“Noa kei na Nona Matavuvale,” iTalanoa ni Veiyalayalati Makawa (2022)
“Noa kei na Nona Matavuvale,” iTalanoa ena Veiyalayalati Makawa
Nai Vakatekivu 6–9; Mosese 8
Noa kei na Nona Matavuvale
Na waqa, na waluvu, kei na yalayala ni Turaga
Ratou a talairawarawa vua na Turaga o Noa kei na nona matavuvale. Era sa ca sara na tamata tani kecega. Ea tukuna vei Noa na Turaga ni na roboti vuravura na waluvu kevaka era sega ni veivutuni na tamata.
Nai Vakatekivu 6:5–13; Mosese 8:13–17
Ea vakavulici ira na tamata o Noa ni sa lomani ira na Turaga ka vinakata mera veivutuni ka vakabauti Jisu Karisito. Era a sega ni vakarorogo.
Sa rarawa o Noa ni ra sega ni veivutuni na tamata. Ea kaya na Turaga vei Noa me taya e dua na waqa levu ea vakatokai me kato. Ena maroroya na waqa na matavuvale nei Noa ena gauna ni waluvu.
Nai Vakatekivu 6:14–18; Mosese 8:25
Era kau kakana mai na matavuvale nei Noa ki waqa. Ea vakauta na Turaga e rua na manumanu ena kena veimataqali kecega vei Noa. Era sa lako na manumanu ki na waqa, ni oti e vitu na siga sa tekivu me tau mai na uca.
Me vaka ga sa vakarota na Turaga, ea tau na uca me 40 na siga ka 40 na bogi. Sa waluvu na vuravura taucoko.
Na matavuvale nei Noa kei na manumanu kece ena waqa era vude taqomaki tu e wai.
Ni sa oti na waluvu, sa kele yani na waqa ena vanua mamaca. Era a tara o Noa kei na nona matavuvale e dua na icabocabo ni soro me ra sokalou vua na Turaga ka vakavinavinakataki Koya ena nona taqomaki ira. Sa yalataka na Turaga ni na sega tale ni luvuca na vuravura. Ea vakauta e dua na drodrolagi me ivakananumi ni nona yalayala.