Jope 1–3; 19; 38–42

Jope

Vakararavi tiko ki na loloma ni Turaga

Vakayakavi tiko ko Jope kei na nona matavuvale

O Jope e a dua na tamata vinaka ka dau lomana na Turaga ka muria na Nona ivakaro. E 10 na luvedrau kei watina, ka levu na nona qele ni manumanu kei na nona iyau.

Jope 1:1–5

Sarava tiko na cava o Jope

E a vakatara na Turaga me vakatovolei na vakabauta nei Jope. E a sotava na veika dredre o Jope.

Jope 1:6–12

Sa kama na vale nei Jope

Ena dua na siga era a butakoci e vuqa sara na manumanu nei Jope. E dua na kama e a qai vakarusa e muri na iyau taucoko nei Jope ka vakamatei ira kece na nona dauveiqaravi kei na manumanu tale eso. E a qai vakacacana na vale nei luvei Jope e dua na cagilaba. Era a tiko e loma ni vale na luvena, ka ra mate kece. Sa sega ni dua na ka e vo vei rau kei na watina, na nodrau bula ga.

Jope 1:13–19

Masu tiko o Jope kei watina

Rau a rarawa o Jope kei na watina. Erau a vakayalia na ka kecega, yaco sara vei ira na luvedrau. Ia e a vakabauta tikoga na Turaga o Jope. E a sega ni bilitaka na Turaga ena ka e a yaco.

Jope 1:20–22

Vakani Jope tiko na watina ni sa tautauvimate

Sa qai tauvimate bibi sara o Jope. E a robota na yagona na bo lelevu mosimosi. Rau a vakataroga o Jope kei watina na vuna sa yaco tiko kina na veika ca oqo.

Jope 2:7–9; 3:1–11

Vakaraitaka tiko o Jisu vei Jope na maliwa lala

E a vosa vei Jope na Turaga ka vakaraitaka vua na vuravura, na vei kalokalo, kei na veika bula kecega. E a vakavulica na Turaga vei Jope e dua na lesoni bibi. Sa buli na ka kecega me vukei ira na luvena na Tamada Vakalomalagi me ra vulica na veika me baleta na Luvena o Jisu Karisito ka muri Koya.

Jope 38–41

Jope kei na nona matavuvale

E a veivutuni o Jope ka kerea vua na Turaga me vosoti koya ni a vakatitiqa. E a yalataka o koya ni na vakararavi vua na Turaga. Na Turaga a kila ni lomani Koya o Jope. E a vakabulai Jope ka vakalougatataki koya me levu cake na luvena ka vakaruataki na nona iyau mai na kena a taukena tu eliu.

Jope 19:25–26; 42