1 Akkasumas kun erga ta’e booda, cunqursaa warri hin amanne waldiicha irratti geessisan jabaachaa dhufuun miseensonni waldichaa gungumuu fi dhimma kanaan walqabatee gara bulchiinsa waldichaatti komii dhiyeessuu in jalqaban, akkasumas Almaattis komii in dhiyeessan. Akkasumas, Almaan dhimma kana gara mootii isaanii, Mozaayyaatti in dhiyeese. Akkasumas, Mozaayyaan luboota isaa wajjin in mari’ate.

2 Akkasumas kun erga ta’e booda, namni hin amanne kamiyyuu miseensota waldaa warra ta’an akka hin hiraarsine mootichii Mozaayyaan kutaa biyyattii hunda keessatti qajeelfama in dabarse.

3 Akkasumas, waldoota hundumaa keessatti cunqursaan akka hin jiraanne fi namooota hundumaa gidduutti walqixxummaan akka jiraatuuf ajajni cimaanin darbe;

4 Oftuulummaan yookiin of tuulummaan guddaan nagaa isaanii akka hin jeeqne; namni hundi ollaa isa akka ofii isaatti akka ilaaluu, ofiin of danda’uuf harka ofii isaanitiin akka hojjetanii akka of gargaaran.

5 Eeyyee, akkasumas luboonni isaanii hundinuu fi barsiisoonni isaanii hundinuu harka ofii isaaniitiin hojjetanii akka of gargaaran, dhukkuba dabalatee haalota hunda keesssatti, yookiin hiyyummaa keessatti; akkasumas waantoota kanneen waan raawwataniif, isaan ayyaana Waaqayyootiin in durooman.

6 Akkasumas, laficha irratti nagaan guddaan jiraachuu in jalqabe; akkasumas ummatichi baay’achaa in adeeme, akkasumas gara biyyoota ormaatti fuula biyya lafaa irratti faffaca’uu in jalqabe, eeyyee, gara kaabaattis akkasumas gara kibbaattis, gara bahaattis, akkasumas gara dhihaatti, kutaa biyyaa hundaa keessatti magaalootaa fi mandaroota in ijaaratan.

7 Akkasumas, Gooftaan isaan in daawwate, akkasumas isaan in sooromse, akkasumas ummata guddaa fi ummata sooreessa in ta’an.

8 Amma ijoolleen Mozaayyaa warra hin amanne wajiin walitti dabalamanii turan; akkasumas ilmaan Almaa keessaa inni maqaa abbaa isaatiin Almaa jedhamee waamamu tokko; nama baay’ee jal’ataa fi waaqa tolfamaa waaqessu in ta’e. Akkasumas, nama baay’isee dubbachuu danda’uu ture, akkasumas dubbii qalbii namaa bitu ummatattiin dubbate; kanaafuu ummata hedduu akkaataa cubbuuwwan isaatiin akka raawwatan in gaggeesse.

9 Akkasumas, inni badhaadhina waldaa Waaqayyootti gufuu guddaa in ta’e; onnee ummatichaa jalaa hatuun ummata giddutti waldhabbii guddaa in uume; diinni Waaqayyoo humna isaa isaan irratti akka shaakalu carraa in kenneef.

10 Akkasumas amma kun erga ta’e booda, utuu inni waldaa Waaqayyoo balleessuuf utuu jooruu, iccitiidhaan ilmaan Mozaayyaa waliin waldicha balleessuu f barbaadanii utuu jiranii, akkasumas ummanni Gooftaa karaa irraa akka maqaniif faallaa abboommiiwwan Waaqayyootiin, fi mootichaatiin gochaawwan hamaa akka hojjetan gaggeessee ture,

11 Akkasumas, akkuman ani isiniin jedhetti, utuu isaan Waaqayyoo irratti finciluuf utuu jooraa jiranii, kunoo, ergamaan Gooftaa isaanitti in mul’ate; akkasumas duumessa keessa jiruu fakkaatee gadi in bu’e; akkasumas akka sagalee bakakkaatti in dubbate, lafti isaan irra dhaabbatan akka socho’u in taasise;

12 Akkasumas, ajaa’ibsiifannaan isaanii baay’ee guddaa waan tureefe, isaanislafatti in kufan, akkasumas jechoota inni isaanitti dubbate hin hubanne.

13 Haa ta’u malee, inni irra deebiin iyyee akkas jedhe: Almaa, ka’iitii dhaabbadhu, ati maaliif waldaa Waaqayyoo ari’attaa? Gooftaan u akkas waan jedheef: Kuni waldaa kooti, akkasumas nan hundeessa; akkasumas eenyuyyuu in kuffisuirra daddardaa ummata kootiis yoo ta’e malee.

14 Akkasumas irra deebiin, ergamichi akkas in jedhe: Kunoo, Gooftaan kadhannaa ummata isaa dhaga’eera, akkasumas kadhannaa garbicha isaa, Almaa, abbaa kees; sababni isaas inni waa’ee ati gara dhugaa beekuutti akka dhuftuuf amantii guutuudhaan kadhateera; kanaafuu, ani dhimma kanaaf humnaa fi aangoo Waaqayyootiin si amansiisuufan dhufe, kadhannaan tajaajiltoota isaa akkaataa amantii isaaniitiin akka deebi’uuf.

15 Akkasumas amma kunoo, ati humna Waaqayyootiin mormuu in dandeessaa? Egaa kunoo, sagaleen koo lafa insochoosuuree? Akkasumas, ati fuldura keetti ana hin argituu? Ani Waaqayyo biraan ergame.

16 Ammas akkas isiniin nan jedha jedhe: deemaa, akkasumas garbummaa abbootii keessanii biyya Heelaam keessatti, akkasumas biyya warra Nefii keessattii iyaadadhaa, akkasumas waantota jajjaboo inni isaaniif hojjete, sababni isaas isaan garbummaa jala turan; akkasumas inni isaan bilisa in baase. Akkasumas amma, isiniin nan jedha, Almaa, karaa kee adeemi, kana booda waldaa balleessuu hin barbaadin, sabani isaa kadhannaan isaanii deebii in argata ta’a, akkasumas ati ofii keetiif in darbatamta.

17 Akkasumas amma kun erga ta’e booda, isaan kunneen dubbiiwwan xumuraa ergamichi Almaatti dubbate turan, akkasumas innis in adeeme.

18 Akkasumas ammas, Almaa fi namoonni isa wajjiin turan ammas lafa irratti in kufan, ija isaaniitiin ergamaa Gooftaa waan arganiif baay’ee ajaa’ibamanii waan turaniif; sagaleen isaas akka bakakkaatti lafa waan sochooseef; akkasumas humna Waaqayyoon yoo ta’e malee waanti biraa lafa sochoosuu fi akka baqaqutti kan hurgufu akka hin jirre isaan in beekan.

19 Akkasumas amma, ajaa’ibamuun Almaa baay’ee guddaa waan tureef inni afaaniin dubbachuu in dadhabe, afaansaa banachuus in dadhabe; eeyyee, akkasumas inni nama laamsha’aa in ta’e, harka isaa iyyuu sochoosuu in dadhabe; kanaafuu namota isa wajjiin turaniin baatamee in fudhatame, hanga inni abbaa isaa fuldura kaa’amutti.

20 Akkasumas, isaan waanta ta’e hundumaa abbaa isaatti in himan; akkasumas kun humna Waaqayyo akka ta’e waan beekeef, abbaan isaa baay’ee gammade.

21 Akkasumas, Gooftaan ilma isaa fi namoota isa wajjin turaniif waanta godhe akka arganiif ummaanni walitti akka qabaman godhe.

22 Akkasumas, luboonni ofii isaanii walitti akka sassaaban in godhe; akkasumas soomuu jalqaban, akkasumas Waaqayyo Gooftaa isaanii afaan Almaa akka banuuf in kadhatan, dubbachuu akka danda’u, akkasumas hidhiiwwan isaa jabina isaanii akka argatan—iji ummataa baname gaarummaa fi ulfina Waaqayyo akka ilaalanii fi akka beekaniif.

23 Akkasumas kun erga ta’e booda, guyyoota lamaa fi halkan lamaaf erga soomanii booda, hidhiiwwan Almaa jabina in argatan, akkasumas ol dhaabbatee akkasumas isaanitti dubbachuu in jalqabe, akka gammadan isaan in jajjabeesse;

24 Inni, akkas jedhe, cubbuu koo irraa qalbii diddiirradheera, akkasumas Gooftaadhaan bilisa baafameera; kunoo ani Hafuura irraa dhaladheera.

25 Akkasumas Gooftaan akkas naan jedhe: Hin dinqamin dhala namaa hundinuu, eeyyee, dhiiraa fi dubartiin, sabni hundumtuu, gosoonni hunduu, afaanonni fi ummanni hunduu, lammata dhalachuu qabu; eeyyee, Waaqayyo irraa warri dhalatan, qalbii foonii fi eenyummaa kufaatii irraa jijjiiramuun, eenyummaa qulqullummaa, Waaqayyootiin furamuun, ilmaa fi intala isaa ta’uun;

26 Akkasumas, isaanis uumama haaraa in ta’u; akkasumas kana yoo raawwatan malee, karaa biraa kamiinuu mootummaa Waaqayyo hin dhaalan.

27 Ani isiniin nan jedha, kana ta’uu yoo baatee garuu, isaan alatti darbatamuu qabu, akkasumas kana nan beeka, sababiin isaa anis darbatamuuf ga’ee ture.

28 Haa ta’u malee, gidiraa guddaa keessa ergan darbee booda, hanga du’uuf dhiyaadhutti qalbii diddiirradhe, Gooftaanis araara isaatiin abidda bara baraa keessaa ana butachuun sirrii akka ta’e argee, akkasumas ani Waaqayyo irraan dhaladhe.

29 Lubbuun koo hadheenya hamaa fi garbummaa cubbuu jalaa bilisa in baafamte, ani boolla dukkanaa keessan ture, amma garuu ifa Waaqayyo isa dinqisiisaa argaan jira. Lubbuun koo dhiphina bara baraatiin hiraarfamaa turte, garuu anibutameen baafame, akkasumas kana booda lubbuun koo hin dhiphattu.

30 Ani Oolchaa kootiin nan morme, akkasumas isa waa’ee isaa abbootii keenyaan dubbatame hunduma nan waakkadhe; garuu amma inni fulduratti akka dhufu isaan ilaaluu mala, akkasumas inni uumama inni uume hundaa in yaadata, inni hundumatti ofii isaa in mul’isa.

31 Eeyyee, jilbi hundi isaaf in jilbeenfata, akkasumas arrabni hundi fuldura isaatti badii isaa in amana. Eeyyee, guyyaa dhumaatti, yommuu namoonni hundumtuu murtiidhaaf isa fuldura dhaabbatanitti, inni Waaqayyo akka ta’e in amanu; ergasii namoonni Waaqayyoon malee biyya lafaa irra jiraatan murtii adabbii bara baraa isaan irratti murtaa’e sirrii akka ta’e isaan in amanu, akkasumas isaan in rom’u, in hoollatu, akkasumas ija isaa hunda argu jalaa duubatti in deebi’u.

32 Akkasumas amma kun erga ta’e booda, yeroo kana irraa kaasee Almaan ummatichaa fi namoota yeroo ergamaan isaanitti mul’atu isa wajjin turan, biyya hunda keessa jooruun waantoota dhagahanii fi argan ummata hundumatti labsuun, akkasumas gidiraa baay’ee keessa ta’anii dubbii Waaqayyo lallabuun, warri hin amanneen baay’ee hiraarfamuun, hedduu isaanitiin reebameera.

33 Garuu kana hunda dandamachuun, waldichaaf jajjabina hedduu kennaniiru, amantii isaanii mirkaneessuun, akkasumas obsaan rakkina dandamachuunii fi abboommii Waaqayyo akka eegatan isaan gorsaniiru.

34 Akkasumas, isaan afranuu ilmaan Mozaayyaa turan; akkasumas maqaan isaanii Amoon, akkasumas, Aroon, akkasumas Omneer, akkasumas Himnii jedhamu turan; maqaan ilmaan Mozaayyaa kanadha.

35 Akkasumas, lafa Zaraheemla hunda keessa in imalan, akkasumas ummani mooticha Mozaayyaa jalatti bulaa turan miidhaa isaan Waldicha irratti qaqqabsiisan suphuuf carraaqaa turaniiru, cubbuu isaanii hundaa himachuun, akkasumas waantoota isaan argan hundaa ifa baasanii himachuun, akkasumas isaaniin dhaga’u kan fedhe hundaaf waa’ee raajjiiwwanii fi waa’ee caaffata qulqulluu in ibsan.

36 Akkasumas, isaan namoota baay’ee gara dhugaa beekuttii, eeyyee, Furiiisaanii beekuutti fiduudhaan akka meeshaa harka Waaqayyo keessa jiruu ta’anii ture.

37 Akkasumas, isaan akkam eebbifamoodha. Sababni isaas isaan nagaa waan labsaniif; isaan misiraachoo gaarii waan labsaniif, akkasumas Gooftaan akka mo’u isaan ummatichatti in labsan.