Nai Vakatekivu 1–2; Mosese 1–3; Eparaama 3–5

Na Buli ni Vuravura

E dua na itikotiko totoka vei ira na luvena na Tamada Vakalomalagi

e bulia tiko na lomalagi na Kalou kei na Turaga

Ea vakaraitaka na Kalou na Tamada Vakalomalagi na ituvatuva ni veivakabulai mai lomalagi. Eda kaila kece ena reki! Eda na rawa ni lako mai ki vuravura me da mai vakayago. Ena vuravura oqo, eda na vulica kina me da muria na luvena na Kalou, na Turaga o Jisu Karisito. Ea bulia na vuravura na Turaga me muria na ivakasala ni Kalou.

Nai Vakatekivu 1:1; Jope 38:4–7; Mosese 1:32–33; 2:1; Eparaama 3:22–27

ituvaki ni veivuravura e maliwa lala

Ena imatai ni siga, sa mai tawasea na Turaga na rarama mai na butobuto. Ea vakatoka na rarama me siga kei na butobuto me bogi.

Nai Vakatekivu 1:3–5; Mosese 2:3–5; Eparaama 4:1–5

o kei na wasawasa

Ena ikarua ni siga, ea wasea o koya na wai ena kedrau maliwa na o ni lomalagi kei na wasawasa e vuravura.

Nai Vakatekivu 1:6–8; Mosese 2:6–8; Eparaama 4:6–8

veikau e tiki ni wasawasa

Ena ikatolu ni siga, ea bulia na Turaga na wasawasa lelevu kei na vanua mamaca. Ea vakatoka na wai me wasawasa kei na vanua mamaca me vuravura. Ea cakava na vanua me totoka ena senikau, na vuata, na veikau, kei na veivunikau.

Nai Vakatekivu 1:9–13; Mosese 2:9–13; Eparaama 4:9–13

iyaloyalo ni bogi kei na siga

Ena ikava ni siga, ea bulia o Koya na matanisiga me rarama ena siga. Ea qai bulia na vula kei na veikalokalo me cila ena bogi.

Nai Vakatekivu 1:14–19; Mosese 2:14 –19; Eparaama 4:14–19

kabula i wai

Ena ikalima ni siga, ea bulia na Turaga na ika ni wasawasa kei na manumanu vuka e lomalagi. Ea vakalougatataki ira na kabula o Koya me ra vakatubu kawa ka vakalougatataka na ika me vakasinaita na wai.

Nai Vakatekivu 1:20–23; Mosese 2:20–23; Eparaama 4:20–23

manumanu ni veikau

Ena ikaono ni siga, ea bulia o Koya na manumanu e vanua, eso e taubale ka so e qasi.

Nai Vakatekivu 1:24–25; Mosese 2:24–25; Eparaama 4:24–25

Atama kei Ivi ena Were ko Iteni

Erau a lako sobu na Tamada Vakalomalagi kei na Turaga ki vuravura ena ikaono ni siga. Na tagane kei na yalewa ea buli ena ibulibuli ni Kalou. Ea tukuna vei rau na Tamada Vakalomalagi me rau dau veikauwaitaki ka vakaluveni. Na tagane kei na yalewa erau sa vakadeitaki me rau qarava na vanua kei na manumanu.

Nai Vakatekivu 1:26–27; Mosese 2:26–27; Eparaama 4:26–31; 5:7–8

Erau raica tiko na manumanu o Atama kei Ivi

E marautaka na Tamada Vakalomalagi na veika kece Erau a bulia. Ena ikavitu ni siga, Erau a vakacegu mai na Nodrau cakacaka kecega. E totoka ka vakasinaiti na vuravura ena kabula.

Nai Vakatekivu 2:1–3; Mosese 3:1–3; Eparaama 5:1–3