1 Éí bijį́įdi ádidííniił, O Diyin Bóhólníihii nílíinii, naahashniih doo; azhą́ shichʼįʼ náháchįʼ ńtʼééʼ ndi, náháchįįhígíí nahjįʼ kwíinilaa, dóó shił hwíínshǫǫd.

2 Áko shooh, Diyin God bee yisdáhdeesháałii átʼé; baijíínshłį́į́ doo, áádóó doo násdzid da doo; háálá Diyin Bóhólníihii Jehovah bee shidziil dóó shiyiin nilį́, áádóó ałdóʼ bee yisdáhdeesháałii silį́į́ʼ.

3 Éí bąą, baa nił hózhǫ́ǫgo tó hadahadleehdóó tó bee yisdáʼiildéehii hahíleeh doo.

4 Áádóó éí bijį́įdi ádidííniił: Diyin Bóhólníihii baa hóniih, bízhiʼ yínízhíigo bichʼįʼ sodílzin, binaanish ííłʼínígíí diné bitahgóó bee yáníłtiʼ, bízhiʼ tsʼídá ayóó átʼé diníigo baa hólneʼ.

5 Diyin Bóhólníihii bichʼįʼ hótaał; háálá tsʼídá yáʼádaatʼéehii áyiilaa; díí nihokááʼ tʼáá áłtsogóó bééhózin.

6 Ziondi kééhótʼíinii, ayóó íitsʼaʼgo nił hózhǫ́ǫgo dílwosh, háálá Israel biDiyin Ayóó Átʼéii nihitahgóó hólónígíí éí ayóó átʼé.