O le Laueleele Paia i ona po o le Feagaiga Fou

O Turo ma Saitonu Sa faatusatusa e Iesu Koasini ma Petesaita i Turo ma Saitonu (Mata. 11:20–22). Sa ia faamaloloina le tama teine o le fafine Nuuese (Mata. 15:21–28).

O le Mauga o le Liua Sa liua Iesu i luma o Peteru, Iakopo, ma Ioane, ma sa latou maua ki o le malo (Mata. 17:1–13). (E talitonu ni isi o le Mauga o le Liua o le Mauga o Heremoni; o ni isi e talitonu o le Mauga o Liua o le Mauga o Tapora.)

O Kaisareia Filipo Sa molimau atu Peteru o Iesu o le Keriso ma sa folafola atu ia te ia ki o le malo (Mata. 16:13–20). Sa valoia e Iesu lona lava maliu ma toe tu mai (Mata. 16:21–28).

O le Risone o Kalilaia Sa faaalu e Iesu le tele o aso o lona soifua ma auaunaga i Kalilaia (Mata. 4:23–25). O iinei sa ia tuu atu ai le Lauga i le Mauga (Mata. 5–7); faamaloloina se lepela (Mata. 8:1–4); ma filifilia, faauuina, ma aauina atu le au Aposetolo e Toasefululua, sa nao Iuta le Sakara lava sa le o se Kalilaia (Mare. 3:13–19). O Kalilaia sa faaalia atu ai le Keriso toetu i le au Aposetolo (Mata. 28:16–20).

O le Sami o Kalilaia, mulimuli ane sa taʼua o le Sami o Tiperia Sa aoao Iesu mai le vaa o Peteru (Luka 5:1–3) ma sa valaaulia Peteru, Aneterea, Iakopo, ma Ioane ina ia avea i latou ma fai faiva i tagata (Mata. 4:18–22; Luka 5:1–11). Sa ia faamaluluina foi le afa (Luka 8:22–25), aoao atu faataoto mai se vaa (Mata. 13), savali i luga o le fogasami (Mata. 14:22–32), ma faaalia o ia i ona soo ina ua mavae lona Toe Tu Mai (Ioane 21).

O Petesaita O Peteru, Aneterea, ma Filipo sa fanau mai i Petesaita (Ioane 1:44). Sa malaga ese Iesu nao ia, ma le au Aposetolo e lata ane i Petesaita. Sa mulimuli atu ia te ia le motu o tagata, ma sa ia fafagaina tagata e 5,000 (Luka 9:10–17; Ioane 6:1–14). O iinei sa faamaloloina ai e Iesu le tagata tauaso (Mare. 8:22–26).

O Kapanaumi O le nofoaga lenei o Peteru (Mata. 8:5, 14). O Kapanaumi, o lea sa taʼua e Mataio o le “aai lava” a Iesu, sa faamaloloina ai e Iesu le supa (Mata. 9:1–7; Mare. 2:1–12), faamaloloina le auauna o le taitai o le toaselau, faamaloloina le tinā o le ava a Peteru (Mata. 8:5–15), valaaulia Mataio e avea ma se tasi o ana Aposetolo (Mata. 9:9), faapupulaina mata tauaso, tulia ese se temoni (Mata. 9:27–33), faamaloloina le lima gase o se tagata i le aso Sapati (Mata. 12:9–13), tuuina atu le lauga i le areto o le ola (Ioane 6:22–65), ma sa loto ina totogi le taulaga, sa fetalai atu ia Peteru na te aumai le tupe mai le gutu o se iʼa (Mata. 17:24–27).

O Makatala O le nofoaga lenei o Maria le Makatala (Mare. 16:9). Sa maliu atu iinei Iesu ina ua uma ona fafagaina tagata e 4,000 (Mata. 15:32–39), ma sa mananao le au Faresaio ma le au Satukaio na te faaali atu ia te i latou se faailoga mai le lagi (Mata. 16:1–4).

O Kana Sa liua e Iesu le suavai ma uaina (Ioane 2:1–11) ma sa faamaloloina le atalii o le alii sa i Kapanaumi (Ioane 4:46–54). O Kana foi o le nofoaga o Natanielu (Ioane 21:2).

O Nasareta O asiasiga a le agelu ia Maria ma Iosefa sa tutupu i Nasareta (Mata. 1:18–25; Luka 1:26–38; 2:4–5). Ina ua oo ina toe foi mai Aikupito, sa faaalu iinei e Iesu aso o lona itiiti ma le talavou (Mata. 2:19–23; Luka 2:51–52), sa ia folafola atu o ia o le Mesia, ae sa teena o ia e ana lava (Luka 4:14–32).

O Ieriko Sa faapupulaina e Iesu mata o le tagata tauaso (Luka 18:35–43). Sa ia talisua faatasi ma Sakaio, “o le telona sili” (Luka 19:1–10).

O Petapara Sa molimau atu Ioane le Papatiso o ia o “le leo o le alaga i le vao” (Ioane 1:19–28). Sa papatisoina Iesu e Ioane i le Vaitafe o Ioritana ma sa molimau atu o Iesu o le Tamai Mamoe a le Atua (Ioane 1:28–34).

O le Vao o Iutaia Sa talai atu Ioane le Papatiso i lenei vao (Mata. 3:1–4), o iinei sa anapogi ai Iesu i aso e 40 ma sa faaosoosoina o ia (Mata. 4:1–11).

O Emau O le Keriso toetu sa savali i le auala i Emau faatasi ma ona soo e toalua (Luka 24:13–32).

O Petefake Sa aumai e soo e toalua se tamai asini ia Iesu na te amata ai lona ulufalega manumalo i Ierusalema (Mata. 21:1–11).

O Petania O le nofoaga lenei o Maria, Mareta, ma Lasalo (Ioane 11:1). Sa faalogo Maria i afioga a Iesu, ma sa fetalai atu Iesu ia Mareta i le filifilia o le “mea lelei” (Luka 10:38–42); sa toe faatuina mai Lasalo e Iesu mai le oti (Ioane 11:1–44); ma sa mulumuluina e Maria vae o Iesu (Mata. 26:6–13; Ioane 12:1–8).

O Peteleema Sa fanau Iesu ma sa faataoto ia te ia i le fale povi (Luka 2:1–7); sa folafola atu e agelu i leoleo mamoe le fanau mai o Iesu (Luka 2:8–20); sa taitaiina le au makoi e se fetu ia Iesu (Mata. 2:1–12); sa fasiotia foi e Herota tamaiti (Mata. 2:16–18).