“Ira na Isireli ena Lekutu,” iTalanoa eso mai na Veiyalayalati Makawa (2022)
“Ira na Isireli ena Lekutu,” iTalanoa eso mai na Veiyalayalati Makawa
Ira na Isireli ena Lekutu
Vulica na vakararavi vua na Turaga
Ni oti ga vakalailai nodra biuti Ijipita na Isireli, era kudruvaka ni sega ni veirauti na kedra kakana. Era kaya ni vinaka cake me ra a tiko vakabobula ga mai Ijipita mai na nodra mai viakana tu ena loma ni lekutu.
Me vakavulici ira na Isireli me ra vakararavi vei Koya, a solia mai na na Turaga na madrai mai lomalagi me ra mai tomika ena veisiga yadua. Era vakatoka na madrai me mana. E a kanakana me vaka na oni. A sega ni solia na mana na Turaga ena Siga ni Vakacecegu, na ikavitu ni siga ni dua na macawa. Ena i ka ono ni siga, a tukuna o Koya vei ira me ra tomika na mana me na rauti ira ena rua na siga.
Ena loma ni dua na gauna, a tala talega mai na Turaga na toa ni veikau me ra kania na Isireli. Ena mataka era tomi mana, kei na yakavi era kmuna vata na toa ni veikau. E vinakata na Turaga me ra vulica na Isireli me ra vakararavi vei Koya. Oqo na sala, e a maroroi ira kina o Koya ena loma ni lekutu.