“Tevita kei Kolaiaci,” iTalanoa ni Veiyalayalati Makawa (2022)
“Tevita kei Kolaiaci,” iTalanoa ni Veiyalayalati Makawa
1 Samuela 17
Tevita kei Kolaiaci
Sotava tiko e dua na bolebole tuwawa
Era bololaki Isireli tiko na kai Filisitia. Ena veimataka e dua na tuwawa ni Filisitia ka yacana o Kolaiaci e bolebole tiko me dua na Isireli me veivala kaya. O Kolaiaci e levu cake ka balavu mai na dua tale, ka voravora. E dau daramaka na iyaragi bibi ka kauta voli e dua na iseleiwau, moto, kei na isasabai levu. E sega ni dua e bole me valuti koya.
O Tevita e dua na cauravou gone ivakatawa ni sipi ka vakabauta na Turaga. Era a sotia na tuakana ena mataivalu i Isireli. Ena dua na siga, ea kauta eso na kedratou kakana na tuakana o Tevita. Ni sa yaco yani ki na keba ni mataivalu, ea rogoca na bolebole nei Kolaiaci.
Ea tarogi ira na sotia o Tevita na vuna e sega ni dua e taqomaki Isireli kina. Era a cudru na tuakana ka tukuna vua me laki qaravi ira na sipi. Ia o Tevita a kila ni na taqomaki Isireli na Turaga.
Ea kila o Saula na tui na vakabauta nei Tevita, ka mani kerea me raici Tevita. A tukuna vei Saula o Tevita ni a sega ni rere me veivala kei Kolaiaci. Ea vakamacalataka o Tevita ni gauna ea vakaraici ira kina na nona sipi, ea vakamatea e dua na laione kei na dua na pera. Ea taqomaki koya ena gauna oya na Turaga, ka kila o Tevita ni na taqomaki koya na Turaga ena gauna oqo.
Sa solia o Saula na nona iyaragi vei Tevita. Ia ea sega ni veirauti, sa mani luvata kina o Tevita. Sa lewa ko koya me vala kua ni vakaiyaragi.
Ea kumuna o Tevita e lima na vatu mulo ka biuta ena dua na taga. Ea taura na nona irabo kei na nona ititoko ni vakatawa sipi ka lako me sotavi Kolaiaci.
Ni raici Tevita o Kolaiaci, ea kaila ka vakalialiai koya. Ea kaya ni sega ni rawa vua e dua na gonetagane vakatawa sipi me vakadrukai koya. Ea kailavaka lesu o Tevita ni nuitaka okoya na Turaga me taqomaki koya! E kaya o Tevita ni na vakadrukai Kolaiaci me vakaraitaka na cecere ni Turaga.
Ea cici yani vei Kolaiaci o Tevita. Ea rabotaka totolo e dua na vatu ena nona irabo. A lauta na yadrei Kolaiaci na vatu, ka bale sobu ki na qele na tamata tuwawa. Ea vukei Tevita na Turaga me vakadrukai Kolaiaci ka sega ni dua na iseleiwau se iyaragi.
Ni ra sa raica na Filisitia ni sa mate o Kolaiaci, era sa qai dro yani ena rere. Era a qaqa na Isireli ena ivalu. Sa nuitaka na Turaga ko Tevita, ka sa taqomaki Isireli na Turaga.