«Ես ինչպե՞ս կարող եմ հրավիրել Հոգուն իմ տուն, երբ մարդիկ կռվում կամ վիճաբանում են»։
Ասեք, որ դուք մեղավոր եք
Երբ վիճում եք և համարում եք, որ եթե ընդունեք ձեր սխալը և ափսոսաք դրա համար, նույնիսկ երբ կարծում եք կամ գիտեք, որ ճիշտ եք, դրանով կօգնեք խաղաղությունը վերականգնել սենյակում: Հետո հեռացեք, լուռ մնացեք, փոխեք թեման կամ գտեք ինչ-որ բան, որի շուրջ կարելի է համաձայնության գալ: Երկար ժամանակ չի պահանջվի, որ Հոգին վերադառնա:
Դիլան Մ. 15 տարեկան, Կալիֆորնիա, ԱՄՆ
Պարզապես սիրեք
Ես պարզել եմ, որ իմ ընտանիքի հանդեպ մաքուր սեր ցուցաբերելով, ես հրավիրում եմ Հոգուն՝ բնակվելու իմ տանը: Մարգարեն խոսեց սիրո մասին, որպես կատալիզատորի, որը փոփոխություններ է առաջացնում, և որպես բալասանի, որը ամոքում է հոգիները: Սիրո հոգին ապահովություն ու խաղաղություն է բերում տուն:
Ջոզեֆ Կ., 18 տարեկան, Արիզոնա, ԱՄՆ
Խոսեք ձեր ընտանիքի հետ
Եթե ձեր ընտանիքի անդամները Եկեղեցու անդամ չեն, ասեք նրանց, թե դուք ինչքան վատ եք զգում, երբ նրանք վիճում են, և խնդրեք նրանց կատարելագործել իրենց բնավորությունը: Եթե դա չաշխատի, աղոթեք և փորձեք նորից: Եթե նրանք անդամներ են, հիշեցրեք նրանց, որ նրանք Աստծո զավակներն են, և պետք է խուսափեն վեճերից:
Կարոլինա Ս. 19 տ., Գոյաս, Բրազիլիա
Աղոթել Հոգու համար
Երբ ընտանիքում վիճում են, դժվար է զգալ Հոգու ներկայությունը, բայց դա չի նշանակում, որ դուք չեք կարողանա զգալ այն, եթե արժանավոր եք: Աղոթեք, որ ձեր սրտում ավելանա Տիրոջ Հոգին և լրացուցիչ ուշադրություն դարձրեք ուղարկված հուշումներին: Երկնային Հայրը կարող է օգնել ձեզ խաղաղություն զգալ
Քեյթի Գ., 17 տարեկան, Յուտա, ԱՄՆ
Փորձեք փոխզիջումներ անել
Խոսեք ձեր ընտանիքի հետ և լուծեք խնդիրը այնպիսի ձևով, որ բոլորը օգուտ քաղեն, կամ կիսվեք որևէ սուրբ գրությունով, երգով ու հիմնով: Կարող եք նաև խնդրել Երկնային Հոր օգնությունը խնդիրը լուծելու համար։ Այս կերպ բոլորը կհանդարտվեն և կկարողանան լուծել խնդիրը առանց գոռգոռալու կամ բռնության: Անշուշտ, Սուրբ Հոգին ձեզ բոլորիդ կլցնի խաղաղությամբ և այլևս չկռվելու ցանկություն կշնորհի բոլորիդ:
Լյուիս Ֆ., 14 տարեկան, Փլայա դել Կարմեն, Մեքսիկա