“Gonetagane o Tevita,” iTalanoa eso mai na Veiyalayalati Makawa (2022)
“Gonetagane o Tevita,” iTalanoa eso mai na Veiyalayalati Makawa
Gonetagane o Tevita
Kacivi e dua na ivakatawa ni sipi gone me tui
Na Turaga a tala mai na parofita o Samuela me vakaraica e dua na tui vou. O Saula, na tui ena gauna ko ya, sa mudu ni muria tiko na Turaga. A kaya na Turaga vei Samuela me lako ki Peceliema ka vaqara e dua na tamata na yacana o Jese. Na tui vou ena dua vei ira na luvei Jese tagane.
O iratou na luvei Jese tagane qase eratou a balavu ka kaukauwa. Ia na Turaga a tukuna vei Samuela me kakua ni raici ira me vaka na kedra irairai.
A tarogi Jese o Samuela se tiko e dua tale na luvena tagane. A kaya o Jese ni o luvena tagane gone duadua, o Tevita, e a vakatawai ira tiko na sipi. A kau mai vei Samuela ko Tevita.
O Tevita a tamata lailai mai vei iratou na tuakana ka dua ga na ivakatawa ni sipi gone. Ia na Turaga a sega ni kauwaitaka na irairai kei Tevita. Sa kila tu na Turaga ni sa sinai tu na yaloi Tevita ena vakabauta. A kaya o Koya vei Samuela ni sa na tui o Tevita. Sa vakalougatataki Tevita o Samuela. Na Yalo ni Turaga a vakarautaki Tevita me tui.