1 Kʼad shí, Nephi, saad náházoyę́ę łahgo baah hadeesdzih, ei éí Isaiah yee haadzííʼyę́ę. Háálá áko shooh, Isaiah laʼígo yee haadzíʼę́ę shidineʼé łąʼí chʼééh yikʼe daʼdiiʼtįįh; Jew dineʼé haitʼáó Diyin bikʼeh áhodooníłígíí doo bił béédahózin da.

2 Háálá shí, Nephi, haitʼáó Jew dineʼé ádaʼałʼínígíí doo łąʼí bee nanétʼą́ąʼda; háálá chahałheełjí ádaalííníí yaa naakai ntʼę́ę́, áádóó doo yáʼáshxǫ́ǫ́jí yaa naakai ntʼę́ę́ʼ.

3 Ákohgo, shidineʼé bichʼį eʼeshłeeh, tʼáá hááshį́į́ yidééshtʼa nizinígíí bichʼį kodóó náházooʼígíí, áko Diyin God yee nahwiiááhii bił béédahózin doo, éí áłʼąą dineʼé tʼáá átʼé bichʼįʼ kodoolnííł, éí yee haadzíʼhę́ę́ bikʼéhgo.

4 Ákohgo, daʼíísínółtsʼą́ą́ʼ, O shidineʼé, Israel bighandóó háájéʼígíí, shizaad deisółtsʼą́ą́ʼ; háála Isaiah bizaad bikʼedoohtʼįįhgo nihándanitłʼah, ákótʼée ndi Diyin bikʼehgo áhodooníłígíí bił dahólónígíí éiyá doo bá ndanitłʼa da. Ákondi Diyin bikʼeh áhodooníłígíí łaʼ bee nihił hashne, iiʼ sizíinii shiiʼ hólónígíí binahjįʼ; ákohgo Jerusalemdę́ę́ʼ shizheʼé bił dahdiiʼáázhyę́ędą́ą́ʼ doo nánitłʼahgóó bikʼiʼdiitʼánééʼ bikʼehgo nihił ííshją́ą́ʼ éʼéshłééh; háálá áko shooh, tʼáá bééhózínígo shidineʼé bił hashneʼgo shiiʼ sizíinii yaa bił hózhǫ́, éí yináhjįʼ ídahwiidoołʼáál.

5 Aooʼ, shiiʼ sizíinii Isaiah bizaad yaa bił hózhǫ́, háálá shí Jerusalemdę́ę́ʼ níyá, áádóó áadi Jew dineʼé ádaʼałʼíinii shinááʼ bee yiiłtsą́, dóó Jew dineʼé Diyin yá yádaałtiʼii yaa dahalneʼę́ę yikʼedaʼdiitą́, dóó Jew dineʼé akʼedaʼdiitánígiʼ átʼáo dahiinánée doo nááná ła dineʼ kótʼéego bichʼįʼ haʼoodzííʼ da, tʼáá hazhoʼó Jew dineʼé nidabiʼdiʼneestąʼnígíí átʼáo tʼéiyá.

6 Ákondi shooh, shí, Nephi, Jew dineʼé ndabiʼdiʼneestąʼígiʼ átʼáo doo shaʼáłchíní nanétą́ąʼ da; ákondi shooh, shí éí, tʼáá shí, Jerusalemdi kééhashtʼį́į ńtʼę́ę́ʼ, ákohgo kéyah binááʼgóó ádahootʼéhígíí shił bééhózin; dóó Diyin God yee nahwiitʼaahígíí shaʼáłchíní bił chʼíníʼá, éí Jew dineʼé bitahgóó ádahóótʼįįd, áádóó shaʼáłchíní beilyá, éí tʼáá ałtso Isaiah yee haadzííʼę́ę́, éí tʼáadoo náházo da.

7 Ákondi shooh, tʼáá shí Diyin bikʼehgo áhodooníłígíí baa hashneʼ doo, doo nanitłʼagóó bikʼeʼdiishtįįhígíí bikʼehgo, éí binahjįʼ diné doo łaʼ adoosih da; ákótʼée ndi, Isaiah bił ííshją́ą́ ádaalyaayée bidahoolyaago éí tʼáá aaníi átʼéego dineʼé bił béédahodoozįįł.

8 Ákohgo, nihokááʼ dineʼé badaʼáłchíní bił danʼilį́, áádóó éí doo ádahodoonííł da nízinígíí, éí íiyisíí bichʼįʼ haasdziih, dóó saadígíí shidineʼé tʼéiyá bágo ádeeshłííł; háálá shił beehozingóó díí tʼáá íiyisíí bił danilį́į doo nihodoogáałjįʼ ayííłką́ągo; háálá éí beiiniłką́ąh góneʼ yíkʼedaʼdiitʼą́ą doo; ákohgo, bá yáʼátʼééh doogo náházoh.

9 Áádóó bąąhági átʼéii biniinaa Jew dineʼé bitahgóó tʼááłaʼí oochiłgo ádabiʼdisdįįd, ałdóʼ baʼátʼé binahjįʼ ałkééʼ oochííłgo ádabidisdįįd; áko tʼáadoo łaʼ ádabidisdįįd da Diyin Bóhólníihii yá yádaałtiʼii yaa hadahaasdzíigo índa.

10 Ákohgo, dahodoochǫǫłígíí hoł hóóneʼ, shizhéʼé Jerusalemdóó dahdiiyá bikéédóó; ákótʼée ndi, bijéí deistłʼis; áádóó Diyin bikʼehgo áhodoonííł shił ííshją́ą́ ályaaígíí bikʼehgo ndabiʼdistseed, tʼáá hazhoʼó Babylongóó dabiʼdisnáhígíí tʼéiyá chʼéékai.

11 Áádóó kʼad diyingo iiʼ sizíinii shiiʼ hólónígíí biniinaa díí bee haasdziih. Azhą́ dabiʼdishnááh ndi nináhidookah áádóó Jerusalemdi kéyah baa ńdahidoolyeeł; ákohgo, dabichínéejįʼ baa ndahididooltʼááł.

12 Ákondi, shooh, anaaʼ hatah hólǫ́ǫ dooleeł, dóó daʼahijighą́ągo baahaneʼ doo; dóó beiiníłką́ągo nihiTaaʼ Tʼáá Éí Tʼéiyá Bá Yizhchíinii níyáago, aooʼ, éí nahasdzáán dóó yáʼąąsh yiTaaʼ nilį́, atsʼíís bee hólóogo bichʼįʼ ííjání ádiʼdidoonííł, Áko shooh, bikʼos kʼídaazʼá, dóó bijéí daastłʼis, dóó bąąhágiʼ atʼéí yaa naakaiígíí biniinaa yóóʼadeididooʼááł.

13 Áko shooh, tsin ałnáosʼáí bikáajįʼ deidiyoołyééł; dóó tsé niʼootséél góneʼ niiltį́į́ dóó tááʼ yiską́ągo anoonééłdéé naadidoodááł; áádóó tʼáá ałtso bizhiʼ deiyoodlánígíí éí Diyin God bił hazʼáadi yisdádookah. Ákohgo, shiiʼ sizíinii ayóó bił hózhǫ́ Diyin bikʼeh áhodooníłígíí baa hashneʼgo, háálá éí bijí yiiłtsą́, dóó shijéí bizhiʼ diyinígíí yaa haniih.

14 Áádóó áko shooh áhodooníł Messiah anoonééłdééʼ náádiidzáago, dóó bidineʼé yichʼįʼ ííshjání áʼdiilyaago, dóó bizhiʼ deyoosdląądgo, áko shooh, Jerusalem náádoolchxǫǫł áko yíí Diyin God dóó bidineʼé bisodizin yikíjiʼ nidaabaahígíí ábiʼdiʼní.

15 Ákohgo, Jew dineʼé tʼáá ałtso ałʼąą dineʼé bitahgóó daʼníłtsʼą́ąjigo áłtsʼádahidínóolkał; aooʼ, dóó Babylon ałdóʼ doolchxǫǫł; ákohgo, Jew dineʼé nááná łaʼ dineʼé ałdóʼ daʼníłtsʼą́ąjigo áłtsʼádabidínóolkał.

16 Áádóó daʼníłtsʼą́ąjigo áłtsʼádabiʼdínóolkaadgo, dóó Bóhólníihii Diyin God naaná łaʼ dineʼé yee atíhóola, ląʼídi sánáʼoogą́ą́hgo, aooʼ, tʼáá áłkééʼ iiʼhááʼayoochííłdééʼ hoolzhishgo Christ, Diyin God biYeʼ, dóó bąąhági átʼéii bikʼé nináʼílyáhígíí, éí ahoolʼáágóó dineʼé tʼáá átʼé bá—áko éí Christ dayoosdląądígíí beiníłką́ą́di, dóó bízhi binahjįʼ nihiTaaʼ nilíinii deidósin; bijéí dóó bila, hadaałtʼégóó dóó doo daachingóó, yee hoojoobaʼ ádaaníi doo, áko doo nááná łaʼ Messiah hádeidéézʼį́į́da doo, ákohgo, áajįʼ ayííłką́ągo éí díí íiyisíí dayoodlą́ą dooleeł.

17 Áádóó Diyin Bóhólníihii naaki aleeh góneʼ tʼáá bí bilaʼ yee ałah ánéidoodlééł bidineʼé yóóʼaheeskai dóó nahjįʼ kó daadzaaígíí. Ákohgo, diyingo naʼanish ayóóʼátʼéii dóó baa ááh hwiinidzin nihokááʼ dineʼé baʼáłchíní bitahgóó kwíídoolííł.

18 Ákohgo, saad yee yichʼįʼ hadoodzihígíí éí akéédi yoołkáałdi bandahodooʼááł, Messiah tʼááʼaníníí, yóóʼadeideezʼánée bił béédahodooʼzįįł biniyé bił ííshją́ą́ ályaa; áádóó Messiah doo łaʼ náadoogááłgóó hádeidéézʼį́į́da doo, háálá doo łaʼ náádoogááł da, tʼáá hazhoʼó diné yeʼdidoolohgo Messiah tʼóó ádilʼínígíí tʼéiyá; háálá Messiah tʼááłaʼígo tʼéiyá Diyin yá yádaałtiʼii yaa dahalneʼ; dóó éí Messiah Jew dineʼé doo deidínóózį́į́ł da.

19 Háálá Diyin yá yádaałtiʼii ádaaníigo éí, shizhéʼé Jerusalemdę́ę́ʼ dah diiyá yéédą́ą́ʼhastą́ądi neeznádiin nááhaigo Messiah doogááł; áádóó Diyin Yáʼyádaałtʼiʼi dóó Diyin God yá naalʼaʼí ádaaníigo, Jesus Christ, Diyin God biYeʼ nilį́įgo, bízhiʼ dooleeł.

20 Áádóó kʼad, shikʼiské, tʼáá bééhózínígo haasdzííʼ, doo bee adoohsihgóó, Áko Bóhólníihii Diyin God hiináago Israel dineʼé Egypt kéyahdééʼ chʼííníʼeezhgo, áádóó Moses ałʼąą dineʼé tłʼiishtsoh naʼałtseedii dabishashgo diyin adziil yee náyííłdzííʼ; éí tłʼiishtsoh hachʼįʼdahyidiiłtʼį́ éí tʼóó bikʼídazhdooghał biniyé, áádóó diyin adziil hainílágo tsé nízhdííłhałgo tó haaná; aooʼ, áko shooh díí tʼáá aníigo ádishní, dóó Bóhólníihii Diyin God hiiná, doo nááná łaʼ yáʼąąsh biyaa ázhiʼ niilyáa da tʼáá hazhoʼó Jesus Christ, baa haasdziʼígíí tʼéiyá, binajįʼ diné yisdádoogaał.

21 Ákohgo, díí biniinaa Bóhólníihii Diyin God yee shił ahaʼdeetʼą́ díí náhásóhígíí baaʼáháyą́ dóó naasgóó choidooʼįįłgo sinil doo, dóó shílástiiʼ baa doonił, ałkééʼ náʼoochííłgo, áko Joseph diyingo ałhaʼdeetʼánée bohodoolnííł, áko bílástsii doo anáábiʼdiʼdooldįįł da nahasdzáán tʼáá hiináágóó.

22 Ákohgo, díí ałkééʼ náʼoochííłgo bił hoolzhish doo nahasdzáán tʼáá hiináágóó; áádóó Diyin God íinízinígíí dóó bił yáʼátʼéhígíí bikʼehgo ádoonííł. dóó ałʼąą dineʼé díí saad ńdaháásdzo dahdeiʼyíleehígíí éí bikʼehgo bándahodootʼááł.

23 Háálá tsʼídá yéego bindeilnishgo ndaʼiidzoh, nihaʼáłchíní, áádóó nihikʼiské ałdó bá laanaa daniidzingo Christ deidoodląął, dóó Diyin God yił kʼé náádaʼahididooniił biniyé; háálá nihił béédahózin tʼáá ałtso bee ádeitʼįįdígíí, bikéédóó bibee ajoobaʼ bee yisdádiikah.

24 Áádóó, azhą́ Christ deiniidlą́ą ndi, Moses bibee hazʼáanii bikʼeh dahoniilį́, áádóó Christ yéego bikéénsiidzį́įgo bichʼįʼ dadíníitʼį́į́ʼ, ńléí bee hazʼáanii ałtso bohoolyaajįʼ.

25 Háálá, háálá díí biniyé bee hazʼáanii niilyá; ákohgo éí bee hazʼáanii nahjiʼ kódeilyaa, áádóó daʼiiniidlánígíí biniinaa Christ bee dahiniiná dasiidlį́į́ʼ; ákondi éí bee hazʼáanii bikʼedahoniilʼį́ háálá bee hazʼáanii ádaatʼé.

26 Áádóó Christ baa yádeiltiʼ, Christ baa nihił dahózhǫ́, dóó Christ baa dahwiilneʼ, dóó Diyin bikʼeh áhodoonííłgo Christ doogááł dadiiní, áádóó nihił ííshją́ą́ ádáályai ndaʼhíídzóóh, áko nihaʼáłchíní bił béédahózin dooleeł háí lá yichʼįʼ dadeezʼį́įgo bibąąhági ádaatʼéii baa ndahididootʼááł.

27 Ákohgo, bee hazʼáanii baa yádeiltįʼígíí éí haʼátʼáo nahjiʼ kólyaaígíí nihaʼáłchíní bił béédahózin doo; dóó éí, haitʼéégo bee hazʼáanii nahjiʼ kólyaaígíí bił béédahoozįįdgo, Christ bee iinánígíí yichʼįʼ dadéezʼį́į́ʼ doo, dóó bił béédahózin doo éí biniyé bee hazʼáanii niilyá. Áádóó Christ bibee hazʼáanii bohoolyaago, bijéí doo yichʼįʼ deidoołtłʼis da, díí bee hazʼáanii yóóʼádoolnííłgo.

28 Áádóó kʼad áko shooh, shidineʼé, éí bikʼos danitłʼiz dineʼé danohlį́; ákohgo, tʼáá bééhózínigo nihichʼįʼ haasdzíí, doo adoosihgóó. Áádóó saad bee haasdzígíí nihikʼíjįʼ tʼáá aaníigo haʼoodzíí átʼé; háálá diné yáʼátʼéhgi bee ndínóótʼį́į́łgo tʼáá bíighah; yáʼátʼéehgo oodaałji éí Christ joodlą́ą doo dóó doo nahjįʼ kwizhdoolííł da; háálá nahjíʼ kwijilaago Diyin yá yádaaltiʼii dóó dyin bibee hazʼáanii ałdóʼ nahjįʼ kwijilaa doo.

29 Áádóó kʼad áko shooh, bee nihichʼį yáshtiʼ tʼáá ákótʼéego oodááł éí Christ joohdlą́ą doo; dóó doo nahjį kółʼíígóó; dóó Christ éí Israel biDiyin Ayóóʼátʼéii átʼé; ákohgo tʼáá átʼé nihiyiʼ sizíinii, bee aniitʼéhígíí, nihíniʼ dóó tʼáá átʼé niheʼadziil bee bichʼįʼ yaa ádadadohnííł dóó deinodlą́ą doo; áádóó kóhdzaago doo haitʼáo da nahjįʼ kónihiʼdiʼdoolnííł da.

30 Áádóó, biniyeii hólǫ́ǫgo, Diyin God bá ádaahtʼį́ dóó bibee óʼoolʼįįł bikʼeh dahoniłʼį́ níléí Moses bibee hazʼáanii beilyáhígíí bohoolyaajįʼ índa.