“Eparaama kei Aisake,” iTalanoa ni Veiyalayalati Makawa (2022)
“Eparaama kei Aisake,” iTalanoa ni Veiyalayalati Makawa
Nai Vakatekivu 17:21–22
Eparaama kei Aisake
E dua na tama, luvena tagane, kei na dua na solibula
E dua na luvedrau tagane o Eparaama kei Sera, me vaka ga ea yalataka na Turaga. Erau a vakatokai koya me o Aisake.
Rau sa lomani Aisake. Erau a vakavulici koya me digitaka na dodonu ka nuitaka na Turaga.
Ea yalataka na Turaga vei Eparaama kei Sera ni mai vei Aisake eratou sa na tubu cake kina na nodrau matavuvale me ratou vakalougatataka na vuravura taucoko. Ia ena dua na siga a kaya na Turaga vei Eparaama me kauti Aisake yani ki na Ulunivanua o Moraia ka laki vakacabori Aisake me isoro.
Ena nodrau ilakolako ki na ulunivanua, a taroga o Aisake evei na lami me isoro. Ea kaya o Eparaama ni na vakarautaka e dua na Turaga.
Ena Ulunivanua o Moraia, ea tara o Eparaama e dua na icabocabo ni soro ka biuta kina na buka.
Me vaka a vakarota na Turaga, a kerei Aisake o Eparaama me davo sobu ena icabocabo ni soro. Sa vakabauti Eparaama ko Aisake me vaka na iVakabula o Jisu Karisito sa vakabauti Tamana.
Ni sa vakarau vakacabori Aisake o Eparaama, sa qai tarovi koya e dua na agilosi ni Turaga. E vakaraitaka o Eparaama na nona veivakabauti vua na Turaga. Sa kila tu o Eparaama ni na dau muria tu ga na Turaga.
A rai cake o Eparaama ka raica e dua na sipi ni tacori ena veikau. A vakarautaka na Turaga na sipi me baleta na isoro.
E vulica o Eparaama kei Aisake na sala ena solia kina na Tamada Vakalomalagi na luvena o Jisu Karisito me isoro. E nuitaki Eparaama na Turaga o Jisu Karisito baleta ni talairawarawa o koya. E vakabauta o Eparaama na iyalayala ni Turaga ni dua na siga ena tubu na nona matavuvale me sivia na iwiliwili ni kalokalo ni lomalagi.