1 Áádóó kʼad áko shooh, shikʼiské ayóó ánihooshníinii, nihichʼįʼ hadeesdzih; háálá shí, Nephi, tʼáá káhii laʼ kwíídínóósįįł Gentile dineʼé biláahdi diyinkʼehgo yishááł. Háála áko shooh, Diyin God bibee hazʼáanii dadínóhsingo tʼéiyá doo ánhidiʼdooldįįł da; dóó saad bee haʼoodzíʼígíí biniinaa tʼáadoo Gentile dineʼé tʼáá átʼé ábiʼdisdįįd danohsiní.

2 Háálá áko shooh, kónihidishní tʼáá ląʼí da Gentile dineʼé ádaa ńdaʼooskanígíí éiyá Diyin Bóhólníihii yił ahadaʼdeestʼáanii danilį́į dooleeł; dóó tʼáá ląʼí da Jew dineʼé tʼáadoo beʼiinaʼ łahgo áńdayiidlaago éí nahjįʼ kódabidiʼdoolnííł; háálá Diyin Bóhólníihii doo łaʼ yił ahaʼdeetą́ą da tʼáá hazhóʼó beʼiinaʼ łahgo áńdayiidlaago dóó Diyin biYeʼ dayoosdląągo tʼéiyá, háálá éí Israel biDiyin Ayóó Átʼéii nilį́.

3 Áádóó kʼad, nááná łaʼ Diyin bikʼeh áhodooníiłgo Jew dineʼé dóó Gentile dineʼé bídadéétʼiʼígíí bee nihił hashneʼ. Háálá naaltsoos baa haasdzíʼę́ę haatʼą́ą́dóó bikʼijįʼ, Gentile dineʼé díí naháasdzóh bichʼįʼ kódoolnííł, dóó Diyin Bóhólníihii bichʼįʼ bidándiʼdooljah, tʼóó ahayóí éiyá saad náhaasdzoh yę́ę deidoodląął; dóó nihílástsiiʼ chʼéédzííʼígíí yaa deidooʼááł.

4 Áádóó áádóó nihílástsiiʼ chʼéékaiígíí nihaa éédahodoosįįł, haitʼáo Jerusalem biiʼdę́ę́ʼ chʼíniikai, dóó Jew dineʼé eíí yitsʼą́ą́dóó dahazlį́į́ʼ.

5 Áádóó Jesus Christ binahatʼá bee yisdáʼiildéehii bitahgóó bee naʼnitin dooleeł; ákohgo, dabizhéʼéyę́ę yíndahídoołʼááł áádóó Jesus Christ ałdóʼ yaa yíndahídoołʼááł, háálá éí biteʼázíní bitah dahólǫ́ǫ ńtʼę́ę́ʼ.

6 Áádóó índa bił dahodoozhǫǫł; háálá Diyin God bílákʼeedóó éí bee bikʼidahojisdliʼígíí bił béédahodoozįįł; dóó binákʼee bee chahałheełyę́ę nahjįʼ kódoonííł; dóó doo ląʼí bitah są́ náʼoogą́ą́ʼ da doo, tʼáá hazhóʼó dineʼé niłtólʼí dóó bá adahwiinítʼį́į́ doo.

7 Áádóó baa hodoolzhish Jew dineʼé daʼníłtsʼą́ąjigo ałtsʼádaneeskadígíí éí ałdóʼ Christ deiyoodlą́ągo hahodoolzhish; dóó ałdóʼ kéyah yikáaʼgi ahínáhidookah; dóó tʼóó ahayóí Christ dayoodláagóó éí ałdóʼ diné bá adahwiinítʼį́ dadooleeł.

8 Áádóó baa hodoolzhish Bóhólníihii Diyin God tʼáá áłtso ałʼąą dineʼé, kʼé deiłníinii, dabizaadkʼehjí, dóó diné bitahgóó binaanish heidoołwoł, nahasdzáán bikááʼgóó bidineʼé bee háádidoolnííł biniyé.

9 Áádóó Bóhólníihii Diyin God diyin yikʼehgo iiná yinaahjíʼ baa dahoojoobáʼííígíí yá nahodooʼááł, áádóó nahasdzáán bikááʼgóó Diyinkʼehgo dahinánígíí aheełtʼéego yá hadoodzih; tsihał nahalingo bizééʼdę́ę́ʼ hóyéeʼgo nahasdzáán atíidoolííł, áádóó biyol yee ałdóʼ bąąhági ádaatʼínígíí íidoołdįįł.

10 Háálá tsxį́įłgo bikʼí hodoolzhish Bóhólníihii Diyin God ayóó átʼáo diné ałtsʼéídoonił, dóó bąąhági ádaatʼínígíí neidoołtsxił; dóó bidineʼé yisdeidoonił, aooʼ, azhą́ ákótʼée ndi bąąhági ádaatʼínígíí kǫʼ yee íidoołdįįł.

11 Áádóó diyinkʼehgo oodááł yee hadítʼée doo, áádóó oodląʼ baʼahódlíigo yee neilǫʼ doo.

12 Áádóó maʼiitsoh ałdóʼ dibé yázhí yił kééhatʼį́į doo, áádóó náshdóítsoh łikizhii tłʼízí yázhí yíighah sitʼį́į doo, índa béégashii yáázh, dóó náshdóítsoh bitsiijįʼ ditłʼooígíí biyázhí dóó alį́į́ʼ neeskʼahii yił shijééʼ doo, áádóó áłchíní booʼish doo.

13 Áádóó béégashii dóó shash tʼááłáhígi ałchozh doo; áádóó dabiyázhí tʼááłáhígi naazhjééʼ doo; índa náshdóítsoh bitsiijįʼ ditłʼooígíí éí béégashii nahalingo ałchozh doo.

14 Áádóó awééʼ tʼahdii ałtʼoʼígíí éí tłʼiish baházidii beʼáʼáangi naanée doo, índa awééʼ iʼdíítʼóódígíí éí naʼashǫʼii baházidii beʼáʼáan yikʼi déesniiʼ doo.

15 Tʼáá átʼéé ńtʼééʼ shidził dahodiyingóó doo atídaʼahidilʼį́į da doo dóó doo nidaʼahiiltseed da doo, nahasdzáán bikááʼgóó Diyin Bóhólníihii bééhoʼdílzin doo, tónteel tó bił diilkǫʼ nahalinígi átʼáo.

16 Ákohgo, ałʼąą dineʼé tʼáá ałtso binichxǫʼí béédahodoozįįł; aooʼ, nihokááʼ dineʼé baʼáłchíní tʼáá áłtsoní bił béédahodoozįįł.

17 Doo nanilʼiní da háálá tʼáá ałtso béédahodoozįįł; chahałheełjí doo óʼoolʼįįł da háálá adindíin biyiʼjįʼ ííshją́ą́ ádadoolnííł; nihokáaʼgi doo bidaʼastłʼóní da háálá tʼáá ałtsoní kʼídaastʼah.

18 Ákohgo, tʼáá ałtsoní nihokááʼ dineʼé baʼáłchíní bił ííshją́ą́ ádaalyaa yę́ę éí nihoniyáadi bił ííshjání ándadoolnííł; dóó Chʼį́įdii nihokááʼ dineʼé baʼáłchíní bijéí yee bikʼi bidziilyę́ę ádoodįįł, bił hoolzhish doo. Dóó kʼad, shikʼiské ayóó ánihooshníinii, díí kojįʼ shizaad ałtso bee ádííniid doo.