“Atama kei Ivi,” iTalanoa ni Veiyalayalati Makawa (2022)
“Atama kei Ivi,” iTalanoa ni Veiyalayalati Makawa
Nai Vakatekivu 2; Mosese 3–5; Eparaama 5
Atama kei Ivi
Rawati ni veikasotavi ena nomu digidigi
O Atama kei Ivi erau a isevu vei ira na luvena na Tamada Vakalomalagi me ra mai bula e vuravura. Erau a vakaitikotiko ena were totoka o Iteni, ka vakavolivolita na veimataqali kau kecega kei na vei vunikau. Erau a sikovi rau na Kalou na Tamada Vakalomalagi kei na Turaga o Jisu Karisito ka vosa vei rau.
Nai Vakatekivu 2:8–9; 3:8; Mosese 3:8–9; Eparaama 5:8, 14–19
Sa laiva na Kalou me rau kania na vua ni kau kecega ka vo e dua. Kevaka erau kana mai na kau ni kila na vinaka kei na ca, erau sa na biuta na were ka rau na qai mate emuri. Lasu o Setani vei Atama kei Ivi. Ea kaya o Setani ni kevaka erau kania na vuanikau, erau na kila na vinaka kei na ca ia erau na sega ga ni mate.
Nai Vakatekivu 2:16–17; 3:1–5; Mosese 3:9; 4:6–11; Eparaama 5:9, 12–13
Ea digitaka o Ivi me kania na vuanikau.
Nai Vakatekivu 3:5–6; Mosese 4:12
Ea solia o Ivi vei Atama na vuanikau. Ea digitaka talega me kania.
Nai Vakatekivu 3:6–7; Mosese 4:12
A sikovi rau na Kalou kei na Turaga, ia erau a rere o Atama kei Ivi ka vuni. Sa tarogi rau na Kalou ke rau sa kania na vua ni vunikau sa kilai kina na vinaka kei na ca.
Nai Vakatekivu 3:8–13; Mosese 4:13–14
Erau a tukuna vua na Kalou o Atama kei Ivi ni rau digitaka me rau kania na vuanikau. Ena vuku ni nodrau digidigi, erau a biuta kina na Were ko Iteni. Erau a tawasei tani mai vua na Kalou, ia e tiko e dua na Nona ituvatuva me baleti rau. Oqo erau sa kila vinaka mai na ca ka rawa me rau vakaluveni.
Nai Vakatekivu 3:16–24; Mosese 4:15–31
Ea yalataka o Atama kei Ivi me rau talairawarawa ki na ivakaro kece ni Kalou. Erau a vakavulici me rau vakacabo isoro manumanu. Ni rau talairawarawa, erau vulica kina e vuqa tale na ka me baleta na luve ni Kalou o Jisu Karisito. Rau a vakila ruarua na marau cecere baleta ni na vukea o Koya na nodrau matavuvale me lesu vua na Kalou.