Potutusi
Lesona 57: Luka 22

Lesona 57

Luka 22

Folasaga

Ina ua lata ina maea Lana galuega i le olaga nei, sa faatuina e Iesu le faamanatuga, aoao atu Ona soo e auauna atu i isi, ma poloaiina Peteru e faamalosi atu i ona uso. O le taulaga togiola a le Faaola na amata i le Faatoaga o Ketesemane. Na pue faapagotaina o Ia ma faamasinoina i luma o Kaiafa. A o faamasinoina le Faaola, sa faafiti Peteru na te le iloa o Ia.

Fautuaga mo le Aoaoina Atu

Luka 22:1–38

Ua faatuina e le Faaola le faamanatuga ma aoao i Ana Aposetolo

Fai i le vasega e manatu faapea (pe e mafai foi ona e valaaulia ni tagata se toalua e faatino le gaoioiga lenei) faapea o la e nofonofo ma se tasi o le aiga i luga o le fola. Ua fia tu i luga le tagata o le aiga ma ua talosaga atu mo se fesoasoani.

  • O le a le lelei e mafai ona e fesoasoani ai pe afai e te nofonofo ai lava i luga o le fola?

  • O le a se eseesega pe a e tu muamua i luga?

Faamatala o lenei talafaatusa e mafai ona fesoasoani tatou te malamalama ai i le mea e mafai ona tatou faia e fesoasoani ai e siitia faaleagaga isi.

Valaaulia le vasega e vaavaai mo upumoni a o latou suesueina leLuka 22o le a fesoasoani lea latou te iloa ai le ala e fesoasoani ai e siitia faaleagaga isi.

Otooto le Luka 22:1–30i le faamanatu atu i le vasega ina ua lata ina faaiuina Lana galuega i le olaga nei, sa potopoto le Faaola ma Ana Aposetolo e faamamaluina le Paseka. I le taimi lea, sa fofoga atu ai e le Faaola e faapea o le a faalataina o Ia e se tasi o Ona soo, sa faatuina le sauniga o le faamanatuga, poloaiina ina ia faia pea lava e manatua ai o Ia, ma sa Ia aoao atu Ana Aposetolo o i latou e auauna atu i isi e silisili i lo tagata uma. Sa faamalo atu foi le Faaola i Ana Aposetolo i lo latou mafuta pea ma Ia ma folafola atu ai ia i latou o le a i ai se aso o le a latou nonofo ai i nofoalii ma faamasino ia ituaiga e sefululua o Isaraelu.

Valaaulia se tagata e faitau leotele le Luka 22:31–32. Fai i le vasega e mulimuli ai, ma vaavaai mo mea na fetalai atu ai le Faaola ia Simona Peteru. Valaaulia se tagata e faitau leotele le fuaiupu e 31.

  • O le a le mea na ta’u mai e le Faaola ua manao i ai Satani? (Sa manao Satani e luluina Peteru ma le Au Paia e faapei o le saito.)

Faamatala e luluina le saito i le tuueseeseina o ute mai le vaega o totoe.

  • O le a se mea ua e aoaoina e uiga ia Peteru o faaalia ai ua i ai sana molimau? (Afai e tatau ai, faamanatu i le vasega na tautino atu e Peteru lana molimau o Iesu o le Keriso, o le Alo o le Atua [tagai Mataio 16:13–17].)

  • E tusa ai ma lefuaiupu 32, o le a le mea na tatau pea ia Peteru ona oo i ai a o lei mafai ona ia faamalosi atu i ona uso?

  • O le a le eseesega o le i ai o se molimau i le talalelei ma le liua i le talalelei? (O le i ai o se molimau i le talalelei o lona uiga ua tatou maua se molimau faaleagaga i le upumoni e ala i le Agaga Paia [tagai i le Taiala i Tusitusiga Paia, “Molimau,” scriptures.lds.org]. O le liua i le talalelei o lona uiga o le “suia [o o tatou] talitonuga, loto, ma olaga ina ia talia ma gauai atu i le finagalo o le Atua (Galuega 3:19)” [Taiala i Tusitusiga Paia, “Conversion, Convert,” scriptures.lds.org]).

  • E fua i mea na ta’u atu e le Alii ia Peteru, o le a se mea e mafai ona tatou faia pe a tatou liua i le talalelei? (E ono faaaoga e le vasega ni upu eseese, ae ia mautinoa latou te faailoa maia le upumoni lenei: A oo ina tatou liua i le talalelei a Iesu Keriso, e mafai ona tatou faamalolosia isi. Fuafua e valaaulia le vasega e maka ia fasifuaitau o loo aoao mai ai lenei upumoni i le fuaiupu 32.)

Valaaulia se tagata e faitau leotele le Luka 22:33–34. Fai i le vasega e mulimuli ai ma vaavaai pe na faapefea ona tali atu Peteru i le apoapoaiga a le Faaola ia liua ma faamalosi atu i ona uso.

  • Na faapefea ona tali atu Peteru i le apoapoaiga a le Faaola?

  • O le a le mea na valoia e le Faaola ia Peteru e fai?

Faamatala o se auiliiliga atili o lenei tala o loo tusia i leMataio 26. Valaaulia se tagata e faitau leotele le Mataio 26:35. Fai i le vasega e mulimuli ai, ma vaavaai mo mea na fai atu ai Peteru i le Faaola ina ua uma ona faalogo i le valoaga.

  • Na faapefea ona tali atu Peteru ina ua uma ona faalogo i lea valoaga?

  • O le a se mea e mafai ona aoao mai e le tali a Peteru i lona manatu i le malosi o lana molimau?

Luka 22:39–53

Ua puapuagatia le Faaola i Ketesemane, afutoto, ma ua faalataina e Iuta

Faamatala ina ua uma le Paseka, na maliu atu le Faaola ma Ana Aposetolo i le Faatoaga o Ketesemane. Valaaulia ni nai tagata aoga e feauaua’i i le faitauina leotele mai o le Luka 22:39–43. Fai atu i le vasega e mulimuli i le faitauga, ma vaavaai mo mea na faia e le Faaola ina ua maliu mai i le Faatoaga o Ketesemane. Valaaulia tagata o le vasega e lipoti mai mea ua latou mauaina.

  • E tusa ai ma lefuaiupu 43, o ai na fesoasoani i le Faaola ia maua le malosi e faia ai le finagalo o le Tama?

  • O le a le upumoni e mafai ona tatou aoao mai lenei tala e uiga i le mea o le a faia e le Tama Faalelagi mo i tatou pe afai tatou te saili e faia Lona finagalo? (E ono faailoa mai e le vasega ni upumoni eseese, ae ia mautinoa ua manino faapea afai tatou te naunau e usiusitai i le Tama Faalelagi, o le a Ia aumaia ia i tatou le malosi e faia ai Lona finagalo.

  • O a ni nai auala e ono faamalolosia ai i tatou e le Tama Faalelagi?

Faamatala o le tele lava o taimi o le fesoasoani tatou te mauaina mai le Tama Faalelagi o le a le maua i le oo mai o ni agelu ae o le a fesoasoani o Ia ia i tatou i auala Na te silafia o le a sili mo i tatou. Valaaulia tagata aoga e mafaufau i se taimi na latou lagonaina ai le faamalolosia e le Tama Faalelagi a o latou saili e faia Lona finagalo.

Faamatala o le tala a Luka i le puapuagatia o le Faaola i le Faatoaga o Ketesemane e aofia ai se faamatalaga taua e le o aofia ai i tala na tuuina mai e Mataio ma Mareko. Valaaulia se tagata e faitau leotele le Luka 22:44. Fai i le vasega e mulimuli ai ma vaavaai pe na faapefea ona faamatala e Luka le puapuaga o le Faaola i Ketesemane.

  • Na faapefea ona faamatala e Luka ia puapuaga o le Faaola i Ketesemane? Atonu e te manao e valaaulia le vasega e faailoga fuaitau i le fuaiupu e 44 o loo aoao mai ai lenei upumoni. Na afu Iesu Keriso ua pei o alualu toto a o Ia puapuagatia i le Faatoaga o Ketesemane. Atonu e te manao e ta’u i ai o lenei vaega o le mafatiaga o le Faaola na valoia i le silia ma se seneturi na muamua atu [tagai Mosaea 3:7].)

Ina ia fesoasoani ia malamalama atili le vasega i mea na oo i ai le Faaola, faamatala faapea na faamatala e le Faaola Lona lava mafatiaga i se faaaliga na tuuina mai e ala mai i le Perofeta o Iosefa Samtia o loo tusia i le Mataupu Faavae ma Feagaiga 19. Fuafua e valaaulia le vasega e fefaasinoai le Mataupu Faavae ma Feagaiga 19:18 ma le Luka 22:44 i a latou tusitusiga paia. Valaaulia se tagata e faitau leotele le Mataupu Faavae ma Feagaiga 19:18. Fai atu i le vasega e mulimuli i le faitauga, ma vaavaai mo le faamalamalamaina e le Alii o Ona mafatiaga.

  • O a ni faamatalaga faaopoopo ua tatou aoao ai e uiga i mafatiaga o le Faaola mai Lana lava faamatalaga i le fuaiupu 18? (O le mafatiaga o Iesu Keriso na afua ai ona “gatete ona o le tiga, …tafe toto ai pu afu uma, ma mafatia ai i le tino atoa ma le agaga.”)

  • O a ni ou mafaufauga ina ua e iloa sa matua mafatia tele Iesu Keriso mo oe?

Otooto le Luka 22:45–48i le faamatala atu faapea na mafatia le Faaola i Ketesemane, sa faalataina o Ia e Iuta le Sekara.

Valaaulia se tagata e faitau leotele le Luka 22:49–51. Fai i le vasega e mulimuli ai, e vaavaai mo mea na faia e Peteru ina ua o mai le au faitaulaga sili ma isi e pue faapagotaina Iesu (tagai Ioane 18:10, ona pau lea o le tala o loo faailoa mai ai Peteru le Aposetolo na tipiesea le taliga o le auauna.

  • O le a le mea na faia e Peteru i le auauna a le faitaulaga sili?

  • O le a le mea e ofoofogia ai le mea na faia e le Faaola mo le auauna?

Otooto leLuka 22:52–53i le faamatala atu sa fesili le Faaola pe aisea na puefaapagotaina ai o Ia e le au faitaulaga sili ma isi i le po ae le o le ao a o i ai o Ia i le malumalu.

Luka 22:54-71

Ua faamasinoina Iesu i luma o le Au Saneterini, ma ua faafiti Peteru na te le iloa o Ia

Otooto leLuka 22:54i le faamatala atu ina ua aveina atu Iesu i le fale o le faitaulaga sili e faamasinoina ai, sa mulimuli atu ai Peteru.

Vaevae le vasega i ni paga. Tuu atu i tagata taitasi o le vasega se kopi lenei o le siata, pe tusi i luga o le laupapa. Valaaulia le vasega e faitau ia mau o loo tusia i le siata ma faamaea faatasi ma a latou paga ia le siata.

Ata
tufaaga, Luka 22:54-60

Luka 22:54-60

Tusitaiala e le Faiaoga Seminare o le Feagaiga Fou---Lesona 57

O le a le mea na tupu ia Peteru?

O le a le tala a Peteru?

Luka 22:55–57

Luka 22:58

Luka 22:59–60

© 2015 Puletaofia e le Intellectual Reserve, Inc.Ua taofia aia tatau uma.

  • E te manatu aisea atonu na tofotofoina ai Peteru e faafiti na te le iloa Iesu i nei tagata taitoatasi?

Valaaulia se tagata e faitau leotele le Luka 22:61–62. Fai i le vasega e mulimuli ai, ma vaavaai po o le a le mea na tupu ina ua uma ona faafiti Peteru na te le iloa le Faaola.

  • O le a le mea na tupu ina ua uma ona faafiti Peteru na te le iloa le Faaola?

Afai e mafai, faaali leata Faafitiga a Peteru, saunia e Carl Heinrich Bloch. O loo maua lenei ata i le LDS.org.

Ata
Faafitiga a Peteru

O Le Faafitiga a Peteru, saunia e Carl H. Bloch Faaaloaloga a le Falemataaga o Talafaasolopito Faalemalo i Frederiksborg Castle in Hillerød, Tenimaka. Aua ne’i kopiina

  • Pe ana faapea sa e i ai i le tulaga o Peteru, o a ni mafaufauga po o ni lagona e te manatu na ia te oe a o silasila atu le Faaola ia te oe? Aisea?

  • E faapefea e le aafiaga o Peteru ona faapupula mai ai le eseesega i le va o le i ai o se molimau i le talalelei ma le liua i ai?

Faamatala e ui ina sa i ai se molimau a Peteru i le talalelei, ae e lei liua atoatoa o ia. Peitai, sa ia faailoa lona vaivaiga, ma matuai liua atoatoa, ma tuuto atu lona soifua e auauna atu i le Atua ma faasoa atu le talalelei.

  • O a ni lesona e mafai ona tatou aoao mai le aafiaga o Peteru?

Otooto leLuka 22:63–71i le faamatala atu sa tauemuina le Faaola ma fasia le au faitaulaga sili.

Faaiu le lesona i le valaaulia o tagata e tusi i a latou api po o api talaaga mo le suesueina o tusitusiga paia ni mea e mafai ona latou faia e mafai ona fesoasoani e liua moni ai i le talalelei a Iesu Keriso. Fautuaina i latou e fai se mea se tasi o mea o i a latou lisi i lenei vaiaso.

Tala ma Faamatalaga o Talaaga

Luka 22:32. O le liuaina o Peteru i le talalelei

Na aoao mai e Elder Bruce R. McConkie o le Korama a Aposetolo e Toasefululua, le mea lenei e uiga ia Peteru:

“O Peteru o le faataitaiga sili lea o le ala e galue ai le mana o le liua i agaga e talia gofie. I le taimi o le galuega a lo tatou Alii i le olaga nei, sa i ai se molimau a Peteru, fanauina i le Agaga, o le paia o Keriso ma le fuafuaga sili o le faaolataga lea e ia Keriso. ‘O oe o le Keriso, le Alo o le Atua soifua,’ o lana tala lea a o faagaganaina e le Agaga Paia. (Mata. 16:13–19.) Ina ua pauu ese atu isi, sa tu atu Peteru ma le faamautinoaga faaaposetolo, ‘Ua matou talitonu, ma ua matou iloa o oe o le Keriso, o le Alo o le Atua soifua.’ (Ioane 6:69.) Sa iloa e Peteru, ma na maua mai lona silafia e ala i faaaliga.

“Ae e lei liua Peteru, aua sa lei avea o ia o se tagata fou i le Agaga Paia. Nai lo lena, ina ua leva ona maua e Peteru o se molimau, ma i le po tonu lava na puefaapagotaina ai Iesu, na ia fetalai atu ai ia Peteru: ‘Pe a liua mai oe, ona e faamalosi ai lea i ou uso.’ (Luka 22:32.) E lei pine ona mavae lena, ma e ui ina i ai lana molimau, sa faafiti ai Peteru na te le iloa Keriso. (Luka 22:54–62.) Ina ua mavae le faasatauroga, sa alu Peteru e fagota, ma na toe valaauina i le galuega e le Alii toetu. (Ioane 21:1–17.) Ma i le aso o le Penetekoso, sa mauaina ai le faaeega faaleagaga na folafolaina; na avea Peteru ma soo faamaoni uma o ni tagata fo i le Agaga Paia; sa matuai liua i latou’ ma o mea na faataunuuina mulimuli ane, na faaalia ai le mausali o lo latou liua. (Galuega 3; 4.)” (Mormon Doctrine, 2nd ed. [1966], 162–63).

Luka 22:32. “Pe a liua mai oe, ona e faamalosi ai lea i ou uso”

Na faamautu e Elder Dallin H. Oaks o le Korama a Aposetolo e Toasefululua le taua o le liua:

“In order to strengthen his brethren—to nourish and lead the flock of God—this man who had followed Jesus for three years, who had been given the authority of the holy apostleship, who had been a valiant teacher and testifier of the Christian gospel, and whose testimony had caused the Master to declare him blessed still had to be ‘converted.’

“Jesus’ challenge shows that the conversion He required for those who would enter the kingdom of heaven (see Matt. 18:3) was far more than just being converted to testify to the truthfulness of the gospel. O le molimau atu o le iloaina ma ia tautino atu. Ua luitauina i tatou e le talalelei ina ia “liua” ma e manaomia ai i tatou e faia ma avea ai. Afai o i ai lava se tasi o i tatou e faalagolago atoa i lo tatou lava atamai ma le molimau i le talalelei, ua tatou i ai i le tulaga lava lena e pei o Aposetolo ua faamanuiaina ae e e lei atoatoa lea na lu’iina e Iesu ina ia ‘liua.’ We all know someone who has a strong testimony but does not act upon it so as to be converted. …

“Now is the time for each of us to work toward our personal conversion, toward becoming what our Heavenly Father desires us to become” (“O le Luitau Ina ia Avea,” Ensign, Nov. 2000, 33).

Na faamatala e Peresitene Harold B. Lee o le liua i le talalelei e mafai ona fesoasoani ia i tatou e faamalolosi atu ai i isi:

“E le mafai ona e sii ae se tasi agaga sei vagana ua e tu i se eleele maualuga atu nai lo ia. E tatau ona e mautinoa, pe afai e te laveaia se tagata, ua e faatuina e oe lava se faataitaiga o mea e te manao ia avea ai o ia” (“Ia Outou Tutu i Mea Paia,” Ensign, Oct. 2008, 47).

Na faamatala e Elder David A. Bednar o le Korama a Aposetolo e Toasefululua le sootaga o le molimau ma le liua, faapea foi eseesega i lo la va, i lana saunoaga i le konafesi aoao “Liua i le Alii” (Ensign or Liahona, Nov. 2012, 106–9).

Luka 22:44. “O lona afu foi ua pei o le ’alu’alu toto”

Na faamatala e Elder James E. Talmage o le Korama a Aposetolo e Toasefululua e faapea o mafatiaga o le Faaola e faaletino, faalemafaufau, ma faaleagaga:

“Sa le na o le tiga faaletino, po o le ita faalemafaufau, na mafua ai ona puapuagatia o ia i sauaga faapena lea na oo ai ina tafe mai le toto mai pu afu uma; ae o se tiga faaleagaga o le agaga lea e na o le Atua lava e mafai ona silafia. E leai se isi tagata, po o le a le maoae o malosiaga faaletino pe faalemafaufau, sa mafai ona tatalia; aua o lona tulaga faaletagata soifua semanu e faiifo, … [aumaia] le gase atu o le mafaufau ma faafeiloaia e le le toe manatua. I lena itula o le ogaoga o tiga na feiloai ai Keriso ma faatoilaloina mea matautia na mafai e Satani, ‘le alii o lenei lalolagi’ ona faia’(Jesus the Christ, 3rd ed. [1916], 613).

Luka 22:62. “Ona alu ai lea o Peteru i fafo, ua tagi lotulotu”

Sa ta’ua e Peresitene Gordon B. Hinckley faapea e mafai ona tatou faia ni mea sese e faapei foi o Peteru, ae e ala i le salamo e mafai ai ona faamagaloina i tatou mai na mea sese:

“O Peteru, i le faamautuina o lona lotonuu faamaoni, o lona naunautaiga, o lana faaiuga, na fai mai na te le faafitia lava. Peitai na oo atu ia te ia le fefe i tagata ma na manumalo le vaivaiga o le tino ia te ia, ma i lalo o le mamafa o le tuuaiga, na solovi ai lana faaiuga. …

“A o ou faitauina lenei tala sa momomo lo’u loto mo Peteru. E toatele naua i tatou e faapei foi o ia. Tatou te tautino atu lo tatou lotonuu; tatou te faamautu atu lo tatou naunautaiga e lototetele; tatou te tautino atu, o nisi taimi i luma o tagata, o le a tatou faia le mea tonu, o le a tatou tutu atu mo le mea moni, o le a tatou faamaoni ia i tatou lava ma isi.

“Ona amata ai lea ona tuputupu ae uunaiga mamafa. O nisi taimi o uunaiga faaagafesootai. O nisi taimi o manaoga patino faaletagata. O nisi taimi o faanaunauga pepelo. E i ai le vaivai o le loto. E i ai le vaivai o le aoaiga. E i ai se taimi e sisii ai lima. Ma e i ai foi le faanoanoa, tuuaia o oe lava, ma loimata oona o le salamo. …

“… O le iloaina o lona sese, salamo i ona vaivaiga, na toe liliu ai [Peteru] ma avea ma leo maoae i le tuuina atu o le molimau e uiga i le Alii toetu. O ia, le aposetolo sinia, na tuuto atu aso o totoe o lona ola e molimau atu ai i le misiona, le maliu, ma le toetu o Iesu Keriso, le Alo soifua o le Atua soifua. …

“… O nei galuega maoae ma le tele o isi e le o ta’ua na faia e Peteru o le na faafitia ma sa faavauvau ai, ona tulai ae lea i luga atu o lena faavauvau e tauave i luma le galuega a le Faaola. …

“O lenei, afai e i ai … se tasi e ala i le upu po o faatinoga ona faafitia le faatuatua, ou te tatalo ia e maua le mafanafana ma se faaiuga mai le faataitaiga a Peteru o le, e ui ina sa savavali i aso taitasi ma Iesu, ae i se itula ogaoga na faafitia ai le Alii ma le molimau lea sa ia tauaveina i lona loto. Ae na ia tulai ae i luga atu o lena mea, ma avea o se tagata maoae e puipuia ma o se fautua ua sili atu ona mamana. E faapena foi, e i ai se ala mo oe e toe liliu mai ai, ma faaopoopo lou malosi ma le faatuatua i le malosi ma le faatuatua o isi i le fauina o le malo o le Atua” (“Ona Alu ai lea o Peteru i Fafo, Ua Tagi Lotulotu Ia,” Ensign, May 1979, 65–67).