“Ana,” iTalanoa eso mai na Veiyalayalati Makawa (2022)
“Ana,” iTalanoa eso mai na Veiyalayalati Makawa
Ana
Na isaunitaro ni Turaga vua e dua na marama yalodina
Ena veiyabaki, erau dau lako o Ana kei watina ki na vale ni Turaga, na valetabu. E sega na luvei Ana, ka sa dau rarawa sara kina vakalevu. A lolo ka masulaka me dua na luvena gonetagane. A yalataka o Ana vua na Turaga ni kevaka ena dua na luvena tagane, ena tubu cake na luvena tagane me qaravi Koya.
E dua na bete na yacana o Ilai a raici Ana ni tagi tiko. A kaya vua ni Turaga ena sauma na nona masu. A vakabauta na Turaga o Ana ka vakanuinui vua.
Ena yabaki o ya, e a vakasucuma kina e dua na gonetagane lailai o Ana. E a vakatoka me yacana o Samuela.
A maroroya tikoga o Ana na nona yalayala vua na Turaga. Ni sa qase cake mai o Samuela, a kauti koya me laki veiqaravi ena vale ni Turaga. A veiqaravi vata kei Ilai, na bete. A tomana tikoga o Ana na nona dau sikovi Samuela. A kauta mai vua na isulu ka a cula me nona. Na Turaga a qai vakalougatataki Ana tale ena lima tale na gone.