Faafanua 13
O Malaga Faafaifeautalai a le Aposetolo o Paulo
-
O Kasa Sa talai atu Filipo e uiga ia Keriso ma papasitoina se eunuka Aitiope i lana malaga i Kasa (Galu. 8:26–39).
-
O Ierusalema Tagai i le faafanua 12 mo mea sa tutupu i Ierusalema.
-
O Iopa Sa maua e Peteru se faaaliga vaaia e faatagaina ae e le Atua le salamo i Nuuese (Galu. 10; 11:5–18). Sa toe faatuina e Peteru Tapita mai le oti (Galu. 9:36–42).
-
O Samaria Sa auauna atu Filipo i Samaria (Galu. 8:5–13), mulimuli ane sa aoao atu iinei Peteru ma Ioane (Galu. 8:14–25). Ina ua uma ona latou faaee atu le mea alofa o le Agaga Paia, o Simona le faataulaitu sa saili e faatau lenei mea alofa mai ia te i laua (Galu. 8:9–24).
-
O Kaisareia O iinei, ina ua maeʼa ona auauna se agelu i le taitai o le toaselau ua igoa ia Konelio, sa faatagaina ai e Peteru ona papatisoina o ia (Galu. 10). O iinei sa faia ai e Paulo lana lauga i luma o Akeripa (Galu. 25–26; tagai foi i IS—T 1:24–25).
-
O Tamaseko Na faailoa tino ifo Iesu ia Saulo (Galu. 9:1–7). Ina ua uma ona toe faapupulaina Saulo e Anania, sa papatisoina Saulo ma sa amataina lana talaiga (Galu. 9:10–27).
-
O Anetioka (i Suria) O iinei sa muai taʼua le au soo o Kerisiano (Galu. 11:26). Sa valoia le oge e Akapo (Galu. 11:27–28). O fevaevaeaiga tele sa oo mai i Anetioka e uiga i le peritomeina (Galu. 14:26–28; 15:1–9). O Anetioka sa amataina ai e Paulo lana misiona lona lua faatasi ma Sila, Panapa, ma Iuta Pasapa (Galu. 15:22, 30, 35).
-
O Taso O le nofoaga o Paulo; Sa auina atu Paulo e taitai o le Ekalesia ina ia faasaoina lona ola (Galu. 9:29–30).
-
O Kuperu Ina ua maeʼa ona faasauaina i latou, sa sosola ni isi o le Au Paia i lenei motu (Galu. 11:19). Sa malaga Paulo e ui atu i Kuperu i lana uluai malaga faafaifeautalai (Galu. 13:4–5), e pei ona sa faia mulimuli ane e Panapa ma Mareko (Galu. 15:39).
-
O Pafo Sa fetuuina iinei e Paulo se taulaitu (Galu. 13:6–11).
-
O Teipe Sa talai le tala lelei e Paulo ma Panapa i lenei aai (Galu. 14:6–7, 20–21).
-
O Lusa Ina ua faamaloloina e Paulo le tagata pipili, sa taʼua o i laua ma Panapa o ni atua. Sa fetogi ia Paulo i maa ma sa manatu ua oti o ia ae sa toe faaolaola mai o ia ma faaauau lana talaiga (Galu. 14:6–21). O le nofoaga o Timoteo (Galu. 16:1–3).
-
O Ikonio O lo laua misiona muamua, sa talai atu ai iinei e Paulo ma Panapa ma sa faamataʼuina i laua i le fetogi i maa (Galu. 13:51–14:7).
-
O Laotikaia ma Kolose O Laotikaia o le tasi paranesi pito i toatele o le Ekalesia sa asiasi atu i ai Paulo ma maua mai ai ni tusi (Kolo. 4:16). O se tasi foi o aai e fitu ua lisi i le tusi o Faaaliga (o isi aai o Efeso, Semurana, Perekamo, Tuatira, Sarataisa, ma Filatelefaia; tagai i Faaa. 1:11). E tu Kolose i le 18 kilomita i sasaʼe o Laotikaia. Sa tusitusi atu Paulo i le Au Paia o e sa nonofo iinei.
-
O Anetioka (i Pisitia) O la laua uluai misiona, sa aoao atu ai Paulo ma Panapa i tagata Iutaia na tupu mai Keriso mai le fanauga a Tavita. Sa ofoina atu le tala lelei e Paulo i Isaraelu, ona ofoina atu ai i Nuuese. Sa faasauaina ma faatulaiina ese Paulo ma Panapa (Galu. 13:14–50).
-
O Meleto Ina o iinei i lana misiona lona tolu, sa lapatai atu Paulo i toeaina o le Ekalesia e oo atu “luko saua” i totonu o le lafu mamoe (Galu. 20:29–31).
-
O Patamo Sa faapagotaina Ioane i lenei motu i le taimi na maua ai e ia faaaliga vaaia oloo i totonu o le tusi o Faaaliga (Faaa. 1:9).
-
O Efeso Sa talai atu Apolo ma le mana iinei (Galu. 18:24–28). O Paulo, i ona po o lona misiona lona tolu, sa aoao i Efeso i tausaga e lua, ma faaliliuina mai tagata e toatele (Galu. 19:10, 18). O iinei sa ia faaee atu ai le mea alofa o le Agaga Paia i le faaeeina atu o lima (Galu. 19:1–7) ma sa faia ni vavega e tele, e aofia ai le tulieseina o agaga leaga (Galu. 19:8–21). O iinei sa faanunununu ai e sa tapuai ia Tiana e tetee ia Paulo (Galu. 19:22–41). O le tasi vaega o le tusi o Faaaliga sa tusia i le Ekalesia i Efeso (Faaa. 1:11).
-
Teroa Ina o nofo Paulo iinei i lana malaga faafaifeautalai lona lua, sa ia vaai i se faaaliga vaaia o le tagata i Maketonia ua aioi i le fesoasoani (Galu. 16:9–12). Ina o iinei i lana misiona lona tolu, sa toe faatuina mai e Paulo Eutiko mai le oti (Galu. 20:6–12).
-
O Filipi O Paulo, Sila, ma Timoteo sa faaliliuina mai se fafine e igoa ia Litia, sa tulieseina se agaga leaga, ma sa fasiina i latou (Galu. 16:11–23). Sa latou maua le fesoasoani faaleatua ina ia sosola ese mai le falepuipui (Galu. 16:23–26).
-
O Atenai O Paulo, ina o faamisiona i lana misiona lona lua i Atenai, sa talai i Areopako e uiga i le “atua e le iloa” (Galu. 17:22–34).
-
O Korinito Sa alu Paulo i Korinito i lana misiona lona lua, o lea sa ia nofo ia Akula ma Pisila. Sa ia talai iinei ma sa papatisoina tagata e toatele (Galu. 18:1–18). Sa tusia e Paulo lana tusi i tagata Roma mai Korinito.
-
O Tesalonia Sa talai Paulo iinei i lana malaga faafaifeautalai lona lua. O lana au faifeautalai sa tuua e o i Perea ina ua lamatia e Iutaia lo latou saogalemu (Galu. 17:1–10).
-
O Perea O Paulo, Sila, ma Timoteo sa maua ni agaga amiotonu e aoaoina i le malaga faafaifeautalai lona lua a Paulo. Sa mulimuli atu ia te i latou tagata Iutaia mai Tesalonia e faasauaina ia te i latou (Galu. 17:10–13).
-
O Maketonia Sa aoao Paulo iinei i ana malaga lona lua ma lona tolu (Galu. 16:9–40; 19:21). Sa viia e Paulo le limafoaifua o le Au Paia i Maketonia, o e sa foai atu ia te ia ma le Au Paia matitiva i Ierusalema (Roma 15:26; 2 Kori. 8:1–5; 11:9).
-
O Melita Sa tuʼia le vaa o Paulo i lenei motu i lana malaga i Roma (Galu. 26:32; 27:1, 41–44). Sa le afaina o ia i le u o se gata ma sa faamaloloina ni isi e toatele o e mamaʼi i Melita (Galu. 28:1–9).
-
O Roma Sa talai Paulo iinei i tausaga e lua ina o taofi faapagotaina i totonu o se fale (Galu. 28:16–31). Sa ia tusia foi ni tusi, i tagata Efeso, tagata Filipi, ma tagata Kolose ma Timoteo ma Filemoni ina o faapagotaina i Roma. Sa tusia e Peteru lana uluai tusi mai “Papelonia,” masalo ai lava o Roma, e mulimuli teisi ane mai le faasauaina a le au Kerisiano e Nero i le 64 T.A. E manatu lautele ai sa faamaturoina Peteru ma Paulo iinei.