“Gone o Mosese,” iTalanoa ni Veiyalayalati Makawa (2022)
“Gone o Mosese,” iTalanoa ni Veiyalayalati Makawa
Na Lako Yani 1–2
Gone o Mosese
Taqomaki ni nodra iliuliu ni mataka na Isireli
Sa yaco me tamata qaqa e Ijipita na matavuvale nei Jekope. Era a vakatokai na Isireli. A rerevaka o Fero na Tui Ijipita, ni dua na siga sa na rui levu sara na Isireli e vuqa ka ra na tauri Ijipita, sa qai cakava kina me ra nona bobula o ira na Isireli.
Ea qai vakarota o Fero me ra vakamatei kece na gonetagane sucuvou ni Isireli. Era a rere vakalevu na matavuvale ni Isireli.
Ea bukia e dua na sala e dua na tina e Isireli o Jokapeti na yacana me vakabula kina na luvena tagane sucuvou. Ea biuta na luvena lailai ena dua na basikete ka vunia na basikete ena co balavu ni uciwai na Naile. Ea wanonova voli na gonetagane na ganena o Miriama me taqomaki koya.
Ni sili tiko ena uciwai, ea kunea na basikete na luvei Fero yalewa. E raica ni tagi tiko na gonelailai tawakaroni ni Isireli ka vinakata me susugi koya me luvena. Ea lako mai o Miriama vei luvena yalewa o Fero ka taroga ke rawa ni kauta mai e dua na marama me qarava na gonelailai.
A kauti Jokapeti na tinana mai o Miriama, vei luvena yalewa o Fero. Ea vakadonuya na luvena yalewa o Fero me saumi Jokapeti me qarava na gonelailai.
Sa tubu na gone ni Isireli. A susugi koya na luvena yalewa o Fero me vaka na luvena tagane. Ea vakatoka me yacana o Mosese.