“Ilaija kei ira na Bete i Peali,” iTalanoa ni Veiyalayalati Makawa (2022)
“Ilaija kei ira na Bete nei Peali,” iTalanoa ni Veiyalayalati Makawa
1 Tui 18
Ilaija kei ira na Bete i Peali
Na parofita ni Turaga veisaqa kei na bete vakailasu
Na matanitu i Isireli e tomana tikoga na vorata na sega ni wai. E tukuna na tui o Eapi vei ira na tamata me ra muria e dua na kalou lasu na yacana o Peali.
Ea talai Ilaija na parofita na Turaga me sota kei Eapi. Ea sureti ira kece na tamata o Ilaija ki na dela ni ulunivanua. Ea sureta na tui kei ira nona bete ki na dua na bolebole me ra raica se sa Kalou dina ko Jiova se ko Peali.
Ea vakamacalataka o Ilaija na bolebole. O koya kei ira na bete era na vakacabora e dua na bulumakau tagane ena dua na icabocabo ni soro, ia era na sega ni vakama e dua na buka. Ia, era na masu na bete vei Peali me caudreva na buka. Ena qai masu o Ilaija vei Jiova me caudreva na buka. Sa kila tu o Ilaija ni na caudreva ga na buka na Kalou dina.
Era a masu na bete nei Peali vua na nodra kalou mai na mataka me yacova na sigalevu, ia e sega ni dua na ka e yaco. Ea veiwalitaki ira o Ilaija ka kaya ni o Peali na nodra kalou e rairai moce.
Era sa cudru vakalevu na bete, rikata na icabocabo ni soro, ka kaikaila yani ki na yakavi. Era nuitaka ni na sauma na nodra kalou, ia e sega ni dua na kama.
Sa qai nona gauna o Ilaija. E tara e dua na icabocabo ni soro vei Jiova, kelia e dua na keli wavokita na icabocabo ni soro, ka vakarautaka na isoro.
A kerei ira na tamata o Ilaija me ra vakatawana e va na dramu wai ka sova ena boto ni nona icabocabo ni soro me vakatolu. Ea luvuci wai na kau kei na icabocabo ni soro. Ea vakasinaita na ikeli taucoko.
Ea masu o Ilaija vei Jiova me vakaraitaka na kaukauwa ni Kalou dina. Na bukawaqa nei Jiova ea lako sobu mai ka kania na isoro, na kau, na vatu, kei na wai. Era sa kila na tamata ni Kalou i Ilaija e sa Kalou dina. Ea masulaka o Ilaija me sa oti na lauqa, ka sa tala mai na Turaga na uca.