Na taialaina e le Agaga Paia Paulo ma ana soa e folafola atu le talalelei ia Maketonia (Eleni i matu). Na maua e se fafine e igoa ia Litia se feau ma sa papatisoina. Ina ua uma ona tuliese e Paulo se agaga leaga mai se auauna fafine, sa sasaina i laua ma Sila ma faafalepuipuiina. O lena po sa faasaolotoina ai faavavega i laua mai le falepuipui, lea na la papatisoina ai le leoleo o le falepuipui ma lona aiga.
Ua folafola atu e Paulo ma ana soa le talalelei i Maketonia
Tusi i luga o le laupapa le saunoaga a Peresitene Thomas S. Monson. (O lenei saunoaga o loo maua i le “O Le Sapati e Aumaia ai le Ola,” Ensign, Me 1997, 5.)
“Aua lava nei tolopoina se uunaiga” (Peresitene Thomas S. Monson).
O se uunaigae faasino i lagona po o musumusuga tatou te maua mai le Agaga Paia e tau atu pe fai ai se mea. Mata o le a le mea e tupu pe a tolopo e se tasi le gauai atu i se uunaiga?
Valaaulia le vasega e vaavaai mo se mataupu faavae a o latou suesue i le Galuega 16lea e mafai ona fesoasoani e faalautele atili ai lo latou malamalama i le taua o le gauai atu i uunaiga a le Agaga Paia.
Aotele le Galuega 16:1–5i le faamatala atu e faapea o Paulo, Sila, ma se tagata o Nuuese na liliu mai o Timoteo, sa latou malaga i lala eseese o le Ekalesia e faasilasila atu i ai ia faaiuga na faia e taitai o le Ekalesia o le a aafia ai le Ekalesia atoa ma faamalolosia ai tagata o le Ekalesia i le faatuatua.
Valaaulia se tamaitiiti aoga e faitau leotele le Galuega 16:6–10. Fai i le vasega e mulimuli ai ma vaavaai pe na faapefea e Paulo ma ana soa (atonu e aofia ai ma Luka) ona iloa le mea e o i ai a o latou faimalaga.
Na faapefea ona iloa e Paulo ma ana soa le mea e le tatau ona o i ai? Na faapefea ona latou iloa le mea e o i ai?
O le a le mea na vaai i ai Paulo i se faaaliga?
Na faapefea ona tali atu Paulo ma ana soa i le faaaliga ia Paulo?
Aotele le Galuega 16:11–13 i le faamatala atu e faapea na malaga Paulo mo le tele o aso seia latou tau atu i Filipi, o se aai i Maketonia. (Atonu e te manao e valaaulia le vasega e sue i Faafanua o le Tusi Paia nu. 13, “O Le Malaga Faafaifeautalai a le Aposetolo o Paulo,” ma sue ia Filipi.) I le aso Sapati, sa latou tuua le aai e tatalo i autafa o se auvai o le vaitafe ma sa amata ona talanoa atu i fafine sa potopoto ai iina.
Valaaulia se tamaitiiti aoga e faitau leotele le Galuega 16:14–15. Fai i le vasega e mulimuli ai, ma vaavaai pe na faapefea e se fafine e igoa ia Litia ona tali atu i aoaoga a Paulo. (Atonu e te manao e faamatala o le fasifuaitau “o se faatau lanu viole ” [fuaiupu 14] e faasino i le mea moni e faatau atu e Litia le lanu viole, lea e ese le taugata, ma atonu ua tau mai ai o Litia o se fafine e maumea ma i ai le faatosinaga.)
Na faapefea ona tali atu Litia i aoaoga a Paulo? (Atonu e moomia ona e faamatala atu o le naunauo lona uiga o le gauai atu pe usitai atu i ai.)
O a fasifuaitau i leGaluega 16:14ua tau mai ai o Litia ua saunia e talia le talalelei?
O le a se mataupu faavae e mafai ona tatou aoao mai i le aafiaga o Paulo e uiga i le mea e mafai ona tupu pe a tatou mulimuli i faaaliga? (E ono faaaoga e le vasega ni upu eseese ae ia mautinoa ua latou malamalama a o tatou mulimuli i faaaliga mai le Atua, e mafai ona taialaina i tatou e i latou ua uma ona talia le talalelei. Tusi le mataupu faavae lenei i luga o le laupapa.)
Tau i ai o le mulimuli i faaaliga e mafai ai foi ona tatou fesoasoani i isi ia amata pe faaauau le faagasologa o le saunia e talia le talalelei.
Ina ia fesoasoani i tagata o le vasega ia malamalama i lenei mataupu faavae, fai atu i se tagata o le vasega e faitau leotele le saunoaga lea a Elder Dallin H. Oaks o le Korama a Aposetolo e Toasefululua: Fai i le vasega e faalogologo mo mea e tatau ona tatou faia ina ia taialaina ai i latou o e ua saunia e talia le talalelei.
Ata
Elder Dallin H. Oaks
“E tatau ona tatou tatalo mo le fesoasoani ma le taitaiga a le Alii ina ia mafai ona avea i tatou ma meafaigaluega i ona aao mo ia ua saunia nei —o se tasi o loo Ia finagalo tatou te fesoasoani ai i le taimi nei. O lea, e tatau ai ona tatou mataala e faalogo ma faia musumusuga a lona agaga i le mea e tatau ona tatou faia.
“O na musumusuga o le a oo mai. O loo tatou iloa mai i le tele o molimau patino i Lona lava ala ma i lona lava taimi o le Alii o loo saunia tagata e talia Lana Talalelei. O nei tagata o loo sailiili, ma i le taimi tatou te sailia e faailoa i latou o le a talia e le Alii a latou talosaga e ala i le taliina o a outou talosaga . O le a ia musuia ma taitaia i latou o loo iai le manao ma i latou o loo saili ma le nauanautai i le faapefea, o fea, o afea, ma o ai e faasoa i ai Lana talalelei” (“Faasoa atu le Talalelei,”, Ian. 2002, 8).
E tusa ai ma Elder Oaks, o le a le mea e tatau ona tatou faia ina ia taialaina ai i a i latou o e ua saunia e talia le talalelei?
Fuafua e faasoa atu sou lava aafiaga e tusa ai ma le usitaia o uunaiga a le Agaga ona taitai atu ai oe i se tasi ua saunia e talia le talalelei pe tusa ai ma se isi tagata na usitai i uunaiga a le Agaga na taitai atu ai o ia e maua oe ina ua e saunia e talia le talalelei. Fai ini nai tagata e faasoa mai so latou aafiaga po o se aafiaga o se tasi latou te iloa lea na taialaina ai o ia po o se tasi ua saunia e talia le talalelelei.
Valaaulia le vasega e mafaufau pe faapefea, o fea, o afea, ma pe o ai e mafai ona latou faasoa i ai le talalelei. Fautuaina i latou e tusi i lalo soo se uunaiga latou te maua ma ia tatalo pea mo le taitaiga.
Ua faafalepuipuiina Paulo ma Sila ona faasaolotoina ai lea
Valaaulia ni nai tamaiti aoga e feauauai i le faitauina leotele mai o le Galuega 16:16–19. Fai i le vasega e mulimuli ai, ma vaavaai mo mea na faia e Paulo ina ua la fetaiai ma se “teine” (fuaiupu 16), po o se auauna teine, o le sa uluitinoina e se agaga leaga. Atonu e te manao e faamatala e faapea o le valoagao le ala e muai faamatala atu ai pe taumafai ai e muai tau atu le lumanai e faaaoga ai auala e le faavaea.
O le a le mea na iu ina faia e Paulo i le agaga leaga sa ulu i le teine?
O le a le faafitauli na oo i ai alii o lea teine i le aai ina ua uma ona tuli ese e Paulo le agaga mai le teine?
Aotele le Galuega 16:20–24 i le faamatala atu e faapea o alii na le toe mauaina se faasiliga mai le teine, na latou ave ia Paulo ma Sila i luma o “faamasino” (fuaiupu 20), po o taitai o le lotoifale, ma fai mai ua aoao atu e Paulo ma Sila ia tagata e le tatau ona mulimuli i le tulafono a Roma. I le poloaiga a faamasino na sasaina ai ia Paulo ma Sila ma faafalepuipuiina, ma sa saisai o laua vae ina ia le mafai ona la savavali.
Ina ia fesoasoani ia malamalama le vasega i le anotusi o le Galuega 16:25–36, vaevae le vasega i ni paga ma tuu atu ia tofu le paga ma se fasipepa. Kopi le siata lea i lelaupapama valaaulia paga taitasi e kopi le siata i luga o a latou pepa.
Valaaulia paga taitasi e faitau leotele ia fuaiupu o i le siata ona feauauai lea e tusi ni ata faigofie e suitulaga i fuaiupu taitasi e ono (e mafai ona tusi e se tagata e toatasi i le paga ia ata e faatusa i fuaiupu e tolu, a o le isi i le paga e mafai ona tusia ni ata e faatusa i le isi vaega e tolu o fuaiupu). A uma ua lava se taimi, valaaulia le vasega e faaali ma faamatala faapuupuu a latou ata i se isi paga pe o le vasega atoa foi.
Ina ia fesoasoani e faateleina le malamalama o tamaiti aoga i leGaluega 16:25–36, fai ia fesili nei:
Na faapefea ona tali e Paulo ma Sila le fesili a le leoleo o le falepuipui pe mafai faapefea ona faasaoina o ia?
O le a le mea na faia e le leoleo o le falepupui e faaalia ai lona talitonuga ia Iesu Keriso?
O le a le mataupu faavae e mafai ona tatou aoao mai i le Galuega 16:31–33e uiga i le mea e tatau ona tatou faia ina ia maua ai le faaolataga? (E ono faaaoga e le vasega ni upu eseese, ae ia mautinoa latou te faailoa maia le upumoni lenei: O le faaolataga e manaomia ai le talitonu ia Iesu Keriso, ma e tatou te faaalia lo tatou talitonu ia te Ia e ala i le papatisoina.
Faamatala o le faaolataga o lona uiga “o le faasaoina mai le oti faaletino ma le faaleagaga” (tagai Taiala i Tusitusiga Paia, “Faaolataga,” scriptures.lds.org).
E faaalia faapefea i le papatisoina lo tatou faatuatua ia Iesu Keriso?
E le gata ina papatisoina, o a isi auala e mafai ona faaalia ai lo tatou talitonuga ia Iesu Keriso?
Aotele le Galuega 16:35–40i le faamatala atu e faapea na auina atu e faamasino le feau i le leoleo o le falepuipui e tuu atu ia Paulo ma Sila e o. Sa musu Paulo e alu aua sa ia iloaina ana aia tatau o se tagatanuu o Roma ma sa ia iloaina sa lei amiotonu lo latou faiga o ia. Sa le tusa ai ma le tulafono le sasaina o se tagatanuu o Roma e aunoa ma le faia muamua o se faamasinoga. Ina ua iloa e faamasino o Paulo ma Sila o ni tagata Roma, sa fefefe i latou aua sa latou iloaina afai e iloa e o latou taitai lo latou faia faapea o se tagatanuu o Roma e pei ona sa latou faia ai, e mafai ona faasalaina i latou, e oo lava i le oti. Na o mai faamasino i le falepuipui ma tatala ia Paulo ma Sila, ma poloaiina i laua e o ese mai le aai.
Faaiu i le molimau atu i upumoni na aoaoina i le Galuega 16.
Ata
aikona o mau tauloto
Faamanatuina o Mau Tauloto
Faaaoga lesiatao loo avatu i i, e toe iloilo ai fuaitau o mau tauloto na suesue e le vasega i lenei tausaga. Faitau leotele le fesili po o le popolega i le koluma i le itu tauagavale o le siata ma valaaulia le vasega e sue mai le fuaitau o le mau tauloto lea e maua ai se tali (o loo tuu atu i le koluma taumatau o le siata ia tali). Atonu e te manao e faitau leotele ia fesili po o popolega i soo se faasologa. A uma ona maua e tagata se mau, fesili pe mafai faapefea e lena mau ona fesoasoani i se tasi o i ai lena popolega.
Ou te fefe e ola i mea ua ou talitonu i ai. Ou te popole i manatu o isi ia te au.
Ou te iloa o le avea ai ma se e umia le perisitua, ua ia te au le tiute e faamisiona i soo se mea e tofia ai au e le Alii, ae ou te popole i lou mamao ese mai i tagata uma ou te iloa ma o le a tuuatoatasi.
Fai mai nisi tagata e le afaina pe ou te filifili e mulimuli ia Iesu Keriso po o se isi tagata. Pau lava le mea ia avea au o se tagata lelei, ona ou alu lea i le lagi.
Galuega 16:1–3. Aisea na peritomeina ai e Paulo ia Timoteo e ui lava ua le o toe manaomia?
“E ui ina sa le manaomia e tagata o Nuuese e liliu mai ona peritomeina … , ae sa peritomeina e Paulo ia Timoteo a o lei galulue faatasi i laua o ni faifeautalai ‘ona o tagata Iutaia na i ai i ia nuu’ (Galuega 16:3). Ina ua uma ona peritomeina, [i le vaitaimi lea o le suiga] sa mafai ai e Timoteo ona galue lelei i tagata Iutaia, o e na manatu o se faifeautalai e lei peritomeina e le faaaloalo i le Atua o Isaraelu ma Ana tulafono. … Mo le manuia o le talalelei, e i ai taimi e fetuunai ai e Paulo lava ia lana amio ina ia tau atu i Iutaia ma Nuuese (tagai Galuega 21:20–26; 1 Korinito 9:20–22). Na ia aoao atu foi i tagata o Nuuese ua liliu mai ina ia taofia ma le naunautai soo se amioga e ono vaaia o se faatausuai i tagata Iutaia, tusa lava pe e lei faasaina e se poloaiga (tagai Roma 14:13–15; 1 Korinito 8:9–13)” (Tusi lesona a le Tagata Aoga o le Feagaiga Fou [Church Educational System manual, 2014], 312).
Galuega 16:16–18. Aisea na avea ai le molimau a le auauna teine o le sa uluitino e se agaga leaga o se faafitauli?
Na faamalamalama mai e Elder Bruce R. McConkie o le Korama a Aposetolo e Toasefululua:
“O le molimau a le teineitiiti na taitaia e le tiapolo e moni. O Paulo ma Sila o perofeta; sa ia te i la’ua upu o le faaolataga. Peitai o le molimau moni mai auauna a Satani e le taitai atu ai i le faaolataga. O le mea moni o loo faapea mai le teineitiiti: ‘O outou ma talitonu ia Paulo ma Sila, ma lena Iesu o loo laua talaiina. Ou te ioe o i laua ma lo laua Alii e o le Atua ma talu ai ua tatou tutufaatasi i lena talitonuga, o lea ua mafai ai foi ona outou mulimuli mai ia te au ma fiafia ai i fua o au valoaga.’ Ma e fia isi tagata faapitoa o talitonuga pepelo faalelotu o e tapuai atu ia Iesu ma ana mataupu i laugutu ina ia atili saunia tagata e mulimuli atu ia i latou ma a latou faailoga faapitoa o mana ‘faaola.’ Sa mo le mafuaaga tonu lava na aofia ai le faasaina e Iesu lava Ia o temoni na ia tutulieseina ona latou molimau atu o ia o le Alo o le Atua. (Luka 4:41.)” (Doctrinal New Testament Commentary, 3 vols. [1965–73], 2:149).