Chapit 45
Jezikri anseye konsènan Sentsèn nan ak lapriyè
Lè disip yo te retounen, Sovè a te kase pen an an timoso epi l te beni li. Li te bay disip li yo epi l te fè yo bay moun yo tou.
Jezi te di ke moun ki pran senstèn yo pwomèt pou yo toujou sonje li ak sakrifis li a. Apresa yo resevwa Lespri li.
Jezikri te beni diven an epi l te bay disip li yo. Disip yo te bay moun yo diven.
Jezi te di ke moun ki pran sentsèn yo pwomèt pou yo kenbe komandman l yo.
Jezi te di disip li yo ankò ke tout moun ki pran sentsèn nan epi ki toujou sonje li ap gen Lespri l avèk yo.
Li te di disip li yo yo t ap beni si yo te kenbe komandman l yo.
Li te di yo pou yo toujou priye epi pou yo priye jan yo te wè l priye a.
Sovè a te di tout Nefit yo pou yo te priye Pè Selès la nan non li. Li te kòmande yo pou yo te priye pou fanmi yo.
Li te di moun yo te dwe reyini ansanm souvan. Yo te dwe byen akeyi lòt moun nan reyinyon yo, priye pou yo, epi tabli bon egzanp pou yo.
Sovè a te bay disip li yo pouvwa pou yo te bay Sentespri a. Apresa, yon nyaj te kouvri pèp la yon fason ke sete disip yo sèlman ki te wè Jezi montre nan syèl la.