1 Ma ugbua mụ, Jekọb, na-agwa unu ọzọ, ụmụnne m nwoke ndị m hụrụ n’anya, gbasara ^angalaba ezi-omume a nke m kwuworo okwu maka ya.

2 N’ihi na lee, ^ankwa nile ndị anyị nwetaworo bụ nkwa e kwere anyị dịka n’anụ arụ; ya mere, dịka e gosịworo m ya na ọtụtụ ụmụ anyị ga-ala-n’iyi n’anụ arụ n’ihi ekweghị ekwe, otu o sila dị, Chineke ga-emere ọtụtụ ebere; ma a ga-ewetaghachi ụmụ anyị, nke ga-eme ka ha nweta ihe ahụ nke ga-enye ha ezi ọmụma nke Onye-mgbapụta ha.

3 Ya mere, dịka m gwara unu, ọ ga-adịrịrị mkpa na Kraịst—n’ihi na n’abalị nke ikpe-azụ ^amụọ-ozi ahụ gwara m okwu na nke a ga-abụ aha ya—^bga-abịa n’etiti ndị Juu, n’etiti akụkụ ụwa ndị kara bụrụ ndị ọjọọ; ma ha ^cga-akpọgide ya n’obe—n’ihi na otu a ka ọ masịworo Chineke anyị na ọ ga-adị, ma ọdịghị mba ọzọ n’ụwa ^dga-akpọgide ^eChineke ha n’obe.

4 N’ihi na ọbụrụ na oke ^aọrụ-ebube nile ahụ ga-eme n’etiti mba ndị ọzọ ha ga-echegharị, ma mata na ọ bụ Chineke ha.

5 Ma na n’ihi ^anchụ-aja aghụghọ nile na ajọọ-omume nile, ha bụ ndị nọ na Jerusalem ga-akpọ ekwe ha nkụ megide ya, ka a kpọgide ya n’obe.

6 Ya mere, n’ihi ajọọ-omume ha nile, mbibi nile, ụnwụ nile, ajọọ ọrịa nile, na nkwafu-ọbara ga-abịakwasị ha; ma ndị nke a na-agaghị ebibi ka a ^aga-ekposasị n’etiti mba nile.

7 Mana lee, otu a ka ^aOnye-nwe Chineke kwuru: ^bMgbe ụbọchị ruru na ha ga-ekwere na m, na m bụ Kraịst, mgbe ahụ ka mụ na nna ha gbaworo-ndụ na aga-akpọtaghachi ha n’anụ arụ, n’elu ụwa, laghachị n’ala nile nke nketa ha.

8 Ma ọ ga-eru na-aga ^aachịkọbata ha site n’ogologo mkposasị ha, site na ^bala nile mmiri gbara gburu-gburu nke osimiri, ma site n’akụkụ anọ nke ụwa, ma mba nile nke ndị Jentaịlụ ga-adị ukwuu n’anya nke m, otu a ka Chineke kwuru, ^cn’ibụga ha ruo n’ala nile nke nketa ha.

9 ^aE, ndị eze ndị Jentaịlụ nile ga-abụ ndị nna-na-azụ ụmụ nye ha, ma ndị eze-nwanyị ha nile ga-abụ ndị nne na-azụ ụmụ; ya mere, ^bnkwa nile nke Onye-nwe dị ukwuu n’ebe ndị Jentaịlụ nọ, n’ihi na o kwuwo ya, ma onye ga arụ ụka?

10 Mana lee, ala nke a, otu a ka Chineke kwuru, ga-abụ ala nketa unu, ma ^andị Jentaịlụ ka a ga-agọzi n’elu ala ahụ.

11 Ma ala nke a ga-abụ ala nke ^antọhapụ nye ndị Jentaịlụ, ma a gaghị enwe ^bndị eze n’elu ala ahụ, ndị ga-ewelite elu nye ndị Jentaịlụ.

12 Ma a ga m ewusi ala a ike megide mba nile ndị ọzọ.

13 Ma onye ọbụla ^ana-alụ ọgụ megide Zaịọn ga ^bala-n’iyi, otu a ka Chineke kwuru.

14 N’ihi na onye ọbụla welitere eze megide m ga-ala-n’iyi, n’ihi na mụ, bụ Onye-nwe, ^aeze nke elu-igwe, ga-abụ eze ha, ma aga m abụ ^bìhè nye ha ruo mgbe nile, bụ ndị na-anụ okwu m nile.

15 Ya mere, n’ihi nke a, na a ga-emezu ^aọgbụgba-ndụ m nile nke M meworo nye ụmụ nke mmadụ, na m ga-emere ha mgbe ha nọ n’anụ arụ, ọ dịrịrị mkpa na m ga-ebibi ^bọrụ nzuzo nile nke ^cọchịchịrị, na nke igbu mmadụ nile, na nke ihe arụ nile.

16 Ya mere, onye ọbụla n’alụ ọgụ megide ^aZaịọn, ma Juu ma Jentaịlụ, ma ndị bụ oru ma ndị nwe onwe ha, ma ndị nwoke ma ndị nwanyị, ga-ala-n’iyi; n’ihi na ^bha bụ ndị bụ akwụnakwụna nke ụwa nile; n’ihi na ^cndị ^dna-anọnyereghị m ^ena-emegide m, ka Chineke anyị kwuru.

17 N’ihi na a ga m ^aemezu nkwa m nile nke m kweworo ụmụ nke mmadụ, na a ga m emere ha mgbe ha nọ n’anụ arụ—

18 Ya mere, ụmụnne m nwoke ndị m hụrụ n’anya, otu a ka Chineke anyị kwuru: A ga m akpagbu mkpụrụ-afọ gị site n’aka nke ^andị Jentaịlụ, otu o sila dị, a ga m eme ka obi ndị Jentaịlụ dị nro, ka ha wee dịka nna nye ha; ya mere, ndị Jentaịlụ ga-abụ ndị ^bagọziri agọzi ma ^cgụnye n’etiti ụlọ nke Israel.

19 Ya mere, a ga m ^aedo ala a nsọ nye mkpụrụ-afọ unu, na ndị ahụ a ga-agụnye n’etiti mkpụrụ-afọ unu, ruo mgbe nile, n’ihi ala nke nketa ha; n’ihi na ọ bụ ala nhọrọ karịa ala ndị ọzọ, otu a ka Chineke gwara m, karịa ala nile ndị ọzọ, ya mere, a ga m achọ ka mmadụ nile na-ebi n’ala ahụ ka ha na-efe m, otu a ka Chineke kwuru.

20 Ma ugbua, ụmụnne m nwoke ndị m hụrụ n’anya, ebe anyị hụworo na Chineke nke ebere anyị enyewo anyị nnukwu mmata ihe ha otu a gbasara ihe ndị a, ka anyị na-echeta ya, ma wezuga mmehie anyị nile, ma ghara ịkwụdata isi anyị, n’ihi na a tụfughị anyị atụfu; otu o sila dị, a ^achụpụwo anyị site n’ala nke nketa anyị; mana e dugawo anyị ^bn’ala nke ka mma, n’ihi na Onye-nwe emewo osimiri okporo ^cụzọ anyị, ma anyị nọ ^dn’ala nile mmiri gbara gburu-gburu nke osimiri.

21 Ma nnukwu ka nkwa nile nke Onye-nwe di nye ha bụ ndị nọ n’elu ala ahụ mmiri gbara gburu-gburu nke osimiri; ya mere dịka o kwuru, ^aala mmiri gbara gburu-gburu, ọ ga-enweriri ihe ka nke a, ma ndị bi kwa na ha bụ ụmụnne anyị.

22 N’ihi na lee, Onye-nwe Chineke ^aakpọpụwo site n’oge ruo n’oge site n’ụlọ nke Israel, dịka ọchịchọ na mmasị ya siri dị. Ma ugbua lee, Onye-nwe na-echeta ndị nile ekewapụworo, ya mere ọ na-echeta kwa anyị.

23 Ya mere, nweenụ an̄ụrị n’obi unu, ma cheta na unu ^anwere onwe unu ^bime ihe unu chọrọ ime—^cịhọrọ ụzọ nke ọnwụ mgbe nile na-adigide ma-ọbụ ụzọ nke ndụ ebighi-ebi.

24 Ya mere, ụmụnne m nwoke ndị m hụrụ n’anya, mee nụ udo na ọchịchọ nke Chineke, ma ọbụghị nye ọchịchọ nke ekwensu na anụ arụ; ma cheta, mgbe unu meworo udo unu na Chineke, na ọ bụ n’ime na site ^an’amara nke Chineke ka a ga ^bazọpụta unu.

25 Ya mere, ka Chineke kulite unu site n’ọnwụ site n’ike nke mbilite n’ọnwụ, na kwa site n’ọnwụ mgbe nile na-adigide site n’ike nke ^aaja mgbaghara mmehie, ka e wee nabata unu n’ime ala-eze ebighi-ebi nke Chineke, ka unu wee too ya site n’amara nsọ. Amen.