Jekjōn 65
Revelesōn kōn jar letok kōn Josep Smith Rikanaan eo, ilo Hiram, Ohio, Oktoba 30, 1831.
1–2, Ki ko an aelōn̄ in Anij em̧ōj liļo̧k n̄an armej ioon laļ, im jibadbad eo an gospel enaaj anjo̧; 3–6, Aelōn̄ in lan̄ eo ilo meļļenium enaaj itok im kobatok ippān aelōn̄ in Anij ioon laļ.
1 Eo̧ron̄, im lo, juon ainikien āinwōt an juon kar jilkinlaļtak jān ijo eutiej, eo emaron̄ im kajoor, eo an wōnm̧aanļo̧k ej n̄an jem̧ļo̧k ko an laļ, aaet, eo ainikien ej n̄an armej raņ—Kom̧in akōpooj iaļ eo an Irooj, kōm̧m̧an iaļ ko an bwe ren jim̧we.
2 aKi ko an baelōn̄ in Anij em̧ōj liļo̧k n̄an armej ioon laļ, im jān ijin gospel eo enaaj jabwilbwil m̧aanļo̧k n̄an jem̧ļo̧k ko an laļ, āinwōt cdekā eo m̧wijiti jān toļ ko kōn ejjeļo̧k pā ko enaaj jabwilbwil m̧aanļo̧k, m̧ae an naaj dkobrak aolepān laļ.
3 Aaet, juon ainikien ej kūr—Kom̧in kōpooj iaļ eo an Irooj, kom̧in kōpooj akōjota eo an Lamb eo, kōm̧m̧an bwe en dedeļo̧k n̄an bĻeo Pālele.
4 Jar n̄an Irooj, kūr ioon āt eo Etan ekwōjarjar, kabun̄bun̄ļo̧k jerbal ko An rem̧m̧an ilubwiljin armej raņ.
5 Kūr ioon Irooj, bwe aelōn̄ eo An en maron̄ wōnm̧aanļo̧k ioon laļ, bwe ro rej pād ie ren maron̄ bōk e, im pojak n̄an raan ko rej itok, ko me ilo er eo Nejin Armej enaaj awanlaļtak ilo lan̄, bkōpālpel ilo meram in caiboojoj eo An, n̄an ioon daelōn̄ eo an Anij eo em̧ōj kar kajutake ioon laļ.
6 Kōn menin, aaelōn̄ eo an Anij en wōnm̧aanļo̧k, bwe baelōn̄ in lan̄ en maron̄ itok, bwe Kwe, O Anij, kwōn maron̄ aiboojoj ilo lan̄ barāinwōt ioon laļ, bwe rikōjdat ro Am̧ kwōn anjo̧ ioer; bwe cAm̧ ej utiej, kajoor im aiboojoj eo, indeeo im indeeo. Amen.