Sa faamalo atu Paulo ia Filemoni mo lona faatuatua ma lona alofa i le Faaola ma uso o le Ekalesia. Sa fautuaina e Paulo ia Filemoni e toe talia lana pologa na sola o Onesemo o se uso i le talalelei.
Ua fautuaina e paulo ia Filemoni e toe talia lana pologa na sola o Onesemo o se uso i le talalelei
Fai i le vasega e vaai faalemafaufau i talavou i a latou uarota po o paranesi. Tau i ai i le avea ai ma tagata o le Ekalesia ua tatou maua le avanoa e fegalegaleai vavalalata ai ma tagata e ese mai ia i tatou.
E eseese faapefea le autalavou i lau uarota po le paranesi? (Faamanatu i tagata e tautala ma le faaalaoalo le tasi i le isi.)
Tau i ai i le avea ai o ni tagata o le Ekalesia, e tele foi ina tatou fetaiai ma tagata fou. Fai i le vasega e mafaufau faapea ua sau se tagata fou i la latou uarota po o le paranesi.
O a luitau faaagafesootai e ono feagai ma se tagata pe a auai i le Ekalesia pe sii mai i se uarota po o se paranesi fou? (Afai ua auai soo se tagata aoga i le Ekalesia pe sii atu i se uarota po o se paranesi fou i tausaga talu ai, valaaulia i latou e faamatala mai soo se luitau faaagafesootai sa latou feagai.)
Fai atu i tagata aoga e mafaufau loloto i le fesili lenei:
E faapefea ona e taulimaina tagata o le ekalesia e ese amioga, ese mea e fiafia i ai, pe ese ni vaega faaagafesootai e auai mai lo outou?
E faapefea ona e taulimaina tagata fou o lau uarota po o le paranesi?
Valaaulia tagata e vaavaai mo se upumoni a o latou suesueina le Tusi a Paulo ia Filemoni lea e mafai ona taialaina ai i latou i a latou fegalegaleaiga ma tagata o le Ekalesia.
Faamatala sa i ai Paulo i le falepuipui ina ua ia tusi atu ia Filemoni, o le atonu o se tagata Eleni na liliu mai i le Ekalesia. Aotele le Filemoni 1:1–3 i le faamatala atu faapea na amata e Paulo lana tusi i le faafeiloai atu ia Filemoni ma isi, e aofia ai le faapotopotoga sa potopoto i le fale o Filemoni.
Valaaulia se tamaitiiti aoga e faitau leotele le Filemoni 1:4–7. Fai i le vasega e mulimulitai, ma vaavaai pe aisea na viia ai e Paulo ia Filemoni. Faamatala i le matalalaga lenei o le upu fesootaiga e faasino i le auai ma le faaaumea (tagai fuaiupu 6, vaefaamatalaga a) ma le fasifuaitau “galue lava” o lona uiga o le malosi po o le aoga (tagai fuaiupu 6, vaefaamatalaga e).
Aisea na viia ai e Paulo ia Filemoni? (Ona o le faatuatua o Filemoni ma lona alofa i le Faaola ma ona uso a tagata o le Ekalesia. Atonu e manaomia ona e faamatala atu ina ua fai mai Paulo “ina ua faamafanafanaina le Au Paia ona o oe ” [fuaiupu 7], o lona uiga o lana tala ua toe faaolaola o latou loto e Filemoni.)
Valaaulia se tagata e faitau leotele le faamatalaga lea e uiga i le tulaga sa talanoaina e Paulo i le tusi lenei:
Sa i ai se auauna a Filemoni, po o se pologa, e igoa ia Onesemo sa sola ese ma atonu na ia gaoia se mea mai ia Filemoni (tagai Filemoni 1:18). Sa lei vaai atu i le faapologaina o se mea leaga i le aganuu Kerisiano faa-Iutaia i le Feagaiga Fou ma sa lagolagoina e le tulafono a Roma. O faasalaga mo pologa e sosola e aofia ai le matuai sasaina, faailoga i le muaulu, pe fasiotia foi. Ina ua uma ona sola ese, sa fetaiai Onesemo ma le Aposetolo o Paulo.
Valaaulia se tamaitiiti aoga e faitau leotele le Filemoni 1:8–12 Fai i le vasega e mulimuli ai, ma vaavaai mo mea na ole atu ai Paulo, pe talosagaina ia Filemoni e fai. Afai e manaomia, faamatala i le fuaiupu 8 o le upu noanoatia o lona uiga o le poloaiina a ma le tatau o lona uiga o le talafeagai lelei.
O le a le mea na fai atu Paulo ia Filemoni e fai?
Pe ana fai sa e i ai i le tulaga o Filemoni, mata o le a lou mafaufau po o se lagona ina ua e maua le talosaga a Paulo?
Faasino i ai le fasifuaitau “o le na fanaua e au, a e noanoatia au” fuaiupu 10. Faamatala o se tasi uiga o le veape fanaua o le avatu o le ola i se tasi.
O le a sou manatu o le a le uiga o le tala a Paulo i lenei fasifuaitau? (a o i ai Paulo i le falepuipui, sa fesoasoani o ia ia Onesemo e amata se olaga fou o se soo o Iesu Keriso.)
Aotele le Filemoni 1:13–14 i le faamatala atu faapea na manao Paulo e tuu Onesemo ia te ia ina ia mafai ai ona fesoasoani Onesemo ia te ia, ae sa lei manao Paulo e faia e aunoa ma le maliega o Filemoni.
Valaaulia se tamaitiiti aoga e faitau leotele le Filemoni 1:15–16. Fai i le vasega e mulimuli ai, ma vaavaai pe na faapefea ona fautuaina e Paulo ia Filemoni e iloilo lona sootaga ma le Onesemo ua faatoa liua mai.
E tusa ai ma le fuaiupu 16, na faapefea ona iloilo e Filemoni ia Onesemo?
Aisea na faigata ai ia Filemoni ona vaai atu ia Onesemo o se “uso pele”? (O tali e mafai ona i ai e aofia ai e eseese ituaiga faaleagafesootai ma le tamaoaiga e o mai ai i laua, ma o Onesemo atonu sa faia se mea sese ia Filemoni e tusa ai ma agaifanua o na taimi.)
O le a se upumoni e mafai ona tatou aoao mai le fuaiupu 16 e uiga i a tatou sootaga o le tasi ma le isi ona o le talalelei? (Fesoasoani i le vasega e faailoa mai se upumoni e pei o lenei: O i tatou o uso ma tuafafine i le talalelei. Tusi lenei upumoni i luga o le laupapa.)
O le a le mea ua avea ai i tatou o uso ma tuafafine i le talalelei?
Afai e tatau ai, faamatala o i tatou uma o fanau agaga a le Tama Faalelagi (tagai Eperu 12:9 ma o lea o i tatou uma o uso ma tuafafine. E le gata i lea, e ala mai i sauniga o le papatisoga ma le faamauga, o le faifai pea o le faatinoina o le faatuatua ia Iesu Keriso, usiusitai, ma le salamo e le aunoa, ua toefanauina ai i tatou faaleagaga. O lea auala ua avea ai i tatou o atalii ma afafine o Iesu Keriso (tagai Mosaea 5:7 ma o lea ua avea ai ma uso ma tuafafine i Lona aiga o le feagaiga. E le afaina po o le a lo tatou itupa, matua, talaaga, po o tulaga faaleagafesootai, e tutusa i tatou i le malo o le Atua.
Valaaulia se tamaitiiti aoga e faitau leotele le saunoaga lenei mai ia Peresitene Spencer W. Kimball. Fai i le vasega e faalogologo pe mafai faapefea e le upumoni na latou faatoa faailoa maia ona tosina ai le ala tatou te taulima ai e le tasi le isi, aemaise o tagata fou o le Ekalesia.
Ata
Peresitene Spencer W. Kimball
“E faagaeetia lava au i taimi uma lava ou te faitau ai le tusi e Paulo ia Filemoni; e aoao mai ai se aoaoga faavae ma se agaga e uiga i le talalelei faauso. …
“o se musumusuga ma se olioliosaga le vaai atu i lena lava agaga e tasi o loo galue i le ekalesia atoa, e vaai atu i le fusifusi o le aupaia ma fesoasoani ma auauna atu ma tatalo mo i latou o loo o atu i le malo o le Alii i aso uma. Faaauau pea ona aapa atu isi—ma le tele o isi o le a ulufale atu i le Ekalesia. Faafeiloai i latou ma alofa ma faaaumea iai.
“Faanoanoa lava, o loo tele ni taimi o loo tutupu ai ni vaega o loo iai isi e leo faia, o nisi taimi o loo teena i latou ua talia e le Alii e ala i le papatisoga . Afai e le ma le Alii e valaau i latou o uso’ (Epe. 2:11), o lea tatou, … ave o tatou uso ma tuafafine i a latou lima ma siitia ae i latou i luga o a tatou faalapotopotoga o le faaaafia ma le alofa ” (“O se Ekalesia liliu mai: O ni lesona e aoao mai ma Faaaoga i lenei tausaga,” Liahona, Iuni. 1976, 4).
E tusa ai ma Peresitene Kimball, e taulima faapefea e uso ma tuafafine i le talalelei le tasi ma le isi?
Faamanatu i le vasega ia fesili sa valaaulia i latou e mafaufau i ai i le amataga i le lesona e tusa ai pe faapefea ona latou taulimaina tagata o le Ekalesia o e ese mai ia i latou pe o e foi e fou ia latou uarota po o le paranesi.
Aisea e te manatu ai e taua le malamalama o i tatou o uso ma tuafafine i le talalelei?
O anafea na e vaai ai i se tasi o taulimaina isi o ni uso ma ni tuafafine i le talalelei?
Ina ia saunia tamaiti aoga e faailoa mai se upumoni faaopoopo o loo faapupula mai i le tusi a Paulo ia Filemoni, fai i ai e mafaufau i se taimi sa faatiga atu ai se tasi pe faia se mea sese ia i latou. Valaaulia se tamaitiiti aoga e faitau leotele le Filemoni 1:17. Fai atu i le vasega e mulimuli i le faitauga, ma vaavaai po o le a le mea na fautua atu Paulo ia Filemoni e fai.
O le a le mea na fautua atu Paulo ia Filemoni e fai?
Faamatala sa ole atu Paulo ia Filemoni e talia Onesemo i le ala e tasi o le a talia ai e Filemoni ia Paulo. I le mulimuli ai i lea faatonuga, o le a le faataunuu ai e Filemoni ia faasalaga matuia e masani ona maua e pologa e sosola.
Pei ona faapupula mai i le faatonuga a Paulo ia Filemoni, o le a le tiutetauave o soo uma o Iesu Keriso mo e faatiga pe faia se mea sese ia i latou? (Fesoasoani i tamaiti aoga e faailoa mai le upumoni lenei: E tuuina atu e soo o Iesu Keriso le alofa mutimutivale ma le loto faamagalo i isi. Tusi lenei upumoni i luga o le laupapa.)
Aisea e mafai i nisi taimi ona faigata ona tuu atu le alofa mutimutivale ma le lotofaamagalo i isi?
Tau i ai o le faailoa atu o le alofa mutimutivale ma le lotofaamagalo i e e sese mai ia i tatou, e le faapea e faatagaina ai i latou e aloese mai taunuuga o a latou mea sa fai, e le faapea foi o le toefuataiina vave o lo tatou faatuatuaga ia i latou. Ae, o lona uiga tatou te faaali atu le mutimuti alofa i isi ma faagalo soo se le fiafia, ita, po o le tiga atonu o tatou teuina. A oo ina talafeagai, e mafai foi ona tatou faatagaina i latou o e sese mai ia i tatou ia toe maua lo tatou faatuatuaga. E ui ina faigata le faamagalo atu o isi, ae e mafai ona tatou tatalo i le Tama Faalelagi mo se fesoasoani, ma o le a Ia fesoasoani mai ia i tatou.
Valaaulia se tamaitiiti aoga e faitau leotele le Filemoni 1:18–21. Fai i le vasega e mulimuli i ai, ma vaavaai mo mea sa ofo atu Paulo e faia mo Onesemo.
O le a le mea na ofo atu Paulo e faia mo Onesemo? (Toe totogi atu ia Filemoni soo se mea tautupe a Filemoni ua leiloa ona o mea na faatino e Onesemo.)
E tutusa faapefea taumafaiga a Paulo mo Onesemo i mea sa faatino e le Faaola mo i tatou? (E pei lava ona faalava Paulo e avea ma sui o Onesemo, sa faapena foi Iesu Keriso mo i tatou ma ole atu mo i tatou i luma o le Tama Faalelagi [tagai MF&F 45:3–5]. Na totogia foi e Iesu Keriso le aitalafu faaleagaga sa tatou nofo aitalafu ai mo a tatou agasala.)
E mafai faapefea e le manatuaina o mea na faia e Iesu Keriso mo i tatou ona fesoasoani e avatu ai le alofa mutimutivale ma le lotofaamagalo i isi?
Vavae le vasega i ni vaega taitoatolu pe toafa (pe faamaea lenei gaoioiga o se vasega pe afai e le lava au tamaiti e vaevae ai i ni vaega). Tuu atu i vaega taitasi se kopi o faatonuga nei e fai matufaaga
Tusi lesona a le Faiaoga Seminare o le Feagaiga Fou
Talanoa ia fesili nei faatasi i lau vaega. I au tali, ia mautinoa aua nei faasoa maia soo se mea e patino tele pe faalilolilo.
O anafea na e manaomia ai, pei o Filemoni, e tuu atu le alofa mutimutivale ma le lotofaamagalo i se isi tagata? Na mafai faapefea ona e avatu le alofa mutimutivale ma le lotofaamagalo i lea tagata? Na faapefea ona faamanuiaina oe mo le faia o lena mea?
O anafea na faamoemoe ai, pei o Onesemo, e maua le alofa mutimutivale ma le lotofaamagalo mai se isi tagata? Na faapefea ona e sailia le alofa mutimutivale ma le lotofaamagalo o lenei tagata? Na faapefea ona faamanuiaina oe mo le faia o lena mea?
O anafea ma avea ai oe, e pei o Paulo, o se puluvaga mo se tasi sa sailia le faamagaloga ma le tagata sa manaomia e tuu atu le faamagaloga ma le alofa mutimutivale? Na mafai faapefea ona e fesoasoani i le tagata na sese ia maua le faamagaloga ma le tagata na faamanualia e faamagalo le tagata na sese?
A uma ona talanoaina e le vasega nei fesili ia latou vaega, valaaulia se tagata mai vaega taitasi e faasoa mai i le vasega lona lava aafiaga i se tasi o nei tulaga po o se aafiaga o se tasi o tagata o a latou vaega (pe a malie i ai le tagata o le vasega). (O seisifaiga o le saunia mo tagata taitasi o se kopi o fesili pe faaali ia fesili i le laupapa ma valaaulia le vasega e tali se tasi o fesili ia latou api o le vasega po o le api talaaga mo le suesueina o tusitusiga paia. A uma ua lava se taimi, valaaulia ni tagata o e naunau e faasoa mai i le vasega mea sa latou tusia.)
Valaaulia tagata aoga e tusi i a latou api o le vasega po o api talaaga mo le suesueina o tusitusiga paia, ni mea e mafai ona latou faia e avatu ai le alofa mutimutivale ma le faamagaloga i isi. Fautuaina le vasega e faaaoga mea sa latou tusia.
I le tusi atu ia Filemoni ina toe talia le pologa sa sola ese o Onesemo, sa lei taua tuusao e Paulo le faatulagaga o pologa, lea sa talia tele i le sosaiete sa latou ola ai. Peitai, sa taua e le Alii i faaaliga i ona po nei e faapea “e le o se mea sao le nofopologa o soo se tagata i se tasi” (MF&F 101:79).
O le talosaga a Paulo faapea ia talia Onesemo e Filemoni “e le o se pologa i le taimi nei” (Filemoni 1:16) atonu o lona uiga sa manao Paulo ia Filemoni e faasaoloto ia Onesemo ona toe auina atu ai lea o ia e fesoasoani ia Paulo i le galuega (tagai fuaiupu 13–14).
O le upu Eleni ua faaliliuina o letotogae faasino i vaega i totonu o le tagata. O se mau faasino faafaatusa i lagona tutotonu o se tagata, lagona alofa, ma le lotofaavauvau. O le upulotoo nisi taimi e faaaoga tutusa ai.
O le igoa Onesemo o lona uiga o le aoga tele po o le “aoga” (fuaiupu 11) (seetagai Arthur A. Rupprecht, “Philemon,” in leThe Expositor’s Bible Commentary, ed. Frank E. Gaebelein, 12 vols. [1976–1992], 11:461). Atonu e “lei aoga” ia Onesemo (fuaiupu 11) ia Filemoni ona sa sola ese Onesemo ma sa le mafai ona faatino ona tiute pe ona atonu sa ia gaoia se mea mai ia Filemoni ina ua sola o ia (tagaifuaiupu 18). Peitai, fai mai Paulo o Onesemo talu lava lena taimi ua “aoga” ia Filemoni ma Paulo (fuaiupu 11). I le tulaga o Paulo, atonu na aoga ia Onesemo aua sa mafai ona ia fesoasoani ia Paulo a o i ai Paulo i le falepuipui (tagai fuaiupu 13).