“Aisea na Parofita,” iTalanoa eso mai na Veiyalayalati Makawa (2022)
“Aisea na Parofita,” iTalanoa eso mai na Veiyalayalati Makawa
Aisea na Parofita
Parofisai eso me baleta na Turaga o Jisu Karisito
Era a vakadrukai vakavuqa na Isireli ka ra vinakata me taqomaki ira na Turaga. Ena dua na siga ena valetabu, a kaciva na Turaga e dua na tagane na yacana o Aisea me vakavulici ira na tamata me baleta na nona lako mai ko Jisu Karisito. E lomani ira na tamata o Aisea ka vakavulici ira ena sala e rawa ni vakabulai ira kina na Karisito.
A vulica o Aisea ni na lako mai ena dua na siga o Jisu Karisito me vakabulai ira na Nona tamata mai na ivalavala ca. Ia e sega ni o ira kece era na vakadinadinataka ni o Koya na nodra iVakabula. A rarawa sara vakalevu o Aisea baleta ni kila ni levu na tamata era na sega ni vakabauti Jisu Karisito.
Ia a parofisaitaka talega o Aisea na iKarua ni Lako Mai i Jisu Karisito. Ena lesu mai o Jisu Karisito me mai Tui ni vuravura taucoko. Ena lako tale mai o Koya ka mai vakayacora na ituvatuva nei Tamana ena nona kauta mai na veilomani kei na vakacegu tawamudu. E kaya o Aisea ni tamata kecega ena kila ni o Jisu Karisito sa nodra iVakabula.