nefi pa t vle touye li.

1 Nefi 4:9–10

Nefi k ap touye Laban

Sentespri a te di Nefi ankò pou l te touye Laban pou Nefi te ka jwenn plak eren yo. Fanmi Leyi te bezwen plak yo pou yo te ka aprann levanjil la.

1 Nefi 4:12, 16–17

Nefi ki abiye avèk rad Laban yo

Nefi te obeyi Sentespri a epi l te touye Laban. Apresa Nefi te mete rad Laban yo ak pwoteksyon l yo sou li.

1 Nefi 4:18–19

Nefi pran pòz li se Laban

Nefi te rantre andedan kay Laban an epi li te rankontre Zoram, sèvitè Laban an. Nefi te gen aparans Laban epi l te pale tankou li.

1 Nefi 4:20

Nefi ak Zoram

Li te di Zoram pou l t al chèche plak eren yo. Zoram te panse Nefi sete Laban, konsa li te ba l plak yo. Nefi te di Zoram pou l te suiv li.

1 Nefi 4:21, 24–25

Nefi ak Zoram

Laman, Lemyèl, ak Sam te wè Nefi ap vini epi yo te pè; yo te panse sete Laban. Yo te kòmanse kouri men yo te kanpe lè Nefi te rele yo.

1 Nefi 4:28–29

Nefi ak Zoram

Apresa Zoram te reyalize ke Nefi se pa t Laban, epi li te eseye sove. Nefi te kenbe Zoram epi l te pwomèt li ke l pa t ap fè l anyen si l te vle ale avèk Nefi nan dezè a.

1 Nefi 4:30–33

Zoram ak frè yo

Zoram te dakò. Nefi ak frè l yo te pran Zoram ak plak eren yo epi yo te retounen al jwenn Leyi ak Sarya.

1 Nefi 4:35, 38

Leyi ak Sarya kontan

Yo te remèt Leyi plak eren yo. Limenm ak Sarya te kontan paske pitit gason yo te byen retounen. Yo te rejwi epi yo te remèsye Bondye.

1 Nefi 5:1, 9

Leyi k ap li pou pitit gason l yo

Leyi te li plak eren yo. Yo te pale konsènan Adan ak Ev ak Kreyasyon mond lan. Yo te gen pawòl anpil pwofèt.

1 Nefi 5:10–11, 13

Leyi ak Nefi

Leyi ak Nefi te kontan paske yo te obeyi Senyè a epi yo te kapab jwenn plak eren yo.

1 Nefi 5:20–21

Leyi k ap vlope plak yo

Fanmi Leyi te vlope plak yo pou yo te pote yo avèk yo nan vwayaj yo a pou yo te kapab anseye pitit yo kòmandman ki te ekri sou plak yo.

1 Nefi 5:21–22