Nai Vakatekivu 30; 37

Na Tadra Veivakauqeti eso nei Josefa

Sasaga ni dua na matavuvale mera veilomani vakai ira

Jekope kei Josefa ni dara tu nona kote

Erau a masu o Rejeli kei Jekope ena vuqa na yabaki me dua na luvedrau tagane. A sauma na Turaga na nodrau masu ni sucu mai o Josefa. O Josefa e luvei Jekope tagane taleitaki, ka solia vei Josefa e dua na kote digitaki. Eratou a vuvu na luvei Jekope tagane qase eratou lewe 10.

Nai Vakatekivu 30:22–24; 37:1–4

Vakamacalataka o Josefa na tadra baleta na sila

Ni se qai yabaki 17 o Josefa, a tadra e dua na tadra veivakauqeti ni a vakasokumuni sila tiko ena were vata kei iratou na tuakana. Na ivau sila nei Josefa e a balavu duadua tu. Ia eratou a cuva sobu na ivau sila nei tuakana ki na nona ivau sila. Ni tukuna o Josefa vei iratou na tuakana na nona tadra, eratou a qai cudruvi koya.

Nai Vakatekivu 37:2, 5–8

Vakamacalataka tiko o Josefa na tadra me baleta na veikalokalo

E muri, a qai tadra tale e dua na tadra veivakauqeti o Josefa. Ena tadra oqo, na matanisiga, na vula, kei na 11 na kalokalo eratou a cuva sobu vua. A tukuna o Josefa vei iratou na nona matavuvale na nona tadra. Na tadra oqo e vaka me kena irairai ni na veiliutaki o Josefa ena matavuvale. Eratou sa qai cudruvi Josefa vakalevu cake na tuakana. Eratou a sega ni taleitaka na nona tadra.

Nai Vakatekivu 37:9–11

Sikovi iratou na tuakana o Josefa

Ena dua na siga eratou a gole yani na tuakai Josefa me ratou laki vakana sipi. A talai Josefa o Jekope me laki raici iratou.

Na iVakatekivu 37:12–19

Iratou na tuakai Josefa

Eso na tuakai Josefa eratou a vinakata me vakamatei koya. Eratou a luvata tani na kote nei Josefa ka viritaki koya ki na dua nai keli.

Nai Vakatekivu 37:20–24

O Josefa ena loma ni dua nai keli

Ni tiko voli ena loma ni i keli o Josefa, eratou a raica eso na tuakana ni ra lako tiko ki Ijipita. Eratou sa mani lewa na veitacini me volitaki Josefa vakabobula vei ira oqo ena 20 na tiki ni siliva.

Nai Vakatekivu 37:25–28

na dra ena kote nei Josefa

Eratou sa qai boroya ena dra ni me na kote nei Josefa o iratou na tuakana. Eratou a gole na veitacini vei tamadratou, o Jekope, ka vakaraitaka vua na kote. Eratou a lasu vei Jekope ka tukuna vua ni ra a vakamatei Josefa na manumanu kila.

Nai Vakatekivu 37:31–33

Tagi tiko o Jekope

A tagi o Jekope baleta ni nanuma ni sa mate o Josefa.

Nai Vakatekivu 37:32–35

Bula tiko vakabobula e Ijipita o Josefa

Ia a se bula tiko o Josefa. Nona tiko e Ijipita e a yawa sara kina mai vale, ka bula tiko vaka bobula.

Nai Vakatekivu 37:36