“O Setareki, Mesaki, kei Apeti-niko,” iTalanoa ni Veiyalayalati Makawa (2022)
“O Setareki, Mesaki, kei Apeti-niko,” iTalanoa ni Veiyalayalati Makawa
Taniela 1;3
O Setareki, Mesake, kei Apete-niko
E dua na veivakatovolei rerevaki ni vakabauta
Ea bulia o Nepukanesa na Tui e dua na matakau koula vakaitamera, ka vakasaurarataki ira na nona tamata me ra qarava. Kevaka era bese, era na biu ki na lovo bukawaqa.
O iratou na itokani i Taniela, o Setareki, Mesaki, kei Apete-niko e ratou lomana na Kalou ka sega ni rawa ni qarava na kalou lasu ni tui. Sa cudruvi iratou na tui.
Eratou a kaya vua na tui na itokani lewe tolu ni ratou na sokalou ga vua na Kalou. Eratou vakabauta ni na rawa ni taqomaki iratou na Kalou. Ia kevaka mada ga me na sega ni vakabulai iratou, eratou na tutaka na ka eratou vakabauta.
Ea cudru katakata na tui vei Setareki, Mesaki, kei Apete-niko. Ea vakavuna me ratou viritaki ki na lovo bukawaqa. Ia ni sa rai yani na tui ki na lovo, ea kurabui ni raica e dua na kabula Vakalomalagi ena bukawaqa vata kei iratou na tolu na tamata. Eratou a sega ni vakamavoataki ena bukawaqa.
Ea kaci na tui vei Setareki, Mesaki, kei Apete-niko, ka ratou lako tani mai na lovo. Ea sega ni vakamavoataki ratou se vakama mada ga na nodratou isulu na bukawaqa.
O Setareki, Mesaki, kei Apeti-niko e ratou talairawarawa ki na ivakaro ni Kalou, ena gauna sara mada ga sa rerevaki kina na nodra bula. Na nodratou ivakaraitaki e vukea na tui me vakabauta na Kalou.