Jekjōn 7
Revelesōn leļo̧k n̄an Josep Smith Rikanaan eo im Oliver Cowdery, ilo Harmony, Pennsylvania, Eprōļ 1829, ke rekar kajjitōk kōn Urim im Tumim eo eļan̄n̄e Jon, rikaļoor eo ejitōnbōro, kar pād wōt ilo kanniōk ak n̄e ekar mej. Revelesōn in ej ukok eo an ļo̧o̧k eo kōm̧m̧ane ioon kein jeje kōm̧m̧an jān kilin kidu jān Jon im eaar make ņooje.
1–3, Jon eo Ejitōnbōro enaaj mour m̧ae iien Irooj ej itok; 4–8, Piter, Jemes, im Jon rej kabwijer ki ko an gospel in.
1 Im Irooj Eaar ba n̄an eō: aJon, aō jitōnbōro, ta eo kwōj bkōņaan? Bwe eļan̄n̄e kwo naaj kajjitōk ta eo kwōj kōņaan, enaaj lewōj n̄an eok.
2 Im iaar ba n̄an E: Irooj, letok n̄an eō kajoor ioon amej, bwe in maron̄ mour im bōktok armej n̄an Eok.
3 Im Irooj Eaar ba n̄an eō: Em̧ool, em̧ool, Ij ba n̄an eok, kōnke kwōj kōņaan men in bwe kwōn apād m̧ae Aō itok ilo Aō bwōj, im naaj ckanaan im̧aan laļ ko, bwij ko, lo ko im armej raņ.
4 Im kōn un in Irooj Eaar ba n̄an Piter: Eļan̄n̄e Iaar kōtļo̧k bwe en pād wōt m̧ae Aō ro̧o̧ltok, ta men in n̄an eok? Bwe eaar kōņaan jān Eō bwe en maron̄ bōktok armej n̄an Eō, ak kwaar kōņaan bwe kwōn m̧ōkaj tok n̄an Ippa ilo aaelōn̄ eo Aō.
5 Ij ba n̄an eok, Piter, kōņaan in eaar em̧m̧an; ak Aō jitōnbōro eaar kōņaan bwe en maron̄ kōm̧m̧an eļapļo̧k, ak juon jerbal eo ekanooj ļap ejjan̄in waļo̧k ilubwiljin armej jān ta eo em̧ōj ak kar kōm̧m̧ane.
6 Aaet, eaar bōk ioon jerbal eo eļapļo̧k; kōn menin Inaaj kōm̧m̧an bwe e en āinwōt kijeek eurur im aenjeļ eo rijipan̄; e naaj jerbal n̄an ro renaaj brijolōt mour indeeo rej jokwe ioon claļ.
7 Im Inaaj kōm̧m̧an bwe kwōn jerbal n̄an e im n̄an jeiūm̧ im jatūm Jemes; im n̄an kom̧ijel I naaj lewōj kajoor in im aki kein an jerbal in m̧ae Aō itok.
8 Em̧ool Ij ba n̄an kom̧iro, kom̧iro naaj jim̧or bōk ekkar n̄an kōņaan ko amiro, bwe kom̧iro jim̧or am̧ōņōņō ilo men eo kom̧iro ar kōņaan.