“Ilaija na Parofita,” iTalanoa ni Veiyalayalati Makawa (2022)
“Ilaija na Parofita,” iTalanoa ni Veiyalayalati Makawa
1 Tui 16–18
Ilaija na Parofita
Na vakabauta ni dua na tina kei na cakamana ni Turaga
Na matanitu i Isireli e sega na kena uca, ka sa oti mai na wai. Na Tui o Eapi kei na Ranadi o Jesepeli erau sega ni taleitaki ira na parofita ni Turaga. Erau a vakamatei ira mada ga eso na parofita. Erau masu na tui kei na ranadi ki na kalou matakau baleta na uca. Ia ea tukuna vei rau o Ilaija na parofita ni na sega ni tala mai na Turaga na uca me vaka yabaki.
Erau cudruvi Ilaija na tui kei na ranadi. Ea vakasalataki Ilaija na Turaga me vunitaki koya baleta ni sa rerevaki na nona bula.
Ea kauti Ilaija na Turaga ki na dua na salaniwai ka tala kina na manumanu vuka me kauta vua na kakana. Ia baleta ni a sega na uca, e mamaca na salaniwai, ka sega na wai vei Ilaija.
Ea kauti Ilaija na Turaga vua e dua na yalewa ena dua na koro vakayawa sara. Ea kere wai kei na kakana vua o Ilaija. Ia sa rauta ga na nona bula kei na luvena tagane me dua tale na siga.
Sa kila tu o Ilaija ni sa iotioti ni tiki ni kena kakana. Ea yalataka okoya ni ke vakani koya, ena solia na Turaga na kakana me baleta na nona matavuvale me yacova ni sa lesu mai na uca.
Sa bulia na madrai o yalewa me baleti Ilaija. Sa qai vakalevutaki na nona waiwai kei na falawa! Sa rauta na kakana me baleti Ilaija kei na nona matavuvale ena vuqa na siga.
Ena dua na siga sa tauvimate ka mate na luvena tagane na yalewa. A tarogi Ilaija se cava na vuna e vakatara kina na Turaga me yaco vua oqo.
E tiko vei Ilaija na matabete. A vakalougatataka na luvena tagane ka kerea vua na Turaga me vakatarai koya me lesu bula tale mai. Ea cegu tale na gone, ka kila o marama ni o Ilaija e parofita ni Turaga.