“Jeremaia na Parofita,” iTalanoa eso mai na Veiyalayalati Makawa (2022)
“Jeremaia na Parofita,” iTalanoa eso mai na Veiyalayalati Makawa
Jeremaia na Parofita
Kacivi ni bera na nona sucu
O Jeremaia a vakaitikotiko e Jerusalemi ni se gone. Ena dua na siga a lako mai na Turaga vei Jeremaia ka kacivi koya me dua na parofita. A tukuna na Turaga vei Jeremaia ni a sa digitaki tu me parofita ni bera ni mai sucu. Sa kila tu na Turaga ni na dredre na bula nei Jeremaia. Ia a yalataka vei Jeremaia o Koya ni na dau tiko vata ga kei koya.
O ira na tamata e Jerusalemi era sega ni maroroya na nodra yalayala vua na Turaga. Ena vuku ni nodra caka ca, a vakasalataki ira kina na tamata o Jeremaia ni ra na vakadrukai. A kaya na Turaga ni kevaka era na vakatabuya na Siga ni Vakacecegu, ena sega ni vakarusai na koro levu ko Jerusalemi. Ia era a sega ni vakarorogo na tamata.
Jeremaia 6:1–19; 8–9; 17:21–27
A vakavulici ira na tamata o Jeremaia ena vuqa sara na yabaki. Ia era a sega ni veivutuni. Ia, era a vakararawataki Jeremaia ka biuti koya ki vale ni veivesu.
Jeremaia 20:2; 26:8–9; 37:15–18; 38:6
E lomani ira na tamata o Jeremaia. A tagi ena vuku ni nodra ivalavala ca. Me vaka ga na nona vosa, sa vakarusai o Jerusalemi, ka ra kau vakavesu na tamata.
Jeremaia 9:1–8; 25:9–12; 52:1–10
A kau ki Ijipita o Jeremaia. A tukuna vua na Turaga me vola na nona parofisai. E talairawarawa o Jeremaia vua na Turaga ena gauna mada ga ni dredre. E a tomana tiko na nona tukuna vei ira na nona tamata me ra maroroya na nodra yalayala vua na Turaga.