1 Áádóó kʼad shí, Jacob, shikʼiské ayóó anihiiníshníinii, nihichʼįʼ haanáánásziih, díí Diyinkʼehgo deiyikahígíí bitsʼaozʼaʼ bidéétʼiʼ baa yéiłtiʼę́ę ááłdishní.

2 Háálá áko shooh, ahadaʼdeetʼą́ éí atsʼíseekʼehgo ahadaʼdeestʼánígíí ádaatʼé; ákohgo, laʼída nihaʼáłchíní atsʼíseekʼehgo ndadootsxiłgo shił ííshjání ályaa, ákótʼée ndi, Diyin God ląʼída yaa jidoobaał; dóó nihaʼáłchíní dadoodzih, báNináʼnídláii tʼáá aaníí bił béédahodoozįįłgo yaah hidookah.

3 Ákohgo, nichʼįʼ haasdzííʼgo, Christ nidzingo—akéédi tłʼééʼgo Diyin yá naalʼaʼí shichʼįʼ haadzííʼgo díí eí bízhiʼ shidííniid—éi Jew dineʼé yitaadoogááł, ííiyisíí dineʼ tsiʼnaakai bił nahazʼáágóó—dóó tsin ałʼnaosʼáí yikáá yiładaʼdoołkał—NihiDiyin God íiyisíí bá hwiinizin, doo nááná ła nahasdzáan bikáaʼgi diné dahyikahii kótʼáó biDiyin God tsin ałʼnáozʼai yikáá yił adaʼdoołkał da.

4 Háálá nááná łaʼ dadineʼé ayóó átʼáo álílee baa heesyáago ádaańdaʼdookąął, dóó biDiyin nilį́įgo bił béédahodoozįįł.

5 Ákondi naʼagiz dóó bąąhágiʼ átʼéii yaa naakaí biniinaa, Jerusalemdiígíí bikʼos yichʼįʼ deidoołtłʼis, áko tsin ałnoozai bikáajįʼ yił adaʼdoołkał.

6 Ákohgo, bibąąhági ádaatʼéii, dahalchxǫʼ, tiʼéʼį́ naałniihii, dóó dił dilzas bibikʼi hodooleeł; dóó doo ndaaztseedígíí tʼáá ałtso dineʼé dahólǫ́ǫgo daʼníłtsʼą́ąjigo áłtsʼádahidínóolkał.

7 Ákondi shooh, Bóhólníihii Diyin God ání: Áajįʼ ayiłką́ągo, Christ ashtʼínígíí dashiisoołtsʼą́ągo, ákogo dabizhéʼéyę́ę bił ahadaʼdinishtʼánée bee bitsʼíís nahasdzáán bikáaʼgi hashtʼéídadeeshdlííł, kéyah baadahideestʼą́ąjįʼ.

8 Áádóó baa hodoolzhish ałkʼídą́ą́ ałtsáheeskaiyę́ędééʼ ałhąʼándoolnííł, Tónteel bikááʼ kédaayahdééʼ, dóó nahasdzáán bikááʼ dį́į́ʼ ahidahodeezʼáádééʼ; Gentile dineʼé shinááʼ biyiʼdi áyóó ádaatʼee doo, Diyin God kóniiniʼ, kéyah baa deetʼá bichʼį yiyééłgo.

9 Aooʼ, Gentiledóó aláahdi hastóí naatʼáanii dóó aláahdi saani naatʼáanii baa ádahayáa doo; ákohgo, Diyin Bóhólníihii białhaʼdaʼdeestʼá Gentile dineʼé bichʼįʼ ayóó átʼée doo, háála bí ádííniid, dóó háish éí yikʼíjįʼ yáłtiʼ doo.

10 Ákondi shooh, díí kéyah, ní Diyin God, éí kéyah nihaadeetʼánii átʼée doo, dóó éí kéyah bikááʼ Gentile dineʼé bikʼidahozdooliił.

11 Áádóó díí kéyah Gentile dineʼé bichʼįi tʼáá nííkʼe dooleeł dóó díí bikááʼ adáadi naatʼaaníí ádaadin doo, éí Gentile dineʼé yichʼįʼ nídidookah.

12 Áádóó shí díí kéyah tʼáá ałtso diné dadeikáíhii yikʼijįʼ bitsxeʼgo ádeeshlįįł.

13 Áádóó Zion yikʼijįʼ naabaahígíí éí ádadooldįįł, ní Diyin God.

14 Háálá háida aláahdi naatʼáanii shikʼijįʼ yiyisįʼgo ábiʼdidooldííł, háálá shi, Diyin Bóhólníihii, yáʼąąsh aláahdi binaatʼáanii, aláahdi binaatʼáanii deeshłééł, dóó hooláago beʼadinídíín nishłę́ę doo, dashóóshtsʼą́ą́ʼii.

15 Ákohgo, díí biniyé, shi ahadaʼdeestʼánée dah bedaʼdoolnííł éí nihokááʼ dineʼé baʼáłchíní bichʼįʼ hastʼeiishlaa, éí tʼah atsʼíís beedahólǫ́ǫgo ádeeshlííł, chahałheeł dóó nadaʼałtseedii, dóó tʼóó badaaʼihii binaanish nanilinii deeshchxǫǫł.

16 Ákohgo, Zion yikʼijįʼ naabaahígíí, Jew dineʼé dóó Gentile dineʼé, ąąh naazhjéʼígíí dóó tʼáá nííkʼe deiyíkáhígíí, hastóí dóó sáanii, danilíinígíí ádooldįįł; éí eii nahasdzáán biʼałjiłnii danilį́; háálá háida doo shił danilínígíí éí shikʼijįʼ danilį́, ní nihiDiyin God.

17 Háálá shí nihokááʼ dineʼé baʼáłchíní bichʼįʼ shi ahaʼdadiistʼą́ ałtso ádadeeshlííł, tʼah atsʼíís bee dahólǫ́ǫgo bichʼįʼ beʼdaʼdeeshliił.

18 Ákohgo, shikʼiské ayóó íínishʼníinii, ní nihiDiyin God: Gentile dineʼé bilaʼ bee nílástsiiʼ átídeeshłííł, ákótʼée ndi, Gentile dineʼé bijéí yilzhóólí ádadeeshłiił; áko éí bichʼįʼ azheʼé ndahalin doo; ákohgo, Gentile dineʼé bikʼihojidoodliił dóó Israel bighandoo háájéʼígíí bił yídooltah.

19 Ákohgo, díí kéyah nílástiiʼ bichʼįʼ yideesį́į́ł, dóó hoolʼáágóó, tʼáá ałtso nílástiiʼ bitah deidóóltah, kéyah daabí dooleełgo; kéyah tsʼídá íliinii átʼé, shił ní Diyin God, tʼáá áłtso kédaayah biláaddi átʼé, ákohgo tʼáá ałtso dineʼé yikááʼ hiináanii shichʼįʼ dahodísin doo, ní Diyin God.

20 Áádóó kʼad, shikiʼiské ayóó aníhíínishniinii, nihiDiyin God joobaʼii yiitʼį́įgo díí tʼáá ałtsóní bee ayóó átʼáo ééhózin nihainíláago, nihí bénéílniih doo, dóó nihibąąhági ádaatʼéii nahjįʼ ndadiiʼnił, dóó doo nihí nihitsiitsiin yaah kódadiilnííł da, háálá doo nahjįʼ kódanihiʼdiilyaa da; ákótʼée ndi, nihikéyah nihaadeetʼą́néé biyiʼdóó chʼínihiʼdiʼneelkaad; ákondi kéyah hózhǫ́ yáʼátʼééhgóó nihiʼdeetʼeezh, háálá Diyin Bóhólníihii tónteel nikeʼatiin áyilaa dóó tónteel bikááʼgóó dahoniidlǫ́.

21 Ákondi Diyin Bóhólníihii bibee ahadaʼíistą́ tónteeł yikááʼ dahólóonii bichʼį ayóóʼátʼéii doo; ákohgo tónteel bikááʼ haʼní, díí tʼah bibáahgo shį́į́ dahóló, dóó éí nihikʼiské yikáá kéédahatʼį́.

22 Háálá áko shooh, Bóhólníihii Diyin God Israel bighandóó tʼáá náhodiʼnaahgo chʼíyiʼéésh, íínízin dóó bił yáʼátʼéhígíí bikʼehgo. Áádóó kʼad áko shooh, Diyin Bóhólníihii tʼáá ałtso kʼídahaastiʼii tʼáá átʼé yénálnííh, ákohgo nihí ałdóʼ nihénálniih.

23 Éí bąą, nihijéí bił dahooshǫǫh, dóó tʼáá nííkʼe ádaʼołʼínígíí béédaałniih—hoolʼáágóó anoonééł daatsʼí doodago hoolʼáágóó iiná.

24 Ákohgo, shikʼiské ayóó ánihiinishníinii, Diyin God bił kʼé ndaʼahídohníh, biʼiiníziinii dóó atsʼíseekʼehgo éí dooda, dóó béé daałniih, Diyin God bił kʼé ndaʼahídoohniidgo Diyin God bibee ajoobaʼ biiʼ dóó biníkááʼ góneʼ tʼéiyá yisdádoohkah.

25 Ákohgo, Diyin God anoonééłdééʼ nánihidiilá nááʼiiná beʼadziilii bee, dóó hoolʼáágóó anoonééł bąąhági átʼéii bikʼé nináʼílyáhígíí beʼadziilii ałdóʼ bee, áko hoolʼáágóó Diyin God bił hazʼą́ą́ góneʼ náyah ahóótʼiʼ dooleeł, áko Diyin bibee ajoobaʼ biníkááʼ góneʼ baah hodíínih. Amen.