“Inoke na Parofita,” iTalanoa ni Veiyalayalati Makawa (2022)
“Inoke na Parofita,” iTalanoa ni Veiyalayalati Makawa
Na iVakatekivu 5; Mosese 6–7
Inoki na Parofita
E vakabula vakacava e dua na siti na vakabauta na Turaga
E kerei Inoki na Turaga o Jisu Karisito me tukuna vei ira na tamata me ra veivutuni. Ia a nanuma o Inoke ni sega ni rawa ni vosa vinaka. E rerevaka o koya ni ra na sega ni vakarorogo vua na tamata.
Nai vakatekivu 5:22; Mosese 6:26–31
E yalataka na Turaga me vaqaqacotaki ka taqomaki Inoki e dina ga ni so na tamata e sega ni taleitaka kei na veika a vakavulica o Inoki.
Na iyalayala ni Turaga e solia vei Inoki na yaloqaqa. Sa talairawarawa ko Inoki vua na Turaga ka vakavulici ira na tamata ena kaukauwa. E vakavuvulitaka o koya me baleti Jisu Karisito, na veivutuni, papitaiso, kei na Yalo Tabu. Eso na tamata era vakabauti Inoki ka vinakata me ra muria na Turaga.
E tu vei Inoke na kaukauwa mai vua na Kalou me veipapitaisotaki. O ira kece na tamata era vakabauti Inoki era sa papitaiso ka toro voleka vua na Turaga. E sega ni dua e dravudravua baleta ni ra dau veikauwaitaki vakai ira. Era vakatokai me ko Saioni baleta ni ra a bula vata ena loloma kei na buladodonu.
Ena dua na siga e vakaraitaka vei Inoki na Turaga e dua na raivotu ni veika kece ena yaco e vuravura. Sa raica ko Inoke na bula, na mate, kei na Tucaketale i Jisu Karisito. a vulica o Inoki ni na vakalesui mai na kosipeli ena iotioti ni gauna. E raica talega okoya na iKarua ni Lako mai i Jisu.
Kena itinitini, o ira kece na tamata ena koro ko Saioni era vakabauti Inoki ka veivutuni. Baleta ni ra dau veivukei ka bula ena veisaututaki, e kauti ira na Turaga me ra tiko vata kei Koya.