1 Amma kun erga ta’e booda, ilmaan Mozaayyaa waantoota kana hundaa erga raawwatanii booda, namoota lakkoofsaan xiqqaa ta’an isaan wajjin fudhatanii gara abbaa isaanii kan moootii ta’eetti in deebi’an, akkasumas namoota filataman wajjin, gara lafa Nefii dhaqanii waanta dhaga’an isaanitti lallabuuf, heeyyama isaaniif akka kennuuf in gaafatan, akkasumas obboloota isaanii, warra Laamaaniif, dubbii Waaqayyoo qooduuf,—

2 Tarii gara dhugaa Gooftaa Waaqayyo isaanii baruutti isaan fiduuf, akkasumas cubbuu abbootii isaanii isaan amansiisuuf; akkasumas tarii jibbiinsa warra Nefii irraa qaban irraa isaan fayyisuuf, akkasumas isaan gara Waaqayyoo Gooftaa isaanitti gammaduutti akka dhufaniif, akkasumas walitti akka michooman gochuuf, akkasumas lafa hunda Gooftaa Waaqayyo isaanii isaaniif kenne irratti kana booda waldhabdeen akka hin jiraanneef.

3 Amma isaan fayyinni uumama hundatti akka labsamu hawwii qabu, lubbuun dhalli namaa kamiyyuu akka baduu akka qabu baachuu waan hin dandeenyeef, eeyyee, yaadni lubbuun eenyuu iyyuu dhiphina xumura hin qabne keessa darbuu qaba jedhu isaan rom’isiise, akkasumas isaan in ollachiise.

4 Akkasumas, isaan kana duraa cubbamoota keessaa isaa hamoo waan turaniif Hafuurri Gooftaa isaan irratti haala kanaan in hojjete. Akkasumas, Gooftaan araara xumura hin qabne isaatiin isaan oolchuun sirrii akka ta’e in arge; haa ta’u malee, jal’ina isaanii irraa kan ka’e dhiphina lubbuu baay’eetiin gidiramaniiru, gidiraa guddaa fi bara baraatiin alatti in darbatamna jedhanii sodaachaa turan.

5 Akkasumas kun erga ta’e booda, gara biyya warra Nefii ol deemuuf guyyoota hedduuf abbaa isaanii kadhataniiru.

6 Akkasumas, mootichi Mozaayyaan in adeeme, akkasumas ilmaan isaa gara Laamaanoota dhaqanii dubbicha akka lallabaniif heeyyamuuf Gooftaa in gaafate.

7 Akkasumas, Gooftan Mozaayyaadhaan akkas jedhe: Ol haa deeman, namoonni baay’ee dubbii isaanii in amanu, akkasumas jireenyaa bara baraa in argatu; akkasumas ani mucaa kee harka Laamaanoota jalaa bilisa nan baasa.

8 Akkasumas kun erga ta’e booda, Mozaayyaan akkaataa gaaffii isaaniitiin deemanii akka godhan in heeyyame.

9 Akkasumas, isaan warra Laamaanii gidduutti dubbicha lallabuuf imala isaanii gara gammoojjiitti in godhan, akkasumas ani hojii isaanii kanaan booda jiru nan gabaasa.

10 Amma ijoollee isaa keessaa mootummicha kan fudhatu waan hin turreef mootichi Mozaayyaan mootuummicha dabarsee nama laatuuf tokkoyyuu hin qabu ture.

11 Kanaafuu, inni galmeewwan isa gabatee sibila diimaa irratti, akkasumas gabatee Nefii, akkasumas galmeewwan gabatee warqee irra turan kan ummani Limhii argatan kan harka Limhiitiin isatti kennaman erga hiiksisee fi barreessisee booda fudhatee akka eegamanii fi tursiifaman in godhe;

12 Akkasumas, kana kan godhe fedhii cimaa ummanni isaa qabu irraa kan ka’eedha; sababni isaas isaan waa’ee warra balleeffamanii beekuuf fedhiin isaan qaban hammana kan hin jedhamne ture.

13 Akkasumas amma, inni dhagoota lamaan xiyya irratti hidhaman fayyadamuudhaan galmeewwan kanneen in hiike.

14 Amma waantoota kunneen jalqaba irra kan qophaa’an turan, akkasumas kaayyoo afaanota hiikuutiif jedhamee dhaloota irra gara dhalootaatti darbaa in dhufan.

15 Akkasumas, isaan harka Gooftaatiin eegamanii jal’inaa fi xuraa’ummaa ummata isaa akka mul’isaniifiidha.

16 Akkasumas, namni wantoota kanneen qabu kamiyyuu, akkuma yeroo duriitti, abbaa mul’ataa jedhama.

17 Amma Mozaayyaan galmeewwan kanneen hiikee erga xumuree booda, kunoo, galmee warri uummata barbadaa’anii in dhiyeesse, yeroo isaan barbadaa’anii jalqabee hanga isaan riqaa guddaa ijaaaruun yeroo Gooftaan afaan isaanii waliin dhahuun isaan immoo fuula biyya lafaa irratti gara biyya ormaatti bittinnaa’aniitti, eeyyee, akkasumas yeroo sanaa kaasee hamma uumama Addaamitti.

18 Amma seenaan kun ummanni Mozaayyaa garmalee akka gaddan in godhe, eeyyee, gaddaan in guutaman; haa ta’u malee, beekumsa baay’ee isaanif kenneera, kanaanis isaan gammadaniiru.

19 Akkasumas, seenaan kun ammaan booda in barreeffama; Egaa kunoo, wantoota galmee kaan keessatti barreeffaman ummanni hundumtuu beekuun baay’ee barbaachisaadha.

20 Akkasumas amma, akkuma ani isiniin jedhe, Mootichi Mozaayyaan waantoota kana hundaa erga godhee booda, inni gabateewwan siibila diimaa in fudhate, akkasumas waantoota inni eegee tursiise hundaa dabarsee ilma Almaa kan ture Almaatti in laate, eeyyee, galmeewwan hundumaa, akkasumas meeshaalee hiikuuf fayyadan, akkasumas Almaaf dabrsee in kenne, akkuma yeroo Lehiin Yerusaaleemiin gadhiisee ba’ee irraa jalqabee daddabarfamaa dhufanitti. akkasuma galmee seenaa saba isaa akka eeguu fi dhaloota irraa gara dhalootaatti akka dabarsu, akkasumas inni waantoota kanneen eegatee akka tursiisuu in abboome.