1 Áádóó Jesse tsin bitsiin bitsʼą́ą́dóó łaʼ hadínóosééł, dóó bikétłʼóól bitsʼą́ą́dóó atsʼáozʼá hadínóosééł.

2 Áádóó Diyin Bóhólníihii biʼIiʼ Sizį́ Diyinii, eii éí diyingo hódzáanii dóó akʼidiʼiitįįhii, diyingo naʼnitinii dóó adziilii, diyingo ééhózinii dóó Diyin Bóhólníihii bikʼeʼíyéʼii bikʼi hwiidooleeł;

3 Áádóó Diyin Bóhólníihii bikʼeʼíyéʼii tsxį́įłgo ákʼeʼdiitįįhgo abidoolííł; binááʼ yee yooʼínígíí doo yikʼehgo náhwiiʼaah da doo, índa bijaaʼ yee yidiitsʼaʼígíí doo yikʼehgo hashkée da doo.

4 Ákondi Bóhólníihii Diyin God diyin yikʼehgo iiná yinaahjíʼ baa dahoojoobáígíí yá nahodooʼááł, áádóó nahasdzáán bikááʼgóó Diyinkʼehgo dahinánígíí aheełtʼéego yá hadoodzih; tsihał nahalingo bizééʼdę́ę́ʼ aláahdi hóyéeʼgo nahasdzáán atíidoolííł, áádóó biyol yee ałdóʼ bąąhági ádaatʼínígíí íidoołdįįł.

5 Áádóó diyinkʼehgo oodááł yee hadítʼée doo, áádóó oodląʼ baʼahódlíigo yee neilǫʼ doo.

6 Mąʼiitsoh ałdóʼ dibé yázhí yił kééhatʼį́į doo, áádóó náshdóítsoh łikizhii tłʼízí yázhí yíighah sitʼį́į doo, índa béégashii yáázh dóó náshdóítsoh bitsiijįʼ ditłʼooígíí biyázhí dóó alį́į́ʼ neeskʼahii yił shijéeʼ doo, áádóó áłchíní booʼish doo.

7 Áádóó béégashii dóó shash tʼááłáhígóó ałchozh doo; áádóó dabiyázhí tʼááłáhígóó naazhjééʼ doo; índa náshdóítsoh bitsiijįʼ ditłʼooígíí éí béégashii nahalingo ałchozh doo.

8 Áádóó awééʼ tʼahdoo iditʼoodígíí éí tłʼiish naʼałtseedii beʼáʼáangi naanée doo, índa awééʼ iʼdíítʼóódígíí éí naʼashǫʼii naʼałtseedii beʼáʼáan yikʼi déesniiʼ doo.

9 Shidził diyinii bikááʼ tʼáá ałtsogóó doo atídaʼahidilʼį́į da doo dóó doo nidaʼahiiltseed da doo, háálá tónteel haʼdeezbingi átʼáo, nahasdzáán bikááʼgóó Diyin Bóhólníihii bééhoʼdílzin doo.

10 Áádóó éí bijį́įdi Jesse behétłʼóól nilíinii, diné bichʼįʼ dah naʼatʼaʼí nilį́įgo bee ééhózin doo; Gentile dineʼé éí há daatʼį́į doo áádóó diyingo hoołʼaʼgo ayóó áhonoolnin doo.

11 Áádóó baa hodoolzhish éí beiníłką́ądi, Assyria, dóó Egypt, dóó Pathros, dóó Cush, dóó Elam, dóó Shinar, kédaayahdę́ę́ʼ dóó Hamath, kin haalʼáádę́ę́ʼ índa tónteel bikááʼ kédayahdę́ę́ʼ éí Diyin Bóhólníihii nilíinii bidineʼé chʼéédzíʼígíí yíchʼįʼ dahdidoolnihgo dahnáánéididooʼish.

12 Áádóó ałʼąą dineʼé dah naʼatʼaʼí bee ééhózinii yá dah yidoołtsoos, Israel dineʼé yóóʼadabidiistʼánée índa Judah dineʼé yóóʼadabidiʼnoodzood yę́ę tʼáá dį́į́ʼ adahwiisʼáádę́ę́ʼ áłah ánéidoodlííł.

13 Ephraim dineʼé daʼoołchʼį́į́d yę́ę biiʼ hadooldoh, índa Judah dineʼé bikʼijįʼ danilínée ábidiʼdooldįįł; Ephraim dineʼé éí Judah dineʼé doo yoołchʼį́įd da doo, índa Judah dineʼé éí Ephraim dineʼé doo yíniʼ náánéísʼą́ą da doo.

14 Ákondi eʼeʼaahjigo Philistia dineʼé biwos yikááʼgóó ahidootʼah; haʼaʼaahjigo tʼáá áłah éí binichxǫ́ʼí yitsʼą́ą́ʼ adeiyiizhjaaʼ; Edom dóó Moab dineʼé átʼį́įdoolííł; dóó Ammon dineʼé baʼáłchíní bikʼeh dahółʼį́į doo.

15 Áádóó Diyin Bóhólníihii éí Egyptian tónteel atsooʼ nahalingo bitsʼáhiníyínígíí yidoołchxǫǫł, áádóó biníłchʼi bidziil yee tooh nílį́ yikááʼgóó bílaʼ yídooghał, áádóó tsostsʼidgo ałtsʼá dadoonah; dóó diné hóółtseiigóó chʼíídooʼish.

16 Áádóó bidineʼé chʼéédzíʼígíí bá atiin doo, Assyriadę́ę́ʼ, Israel dineʼé Egypt kéyahdę́ę́ʼ chʼíkaiyę́ęgi átʼáo.