“Matavuvale nei Atama kei Ivi,” iTalanoa eso mai na Veiyalayalati Makawa (2022)
“Matavuvale nei Atama kei Ivi,” iTalanoa eso mai na Veiyalayalati Makawa
Matavuvale nei Atama kei Ivi
Digitaka mo muria na Turaga
Ni rau sa biuta na Were o Iteni o Atama kei Ivi, erau a tomana tikoga na nodrau vulica na ituvatuva nei Tamada Vakalomalagi ena vukudrau e vuravura. Era a lewe levu na luvedrau ka rau vakavulica vei ira na veika kece erau kila me baleta na Turaga. Eso vei ira na luvei Atama kei Ivi era a digitaka me ra talairawarawa vua na Turaga. Ia eso vei ira a digitaka me kua.
Na matavuvale nei Atama kei Ivi e a maroroya e dua na ivola ni ivakananumi. Erau a vola na ivolatukutuku ni nodrau kawa ena ivola. Erau a vola na sala a vukei rau kina na Turaga.
O Keni kei Epeli e rua na luvei Atama kei Ivi. O Epeli a lomana na Turaga ka digitaka me muri Koya. A sega ni talairawarawa vua na Turaga ko Keni. A digitaka me veivorati.
Sa tubu tikoga na matavuvale nei Atama kei Ivi. E vuqa tale na tamata era a sucu. E tu kece vei ira na galala me ra digidigi. Ni toso tiko na gauna, eso na tamata era a saqata na ivakaro ni Turaga. Na Turaga sa talai ira na parofita me ra vakavulici ira na tamata me ra veivutuni.