Երեց Խուան Ա. Ուսեդա
Յոթանասունից
Երբ Երեց Խուան Ալբերտո Ուսեդա Անդրադեն սկսեց ժամադրվել Մարիա Իզաբելլա Բենդեզուին, ում հետ հետագայում ամուսնացավ, գիտեր, որ նա յուրահատուկ անձնավորություն է: Նրանք երկուսն էլ դարձի էին եկել Եկեղեցում երիտասարդ տարիքում, և երկուսն էլ միսիա էին ծառայել իրենց հայրենիքում` Պերուում:
Սակայն տաճարում ամուսնանալու Քույր Ուսեդայի համոզվածությունն էր, որ տարբերություն բերեց: Այդ ժամանակ մոտակա տաճարը Սան Պաոլոյում էր, Բրազիլիա: «Յոթ օր տևեց մինչև մենք հասանք այնտեղ` օգտագործելով տրանսպորտային բոլոր հնարավոր միջոցները,- պատմում է Երեց Ուսեդան: - Մենք ճամփորդեցինք ավտոբուստով, մեքենայով, նավակով, ձիով և կառքով, գնացքով, բեռնատարով և նույնիսկ օդանավով: Երբ հասանք տաճար, մենք ձեռքով դիպչեցինք պատերին, որպեսզի համոզվեինք, որ դա երազ չէ: Դա կարևոր փորձառություն էր երկուսիս համար»:
Զույգն ամուսնացավ 1979թ. ապրիլի 13-ին Սան Պաոլո Բրազիալիա Տաճարում: Նրանք հինգ զավակների ծնողներ են:
Երեց Ուսեդան ծնվել է 1953թ. հուլիսին Լիմայում, Պերու, Խուան Խոսե Ուսեդա Պերեզի և Ինես Անդրադե Ուսեդայի ընտանիքում: 1972թ. Եկեղեցուն միանալուց հետո Երեց Ուսեդան սովորել է Լիմայի Խոսե Կառլոս Մարիատեգուի ինստիտուտի հաշվապահություն և հանրային կապեր բաժնում: Նա նաև բիզնես կառավարում է ուսանել Սենտրո Անդինո դե Գ.Ի. Ինստիտուտում և բակալավրի կոչում է ստացել հանրային կապեր մասնագիտությամբ Սան Լուիս Գոնզադա Համալսարանում:
Երեց Ուսեդան աշխատել է Եկեղեցու Կրթական Համակարգում որպես Պերուի և Բոլիվիայի տարածքային տնօրեն: 2003թ. նա տեղափոխվեց Պերուից Նյու Ջերսի, ԱՄՆ, որպեսզի օգներ իր հորը հիմնելու կրթական և լեզվի ուսուցման բիզնես:
Իր միսիոներական ծառայությունից բացի, Երեց Ուսեդան ծառայել է որպես բարձրագույն խորհրդական, եպիսկոպոս, ցցի նախագահ, Լիմա Պերու Հյուսիսային Միսիայի նախագահ և Տարածքային Յոթանասունական: Այժմ նա ծառայում է Յոթանասունի Առաջին Քվորումում:
«Ես ամուր վկայություն ունեմ Սուրբ Հոգուց անձնական հայտնություն ստանալու զորության մասին, - ասում է Երեց Ուսեդան:- Այդ վկայությունը շարունակ հաստատվում է հնազանդության շնորհիվ ստացվող օրհնություններով»: